حلمي طفل احمله بين يداي احضنه والاعبه يناديني ماما ً أتمنى ان أكون أم أعيش مشاعر الأمومة أحاسيس جميلة أدعو الله أن لا يحرمني منها وكل فتاة تتمنى أن تعيش هذه الإحساس ،،،

انا نفسج خاطري بياهل وكنت افكر بالتبني بعد سنتين جدام ان شالله اعشق اليهال بس يوم اذكر اته عواقب الحمل فيها تعب وويع ومااقدر اتجلب في رقادي ويكون شي يشل حركتي ويقيدني وشهيتي تنفتح بالاكل بشكل مفرط وخطوط بيضه وترهل صدر والموت وقت الطلق وفيها رضاعه وجسم يتعب وايد ارتجف من الخوف اقول خلاص مابا..ياهل مني المهم ياهل جاهز احتويه.. اوكيه البيبي سيتر بتقوم بتنظيفه وتوكله وتهتم فيه بس اني انفخ البطن وشكلي يخترب اخااف اقول لا مابا جفت خواتي .. وايد تعبن ومرات الدكتورة تقول تحتاجين عمليه قيصريه يعني يخوفني اكثر تخيلي اختي يابت توم واحد طبيعي والثاني قيصري اضرطت تسوي ليزر عشان يروح اثر الخياطه غير خياطه تجميليه في منطقه البيبي كيف احمل جسمي كل هالتعب وانا مااقدر ... بس غيري يقدر


الله يحققلج مناج

روضه تفكيرج غريب وجري بس تعجيبيني لانك مش تقليديه
بالنسبه لي منى عيني والله يبلغني بذاك اليوم الي احمل فيه من صلبي ومستعده اسوي ليزر وتطلع خطوط
اصلا في امهات جايبين سبع بطون اجسامهم ماشاء ولا جسم بنت ماعرست والعكس صحيح بنات ماعرسن متكمكات ومترهلات واشكالهم مريعه
افكر بالاحتضان حتى لو انجبت من صلبي لان فكره تغيير حياة طفل بتكون انجاز عظيم بحياتي الله يبلغني واربي ايتام واتكفل فيهم واغير بحياتهم واطلعهم من احسن الشباب ساعتها بكون انجزت واموت مرتاحه يارب يبلغني لهالحلمين يارب يارب
انصحك تخلين موضوع الاخ عمران الحكيم عن الياس بقسم المتزوجين

كل هلأمور الي قلتيها صحيح بس هي الذة الي تخليك تتعلقي بهالطفل الي هو قطعة منك الي يخليه بالنسبة لك عيونك الي تشوفي فيها ابدا طفل بالتبني مارح تعطيه ربع الحنان الي بتعطيه لطفل منك انت

اصلا حتى مارح تسمحي لحد ينظفه او يوكله غيرك


وترا الي تهتم بنفسها ابدا مايخرب جسمها تجيب ثنين وثلاثة واربع وتشوفيها كانها ماخلفت

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

يارب ياكريم برحمتك ولطفك ارزق اختنا احساس الامل بالذرية الكيبة وكل محروم يااااارب

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

لا مايخصه في اللذه الانسانه الحنونه والعطوفه بترحم اليتيم في حضنها وبتخاف عليه موب بالضروره يكون من دمها وبالنسبه مااخلي حد ينظفه بعد ماله علاقه يعني عشنا وجفنا وايد وبخصوص اللي تهتم بنفسها جسمها مايخترب صحيح يعتمد ع طبيعه الانسان نفسه والدليل خواتي للحين جسمهن حلو حتى بعد الرباه.الله يرحمها امي كانت من تولد الوحده اتصر في بطنها عشان ماتسوي بطن.. بس مااتخيل امشي في بطن منفوخ واخرتها استويع وماادري شو .. تسع شهور وشي لازق فيج واخرتها تقعدين تنظفين وتنامين بنص عين ووووالخ .. مااتخبل جي ...

ثانكس ويازين الانسان اللي يتكلم بكل صراحه وبعيد عن التقليد.. وانا ادري بالناس عزيزتي بنات ماعرسن وجسمهن اللهم ياكافي وبحريم حملن في بطون وجسمهن ريم الفلا..
ويعتمد ع طبيعه الانسان نفسه .. انا الحمدلله لليوم امارس الرياضه لانها ضروريه.. بس موضوع الرباه يخلف امور مزعجه .. وانا عن نفسي موب حمل لها

ياهل او اثنين من دار ايتام اعمارهم من اربع ل خمس استويلهم نعمة الأم.. شكل اختي تباني اتبنى ولد صيني قلتها لا.. اباه من جذور المسلمين مابا مني مناك وكلمت ريلها يجوفلنا ياهل من لاجئين سورين في الادرن لاسف الدار بلغتنا انه ماوصل المرسوم للحين ومايقدرون يتصرفون.. وبعدين اصبر لين سنتين جدام ان شالله من اطمن ع حبيبي خليفه ساعتها اتحرك..

نفسي يون عندى يتيم او اثنين اصرف عليهم
مهو عشان عاطفة امومة او لذه او حاجة لهم
لكن احتساب للاجر فاجر كافل اليتيم كبيييير و عظيم و مبشر بالجنة باذن الله
و يفتح ابواب البركات للعبد و يرضي النفس و الضمير

ابغى ايتام اثنين باسمي و باسم امى الله يرحمها و يغفر لها
ان ربي وفقنى في وظيفتى على طول اكفل مابتاخر ان شاء الله

مشكورات ع الرد والله يسعدكم ويحقق امانينا جميعا. وبالنسبة لكفالة اليتيم فكرت فيها كثير بس والله مسؤولية عظيمة لاتتهاونو فيها تربية الطفل بصفة عامة صعبة كيف بالطفل اليتيم الي يبكون أمانة عندك وتخافي من ظلمه وتربيته راح تكون أصعب
الي تبغى اجر كفالة اليتيم ممكن تكفل يتيم عن طريق جمعية الأيتام بإرسال مبلغ شهري له لكن التربية جداً صعبة ومو أي احد ينفع يتحمل هالمسؤولية الكبيرة والله يرزقنا بأطفال من صلبنا ولا يحرمنا من زينة الحياة ،،،

ربي يجبر بخاطرك ويسر امورك ويرزقك عاجلا غير اجل
بالي يسر قلبك وخاطرك


خلي املك بالله كبير وان شاء الله ربي ما يخيب ظنك


دعواتي لك بالخير


----------

الاخوات الي ذكروا نيتهم يحتضنوا طفل ويكفلوه
ما شاء الله عليكم
ربي يزيدكم من نعيمة ويثبتكم على دين الحق
ويجبر بخاطركم ان شاء الله
شعرت من كلامكم ان الدينا بخير ... ولا فيها خير وايد
ما شاء الله

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~