يمر على بالصيدليه نساء كثيرات
واحيانا مجاملة لهن اقول انتى لسه صغيره
كم عمرك ؟
تضحك وتقول تدينى كام سنه
طبعا اكمل المجامله واقول يعنى اتنين وعشرين تلاته وعشرين
تقول بلاش مبالغه اكتر شويه
وهى وشها عامل زى الاسفلت فى يوم حر
اقعد افكر واقول ياسبحن الله لماذا لاتنكر المرأه ستها الحقيقى ولا يخجل الرجل من ذكر سنه
طبعا البنات بتبقى عاوزه تكبر تسألها سنك كام تقول حداشر ونص ..
انما بعد التلاتين ابدا العمر مايتزحزحش مع ان كل سن وله جماله
ممكن اعرف مالذى يمنعكن من ذكر حقيقة اعماركن ؟
هل اجد جريئه تقول سنها الحقيقى ..

ده انتى غلس غلاسه يااخى
انا باسأل البنات حد قالك انى ناكر عمرى
انا تميت الستين فى ديسمبر اللى فات ولا اخجل من سنى ولا شكلى ومستقر داخليا االحمد لله
شفت انك من عمر اولادى ازاى
ارتحت
ماشى ياعم متشكرين على المداخله

لا لا لا مش زى مانتى فاهم
انا سنى اعلنته كتابة منذ عامين واعلنته العام الماضى وكبار شخصيات المنتدى يعلمون ذلك وانا هذا السؤال لا يحرك لى شعره انما موضوعى عن نكران الاناث لاعمارهن وليس الجميع
وبعدين لما اللحن يخلص حانزله فى شريط

انا باتكلم عن اسفلت مصر
اصل فى الصيف بيسيح ويطلع الظلط منه ويبقاش مستوى وهى وشها بيبقى كله حفر وتجاعيد ..
وانا معاكى ان دى اعتبارات تخلى المرأه تغالط فى عمرها انما انا ماشفتش واحده بتكبر نفسها الا الاطفال عاوزين يكبروا بسرعه ..
انما مهره دى بنتى ربنا يحرسها ويخليها دايما فى احلى صوره فى عنين جوزها وعنين الناس ويستر بنتها مهره يارب
شكرا ياحاجه وانا عارف عمرك ماتقوليش

داماس
وايه حايضر لو عرف عمرك
اه شو حايستفيد ولكن اسال والاجابه كذب
يعنى ده حتى الكذب حرام
لا هو فضول ولا تطفل سؤال اكيد وراه مبرر نقوم نكذب
وبعدين حسد على ايه وهى لما تقول خمسين وشكلها حلو نحسدها بالعكس نقول ماشاء الله اللهم صلى على النبى
انا ساعات تجيلى بنات تطلب ادويه معينه اقول خطر انتى لسه بنت تقولى ده انا مخلفه اتنين
اهو ماحسدتش ولا حاجه
وبعدين يعنى ايه نكبر ونصغر وانا كل مااسال الاقى عمر شكل
جايز داماس
نشوف فيه حد جريئ وواثق من نفسه تانى