السلام عليكم ..
موضوع متكرر ..
// الخيانة //
المرة الأولى لما كشفته سويت نفسي ما أدري بس لمحت له واقرصه قلبه ..بس مو متيقن إني عارفه ..

الثانية صارحته وصارت هوشة قربت للطلاق عشانه (منكر طبعا ) وأصريت على كلامي إن له علاقات بعدين جا واعتذر واعترف نسبيا وباس يدي وقدرت أعيش معه مره ثانيه بشكل حلو ..

الثالثة الآن : ما أدري وش أسوي معه ؟؟؟؟
أفكر : أخليه يحلف إن كلم أو أرسل لمرأة بالحرام أطلق منه ...
أو أعيش معه كزوجة فقط وأدوس على قلبي ...
وش شوركم قلبي تعبان لحد قريب من الموت ما أقدر أقول السالفة لأحد حتى صديقتي القريبة مني لأنها بتقول بنفسها يا إنه ما يحبها أو إنها غير معتنية فيه بالحد الكافي !
وهذا كله غير وارد في حياتي بحمد الله ..
ماذا أفعل الآن ؟

الأيام هذي يعني من 5 أيام تقريبا وأنا أعامله كزوجة فقط
سوالف عادية / كلمة حبيبي ما نطقتها بلساني أبدا كالعادة / ممارسة الجنس من طرف واحد فقط / أتزين نسبيا مو زي أول / الطبخ مثل عنايتي الأولى كذلك / البيت ماعدت أهتم فيه زي الأول نفسيتي كارهته / ما أسئل وين رحت ولا متى بتجي بسلامته / ولا بوسات ولا عناق ولا لهفة ولا شئ !!
هذا ما نطق به قلبي ولا ألومه ولا عندي استعداد مثل المرة الأولى!
طبعا هو حاس وشايف بس ساكت لأنه ( عارف وشهو مسوي) بس متضايق من الوضع جدا واشترى لي هدية اليوم ... يحسب إنه بيقص علي فيها ..

تدرين ان هذي نقطه اكرهها برجل قد ماتسوي ماينفع فيهم الرسايل المكالمات تمشي بدمهم
وهذي مشكله حواء
واذا رد عليك رجل قلك احتويه الشاطره الى تعرف تحتويه
طيب من سنين نحتوي ليه مايذكرون ذا شي
دام ان عرف انك عرفتي هذا شي حلو
الصقي فيه بكل دقيقه وثانيه لاتخليه لوحده حتى لو جلس سوي كابتشنو اذا كان يسهره
وبيتك نظفيه اذا راح دوام
اذا بعدتي واكتئبتي مو بصالحك راح يزيد

واخر نقطه الدعاااااااااااااااااااااااااء بثلث الليل

والله يسخره لك ويبعده عن حريم الشياطين

لو أدري إن هذا الشئ يخليه يترك هالطريق سويته ... ما احنا كنا سمن على عسل ومع ذلك رجع وكلم !!!
ألصق فيه الحين ليش!!!!!!

أفكر : أخليه يحلف إن كلم أو أرسل لمرأة بالحرام أطلق منه
يا أيها الحكماء والحكيمات من يشجعني على هذه الفكرة ؟

لانك لو بعدتي وتغيرتي عليه عنده بديل

لاكن انت باردتك تكسرين ه البديل الى يكلمها اقصد

لاتتتطلقين لان هذا شي بكل رجال مستحييييييييييييييل

والله آآآآآآآآآآآآآىىسفه ما عندي حل يالغاليه
لكن اسأل الله ان يفك كربك ويبعد عنكي ما اهمكي ويهدي زوجك ويصلح باله
مره قريت في هالمنتدى رد لاحد الرجال اراح قلبي وجزاه الله خير
قال ان المعصيه لذتها قليله ومصيره يتعب من الحرام وما في احسن من الحلال
قال انه في راحه نفسيه
للزوج
استغلي هالنقطه والعبي على هالوتر
قوي ايمانك وعلاقتك بربي وانصحي زوجك لكن ما تكوني معلمه
قال الله وقال رسوله ....
لا خلك المحبه اللي تبي تسعد زوجها وتريحه وتلرتاحي انتي
شوفي تعاملي معاه على انه انسان ضال وانتي داعيه وتريدي تهديه لسبيل الرشاد
واخلصي النيه لوجه ربنا وربي ما يخذلك ان شاء الله
هو مسكين ناسي ان الدنيا فانيه وانه قاعد يضحك على نفسه
وانصحيه ان اللى ماسك في دينه في هالوقت مثل اللي ماسك جمره
وووو
عندك احاديث كثيره حبيبتي
ثقفي نفسك
واهم اهم شي اسلوب الواعضه المحبه وابعدي عنك الكره والحقد
لان هذا ما يريده الشيطان
وانصحك بدعاء (اللهم اني اعوذ بك من شر نفسي ومن شر الشيطان وشركه او ان اقترف على نفسي سوءا او اجره الى مسلم)
واهم شي اذكار الصباح والمساء واذكري الله واستغفري بعد ما يجيك
ذاك الشعور السلبي تجاه زوجك
لاني اعرف انه صعب تنسي لكن الاذكار لها مفعول السحر
سبحان الله
ههههههههه قلت ما عندي نصيحه
سامحيني للاطاله

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

بالمنطق ( الروعة ) الي كنت فيه معه .. لا داعي لإعادتها لأنه سيناريو لم يأتي بنتيجة .. يا عالم 1+1= 2

الأخلاق والدين .. إذا ماردوه مايرده شي .. ولا يا ناس أنا غلطانه ...
آه أحس إني كل ما أذكر الرسايل ... أحس بالخذلان والخيانة .. أتخيل إنه قفل منها ذي الليلة واستقبلته بأحلى صورة ووضعت يده تحت خدي ... يا الله الطف بحالي .. اللهم انصرني ولا تنصر علي وامكر لي ولا تمكر علي..

أونا ..
كلامك روحاني وصح ومريح.. لكن قلبي لا يطاوعني أن أكون منى الأولى !!!
طيب ردي علي:
أصارحه باكتشافي له هذي المرة ..

ايش بتقوليله

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام