السلام عليكم
حساسيتي مفرطه
لما احب احد اتوقع منه المثاليه
مايجرحني ويوقف معاي
لكن هالدنيا قاسيه وين تلقى ناس طيبه كذا
ودي اتخلص من حساسيتي متعبتني مره
وفيتي طبع يعز علي فراق اي شخص
مااذكر اني بادرت بفراق احد
احب اجمع الناس حولي واتمسك فيهم لابعد حد
يعجبني الناس الي مستغنيه عن الناس
ومكتفيه بذاتها وعائلتها

موضوع مهم لي عودة ان شاء الله

__________________
[img]http://im78.***********/FRd0Bi.jpeg[/img]

انا اتحسس من اشياء ممكن محد يتخيلها واكبر المواضيع كثير.. يمكن هالكلمتين اللي بقولهم يساعدونك..

صرت يامبتعثة احط حدود لكل علاقاتي.. وارتحت نسبيا..

الحدود تحط كل شخص بمكانه الصح..

اسولف واضحك واساعد كل احد وعلاقتي حلوة مع الكل.. بس لو اختفوا كلهم كلهم من جوي ماراح تفرق او على الاقل ماراح اتاذى..

اللي اخاف منه وهاجس بالنسبة لي هو فقد اهلي.. يارب طول باعمارهم..

مبدا الفضفضة عندي ممنوع فطريا.. لانه مزعج وما احسه يفيدني.. واعتبره ضوء اخضر لكل من هب ودب يطلع من كيسه باشياء تخصني لحالي!

الحاجز والهيبة تمنع كثير من الاخطاء.. الميانة قد تكون وحدة من الاسباب اللي تزيد الوضع سوءا.. اذا وصلت العلاقة لحد الميانة غالبا الاحترام يفقد ويصير الشخص يتجرا عليك بسهولة.. ومو من الممكن او صعبترجعين العلاقة لمرحلة سابقة مثل الرسمية..

واكره التداخل مع الناس باي شكل من الاشكال..

ولما يصير لي موقف يضايقني وتحسست منه.. ما افكر فيه ولا اتكلم عنه لان هالشي بيخليني استرجعه واتذكره بتفاصيله وترجع لي نفس الانطباعات كان توه صار.. فالحل اني اتركه للوقت لين يبرد ويطفى.. ما اخليه ياكل ويشرب معاي..

طبعا كل هذا يبي له استغناء بالذات عن الناس.. عامليهم كمارّة بحياتك مو ثوابت

بترتاحين كثير.. وصدقيني تصير كثير اشياء مزعجة من ناس غير متوقعين.. بس هي الشي الوحيد اللي توريك حجمهم الطبيعي وتكسر الصورة الخيالية الوردية اللي ببالك عنهم.. ووقتها تكتشفين ان اشخاص بهالطباع والاخلاق مايلزمونك بحياتك ولا دائرتك.

اتمنى استفدتي لو كلمة ❤️

سبحان الله مع ان موضوغي مو طويل بس حللتيه موضوع
مره مره شكرا
حطيتي ايدك على النقاط الصح
عندي رجاء لا تتركي موضوعي ودي توديني لبر الامان
ويصير لي بالضبط زي التغيير الايجابي الي صار لك
جزاك الله خير
بقرى حروفك اكثر من مره

الاستغناء عن الناس عز

الوصفة السحرية هي القرب من الله

كلما قربت من ربنا قلت حاجتك للاخرين

ما أعطي المرء رزق و لا عطاء أوسع من الصبر و الحلم

يندم الإنسان انه سكت احسن ما يندم انه تكلم.و هدا ما يكون إلا بالتصبر و التحلم

حفظ سقف توقعاتنا من الناس .في النهاية هم بشر ضعفاء مثلنا راجين رحمة الله

ليش نطلب منهم يكونوا ملائكة و هل نحن كدلك

التسامح و احتساب الأجر عند الله ان تجاوزنا زلة احد

__________________

(انما يوفي الصابرون اجرهم بغير حساب )

جميل يا ميس كلامك
طيب كيف اطبق
اقتنع بهالكلام وودي اطبقه
لكن تغلبني حساسيتي

بر الامان محد بيوصلك له غيرك انتي ❤️

لا تحتاجين لاحد.. وبرضو انا هنا عشان اساعدك..

شوفي مبتعثه

تعلقك دا مو طبيعي و ممكن يوديكي في داهية

فجاهدي نفسك

ﻵبد من المجاهدة عشان تتغيري مو تتوقعي التغيير بيجي لحاله

و رح اساعدك بالخطوات ان شاء الله بس المهم تنفذيها

اول شي

[img]http://im52.***********/JZOuBH.jpg[/img]

فتحي عيونك الصباح على نوته

و اسعدي نفسك بلذة اﻹنجاز و نشوته

مره على مره هذي اللذة رح تنسييكي اﻹنغماس في الهموم بإذن الله

حطي اهداف تقربك من الله و اهداف تقربك من نجاحك

يعني مثﻻ اليوم فتحتي عينك الصبح و قلتي ناوية اقرأ عشر صفحات من القرآن

بمجرد النية كتب لك عمل صالح

و نوعي مثﻻ يوم خميس و ﻻ اثنين حاولي يكون صيام مو شرط دايما

بس مثﻻ اقولك كل يوم حطي لك هدف

و اﻷهداف الدنيويه على حسب الحاجه كذلك

اللي تدرس و موظفة

و كده يعني

# ثاني شي ارمي حمولك على الله و فوضي امرك لله

صدقيني فيه اشياء كثير في الحياة تحزنا بس لما نعطيها بال

طيب

ايش المهم هنا

الباااال

و الله يريح بالك يارب

__________________
[img]http://im78.***********/FRd0Bi.jpeg[/img]

كلامك صح يا ميس.. بس بحالة وحدة ينفع نذكّر فيه..

القوة بالله هي اهم شي اكيد..

موضوع ان مافي احد كامل مفروغ منه..

حكيك ينفع لما نقول ان احنا نبي الناس يكفون اذاهم.. طبعا احنا بشر وهالشي ماراح يصير..

هي بس تبي توصل مرحلة ماتتاثر بفقد شخص..

او ماتبالغ بالالم والتفكير اذا بدر من قريب شي تتحسس منه شخصيا..

مبتعثة سلامة قلبك
عندك واجب من زماااااان ما حليتيه
حليه والله مابتخسرين شي بالعكس بتنحل مشاكلك بإذن الله

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]