فضفضة ..
قبل كم يوم نسولف في قروب الواتس أب أنا وصديقاتي من أيام المدرسة ..
قالت وحدة وش رايكم نفتح المجال هذا الشهر ونعمل حمل جماعي ؟
قلت لهم لا ماينفع .. أنا ما احمل بسهولة وبعدين انتو بتحملون وأنا لا .. إذا تبون حمل جماعي انتظروني أحمل وافتحو الباب واحملوا بعدي على طول ..
طبعا قاعدين نمزح ونضحك ..
إلا ردت علي وحدة اللهم لا حسد ... !!! قلت لها أي حسد ؟ تقول عيل تدعين علينا مانحمل ؟
قلت لها وين قلت هالكلام ؟ وتمت مصرة على رايها إني احسدهم .. وأنا أقول لها والله هذا رزق من الله وعمري ماحسدت حد على حمل بالعكس انتو صديقاتي واتمنى الخير لكم مثل ما أتمناه لنفسي ..
( وأصلا حاليا ولا وحدة منهم تبي تحمل .. كلهم يقولون تو الناس مانبي ألحين )
يعني كان الموضوع مزحة لكن شفت اللي بقلبها .. ويمكن غيرها بعد وماتكلموا .. يعني الحين تخافون مني إذا حملتوا إني يعني ممكن أحسدكم وأحقد عليكم لأنكم حملتو وانا صار لي أكثر من سنة احاول وماحملت ..
ربي لك الحمد ولك الشكر وأنا لا اعترض على قضاءك وقدرك ولك حكمة في تأخير حملي يارب العالمين .. بس ليش بعض الناس تفكيرهم جذي من ناحيتي ..؟؟
29-05-2013, 12:29 PM
ضوابط المشاركة
العرض الشجري