السلآم عليكم..

باختصار لقيت موضوع في احد المنتديات وعجبني مره .. بعيد عن المشاكل والهموم والأحزان .. نبغى نضحك ونبغى شوية فرفشه .. واتمنى التفاعل عشان ننبسط ..


الموضوع مثل ماشفتوا العنوان .. متى آخر مره ضحكتي على زوجك في موقف أو مقلب.. او احراج وياكثرها عاد المواقف المحرجه ..


ارجو التفاعل
والموضوع للفرفشه والضحك وسعة الصدر
بعيد عن المشاكل والهموم

بانتظار مشاركاتكم ياحلوات

هههههههههههههههههههههههههه حلللللوه
احمدي ربك بس يومين ما يكلمك المفروض يوقفك على رجل وحده ووجهك للجدار طول الليل ههههههههههههههه
ننتتظر بقية المشاركات

هههههههههههههه وااااي بطني عورني من الضحك ..

لي عودة ..

عاد انا ياكتر مواقفي ...راح اقول موقفين ..

اول موقف وانا عروسة مالنا 5ايام متزوجين ...اول ماوصلنا الفندق في ماليزيا..ارتحنا شويا بالفندق ..وزوجي قال بينزل يشتري شي عالسريع وكان اخر الليل ...ومارضي انزل معاه ...انا عاد تخبيت بدولاب الملابس ...كأني انخطفت >>متأثر بالافلام

لما وصل زوحي ...جلس عادي عالكرسي ويناديني يفتركني بالحمام الله يكرمك ...وينادي ..وينادي ..وينادي ..وانا ماارد ...وراح للحمام يدورني وخرج برا الغرفة ..وينادي بصوت عالي ..ورجع للغرفة ولون وجه مقلوب ..وجلس عالسرير ويضرب راسة بيدة ...وانا طول ده الوقت اطالع فيه من بين البابين تبع الدولاب ومييته ضحك ...واخرج بكل برود واقوله( ياحبيبي خوفت عليا )

بصراحة زوجي وقتها عصب مرا وكان نفسوا يضربني ويدور بالغرفة ..وكان مفجوع مراا..ورمى نفسه على السرير وطول مااتحرك من مكانه ..وانا اضحك واقوله( اسفه كنت امزح) ...واقرب منه والرجال مايتحرك مراا ..وانادي ..وانادي ..وهوا ساكت ولا نفس ...انا على طول بكيييت قلت ياويلي لايكون مات الادمي من الفجعة ...واصحيه وانا ابككي ..واصحيه ومافي امل ..قلت مات خلاص ...وفي الاخير قام ..وقالي تستاهلين واحدة بواحدة ...

نمت هداك اليوم وانا ابكي تخيلت زوجي مات بسببي ..نكدت على نفسي بس
عاد قالي ..خايفة عليا؟ قلت لا والله افكر مين يرجعني عند ماما ...
والحمدلله الي استفدته من دا الموقف ...ليومك دا مايخرج مكان الا وانا قدامة ههههه..


الموقف التاني ...

كنا نتمشى بمنطقة الشلال ..وانا اصور بالفيديوا وزوجي قدامي ماشي ..وشويا مااشوف الا زوجي طاح قدامي ght والناس تساعدة ...وانا اصوره واضحححك ...واحنا خارجين ..اجلس اوصف له كيف شكله وهوا طايح وميته ضحك عليه ...ومتحمسة بالوصف ..وهوا مقهور وساكت ...وانا جالسه اوصف واضحك..كان في درجة وماانتبهت لها مع الضحك ..واطيح طيحة تعور والله ght ..وزوجي وقتها انتقم وقاام يضحك ..وانا ابكي اقوله والله ماتستحي تضحك عليا...قال طيب انتي ضحكتي علي حلال عليكي وحرام عليا >>>عادي انا اضحك وهوا لا ..

ولو تبغوا الفيديوا وهوا طايح احطة لكم هههههههه

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

ههههههههههههههههههههههه يا بطني والله تذكرت موقف ما انساه طول عمري من زوجي الله لا يحرمني منه ههههه
صح ماله داعي بس لازم اذكره معليش هههه

اول ما تزوجت زوجي يعني لنا 3 شهور متزوجين كنت في بيت اهلي وزوجي ينام عندنا لان بيتنا كان قريب من الحرم ووقتها رمضان وزوجي يرابط في الحرم
المهم زيي زي اي عروس قاعدة على النت اتثقف عن الحياة الزوجية والجماع وكذا الا شوية جاء زوجي وقال ايش عندك وجلس جنبي قاعدين نتثقف سوا هههه
وصار بيننا نقاش حامي عن موضوع الجماع وتكررت كلمة الجماع في لسان زوجي كثير لين ما لصقت في لسانه هههه

