طليقي يريد رجوعي دون شروط ولايريد أن يغير أسلوبه معي
جيت اليوم اكتب لكم قصتي مع زوجي الي الحين اصبح طليقي كنت متزوجة ولد عمتي انا وهو بنفس العمر 24 لي اربع سنوات زواج انا جامعية وهو لا معة ثانوي مشكلتي من ثالث اسبوع بدت مشاكلنا كانت سخيفة بالمرة مثل لا تلبسين هذا وتطلعين به وغيري عبايتك واذا رحتي بيت اهلك ممنوع تطلعين اذا دقيتي وقلت لك لا وان بعد رحتي ولبستي شي مو راضي عنة ترى ما حاللك المهم لا تلبسين بناطيل قدام اخوانك قلت ابشر لا تلبسين عند احد الا ببيت قلت ان شاء الله بالبدية زعلت والله قلت لو ادري انك كذا ما اخذتك اية ما تخليني براحتي اعرف الي تحب والي ما تحب احاول ابعد عنة بدون ما تجبرني قال انا كذا وحب الحرمة الي تسمع كلام زوجها بكل كلامة كان يقهرني ياعطي اوامر وانتي لزم تنفذين لو ما نفذتي بتقوم الدنيا علي صار يفتش بجوالي يشوف وش اتكلم مع صديقاتي وبعض الاحيان اتكلم عنة تخيلوا ياخذا جوالي وبعدين اذا صارت مشادة بالكلام يقول اصلا انتي ما تحفظين اسرار بيتك وتقولين لصديقات وين نروح وين نجي ولا وش نسوي انا اشفت محادثتك ما حبها احذفيها من عندك ولا عاد تكلمينها ومع الايام صار ما عندي ولا شخص لاني زوجي ما يحبهم سكتت فترة وبعدين قلت مو بكيفك هذا انت عندك اخويا ما احبهم بس ما قلت لك اقطع علاقتك فيهم كل واحد حر باخوييه الامهم اذا شافني بروح لاحد واذا رجعت وتكلمت عن شي قال اية مغيرينك رمن هالحكي حتى صرت ما روح مكان غير بيت اهلي اذا ما عندهم احد واهلة ابي اروح لفلان ايقول انتي فاضية ابي اسوي يقول انتي ما تقدرين مثل الحريم اول يعيب علي بالطبخ يقول طعم اكلك مو مثل اكل امي قلت صح عمتي وكلها حلو تبي تروح كل عندهم دام اكلي ما يعجبك اذا قلت له جب اكل من برى يقول انتي ما تراعين متى ارجع من الدوام هذا امي طول ما انا عندهم حتى وهي تعبانة تصلح الاكل لنا قلت امك بزمن غير زمنا صار ان لبست بنطلون بالاستراحة وجمعتنا مع اهلة يقول امي تزعل البسي تنورة التنورة احلى قلت مالي دخل بامك انت زوجي وبعدين لية تزعل وبنتها مثلي قال انا ما احب عاد افهمي لدرجة ان مرة قلت بسبح بالمسبح قالي اسبحي بقميص ليتة على كذا مطوع لا والله بس ناشب لي باي شي ابية ولحضة شي الاشخاص الي احبهم ما يحبهم والي ما احبهم يحبهم سبب الي خلاني اطلب طلاقي اني مرة شفت له محادثة ع المسن مع مادري حبيبتية ولا صديقتة جالسة تقولها انها سوت تان وهو يقول حلو واتوقع ان راسالة لة صورتها وهو راسل اها صورتة وجالس يقولها ان زوجتي عليها اختبارات مسكتة وقالت له وشو ذا بعدها بكم يوم يوم مسكت اللاب قال قديمة لية ما قريتي التاريخ من هالحكي وسكت ورضيت وبعدها فترة شفت على الجالكسي رساله لها انة يبي يكلمها ولزم تضيفة بعدها وجتها قال الجهاز كان مع اخوك وبعدين جاء معي اسالي اخوك هو الي يعرف من هي سكتت لاني اعرف اخوي المهم جيت ارسال لنقلي لا تجي بغيب من جوالة ورحت اشوف اذا صدق ان رسالت او لا وشوف رساله مرسالها هو كان بالعيد سالتة قال خويي وسماء لي اية جالسة ادعي علية وقول الله لا يوفقة هذا وهو متملك المهم وبعدها شفت بعد رساله وكنت امشي بالممشاء معه قلت احلفك بالله اذا انت تكلم بنت غيري والله ما اجلس معك لو دريت قال ما اكلم وانتي مو اضيعك تسد النفس رجعت وسكتت قلت معذور لاني طول فترة حملي ما كنت معة الا ايام بس اذا اهلي بيطلعون اكون عنده لانة ما يبيني اطلع معهم قلت يمكن اهملتة بعدها ولدت وبعدها تقريبا بشهرين شفت رسالة من البارلنقوا جالسة تدلعة وتسال اذا نايم وبعدين تقول اسفة كل ذوالي والله اني ما افتش بجوالة جوالة ايفون مشبوك ع الشاحن جيت افصلة ولقيت هالحكي وهو نامي بس شكلة ناسي يطفي البرنامج يوم وجهته قال يكون بعلمك هالبرنامج اقدر احذفة بدقايق واحملة بثواني حتى ما فكر يعتذر لي زعلت وحسيت الدنيا ولا شي عندي قلت لية يحب بنات الناس وانا لا ما يراني شي لة طيب لية ما يحافظ علي وعلى ولدة مع العلم اني قد مرة ناديت ابوي على مشكلة صارت لي ولة بس ابوي وقف معه لانة ولد اختة ويحبة ومرة ثانية زعلانا يوم رجعني قال رجعتك علشان امي ولا ما كنت برجعك وكنت توني حامل يوم يرجعني الي كبر المشكلة زيادة جاء ابوة وجالس يقول تحمد ربها يجيب لها اكل من برى وتطلع معه ولا بعد تقول بخيل ولدي يكب عليها من الفلوس ما قصر بس يعلم الله ياعالم عمر ما قلت عنة بخيل قدام احد ولا جيت طاري البخل هو بخيل مشاعر بس مو فلوس وقلت لمرة وش الفايدة تعطين فلوس بس ما اطلع لها ولا مكان ومرة كلمتة كنت نايمة ببيت اهلي اقولة اّشتقت لك ما اشتقت لنا قال اشتق لولدي لكن انتي لا قهرني والله قالت ع العموم انا اشتقت لك وبعد احبك قال اجهزي بس بعد المباراة اجي اخذكم سكتت قلت طيب اهم ما عليه نفسة واستراحتة واخوييه ان طلبتة شي يعصب يقول بعدين مو اليوم وان قلت بطلع انا وانت يقول ما تقدرين ان الواحد يجي تعبان من يوم ولدت كان عذرة ولدي يمرض لو طلع وبرد وانتي بس تحبين نفسك من هالحكي طلبت طلاقي لاني ماحس يحبني علشان نفسي وكان يقول بيتي يجيب النكد انتي نكدية قلت لية اجلس ونكد علية وانا احبة الوحد بيعش مرة وحدة بالعمر وهو يقول مصيري اتزوج عليك للعلم انة مو مغصوب علي ابد كنت باختيار منة طلبت طلاقي وكان اهر يوم طلعت منة احلى ايام حياتي اكلم زين ونسولف ماخليت شي بنفسة ما سويتة له وعقبها جيت بيت اهلي ارسالة لة ابي طلاقي وانت تعرف السبب السبب الي خلاني اصر ابي طلاقي انة يكلم غير ع البارلنقو اخر رسالة شفتها وليتة اعتذر قال لا ما كلمت وانتي كذابة طلقني بعد اسبوعين ويومين زعلانة ومابي اكلمة وكنت مصرة يطلقني والله ما فكر يقول اخليها براحتها على الاقل شهر شهرين يمكن تلين ترضى قلت طلقني طلقني الحين وش رايكم يحق هالشخص اكملياتي معة ورجع له مع العلم بعدها بيومين جاء يقول ان بغت ترجع لي ترجع لكن من دون شروط وان اشرطت بشرط بعد انا قالت امي بسالها يوم سالتني قلت وشي شروطة قالت مادري هو يقول تجي قبالي وقولها شروطي تبي الحين ترجع وان طلعت ترى مالها رجعه طلع طبعا لاني قلت مابي شروطة الكل الحين يقول ارجعي له علشان ولدك الا امي واخواني يقولون ماراح يضيع لا ضيعين حياتك مع واحد باعك حتى لو تحبينة هو ما حبك ولا دور رضاك صار يجي كل اسبوع ياخذ ولدة والاسبوع الي راح راسل ابوة واختة اكرهه يوم واحن لة مليون بس ادري انة ماراح يتغير اذا رجعت الحين انا بالعدة سكرت جوالي علشان ما اتناقش انا وييه على اشياء مستحيل نحلها لانه يقول ماراح اتغير انا كذا تبيني ولا بكيفك عروض المكيتبت من كثر التفكير ابي تعطوني حل او مشوره وجزاكم الله الف خير اسفة ع وجعة الراس
تم تعديل العنوان ليتناسب مع مضمون الموضوع
التعديل الأخير تم بواسطة مارد الجنوب ; 29-04-2014 الساعة 09:53 AM
29-04-2014, 03:13 AM
ضوابط المشاركة
العرض العادي