المهم بعدها طلعنا الصالة وجلسنا مع ابوي وامي قاعدين نتقهوى ونتسولف الا شوية جاء اخويا الصغير يبشرنا انه انقبل في الجامعة وجلس معانا خايف منها ويقول والله شايل همها
الا ابو الشباب زوجي حاول يخفف عنه وقال بكل حماس يا عمي لا تشيل هم والله الجماع فلة ووناسة وتغيير جو بس لازم تشد حيلك طبعا هو كان يقصد الجامعة بس زلت لسانة عشان النقاش الي كان قبله هههه الا حصل صمت غريب في الصالة وابوي وامي مفرصعين عيونهم ومعصبين على زوجي واخويا مستغرب وانا فاطسة ضحك هههه وابو الشباب قاعد يكمل الجماع فلة والجماع احلى ما فيها انه مرة الصبح ومرة العصر ومرة الليل مو زي المدرسة جاب العيد ههههههه الا امي عصبت وقالت ولد!!! وقف زوجي وطالع فيا وقال وشبك تضحكين وانا ماني قادرة امسك نفسي وعلمته الهرجة انحرج ووجهه حمر وفطس ضحك معاية وابوي وامي يطالعو فينا وشبهم هالمخابيل ههههه اخر شيء فهمناهم الهرجة وجلسو يضحكو معانا
ومن بعدها اي مشكلة تصير بيني وبين زوجي اقله اسكت يا ابو جماع ونجلس نضحك هههه

__________________
· خير ما أتمنى في الوجود دعائك لي عند السجود ومرافقتك في جنةالخلود

^^ ههههههههههه قويه قسم بالله زوجك متحمس مراا ويوصف
كويس اللي اهلك تفهموا 😂😂😂😂😭


ثانكيووو موضوع جميل ♡♡♡♡

كوين شكلك راعية مقالب ههههههههههه الله يسعدك


أما زوجك يا أم جورري موقف فضييييع واو قمة الإحراج


شاكره تفاعلكم
والله الموضوع حماسي بس شكل البنات جاهم زهايمر وناسين الايام والمواقف المضحكه .. انا قاعده اعصر مخي اتذكر موقف مضحك محرج وعلى كثرها ناسيه

اممم ممكن اكثر موقف مضحك وقت ولادتي ،،، الاخ دخل غرفة فيها اطفال توهم مولودين والظاهر عشم نفسه بوحده من الطفلات وماشوف الا واحد داخل علي وانا بوضع مايعلم به الا رب العالمين وقاعدة اترجا والدتي ابغي ابرة ماشوف الا واحد داخل علي يقوولي فلااانه ترى ولدتي و بنتنا حلوة ومادري شنو يخربط ( عايش الدور وبقوة ) ،، والدتي ردة فعلها ( الحمدلله والشكر ) واختي ( فاااطحة ضحك وهي تاشر على كرشتي ) ... طبعا ردة فعلي كلمتين من قلب وبعدها ضحكت ومع كل ضحكة بكوة لان الالم يزيد ههههههههههه ...

موقف آخر ،، كان زوجي ضاحك علي امام اهلي على حشرة انا اتقزز منه وذاكر لهم موقف وهم معاه ضحك علي ... في خضم الحدث وصحكهم علي كان موجود بجامي نوع من انواع المفرقعات تبع الاطفال من تفتحي الكيس يطلع له صوت بارود عاد انا ما تاخرت ههههههههههههههه حطيته بالوسط وانا مغطية عمري وماتشوفي الا غبرتهم ههههههههه واحد يصارخ والثاني يقول البيت انهدم والثالث صرخ وموداري ووالدي تشاهد واما انا ووالدتي متسدحين ضحك على قولة ماروكو ( الرجال تهرب والنساء تصمد ) ...

ههههههههههههههههه مستعجل يكون أب

والإنتقام لما يكون حامي بوقته يكون له طعم ثاني
يسعد لي مرووورك أم مريمي فديتك وفديت طلتك

انا بداية زواجي كان زوجي يتاخر فالليل كثير احيانا
و يوم قبل ما يجي طفيت كل انوار البيت

و في مجلس قدام الباب دخلت فيه
و لمن راح غرفة النوم ما لقاني و جلس يدور
و يناديني و انا ساكته مات من الخووف

و لمن جا للمجلس حطيت كشاف على وجهي ونطيت عليه قلت بخخخ
جلس يصارخ و جري ع الصاله طاح ع الكنب زي الجثه

و جلس يومين ما يكلمني وانا بس اضحك
بعد ما هدا و روق يقول يوم نطيت عليه وهو طاير عقله و يفكر ادقﻻعلى مين يدورك
ولا اكلم اهلك اقولهم تاخرت عليها فالليل ويوم جيت ما لقبتها ههههه😂

بس جد فيلم رعب لليوم ما ينساه هههههه

__________________
الحُب بِشَرَف .. وَصَمْت يَبْقَى هوَ الأنْقَى .. والأصْدَق .. والأرْقَى