السلام عليكم و رحمة الله و بركاته

أعتذر اذا اخطات في صياغة بعض الجمل لانني لست معتادة على كتابة اللغة العربية الفصحى كثيرا

انا بنت عمري 23 سنة عندي عقدة نقص لانو كبرت دون اب (امي و ابي مطلقين وامي كانت حامل ب شهرين) بطبعي استحي كثير حتى من عيلتي ولا اتحدث الا للضرورة يعني اذا حدا سالني او بدي اطلب شي و بس، عشت بعض لحظات العنف من وانا صغيرة بين امي و اخواتي الكبار (للاشارة اخواتي مو اشقائي يعني اخواتي من امي هم 3 ولاد و بنتين و ما عندي اي اخ شقيق وكمان في اخوان الي من ابوي بس ما بعرفهم). بصراحة انا ماني مفتكرة احساسي فهديك اللحظات لما كنت صغيرة بس هاشي خلى انطباع سلبي و حاليا كل مرة اسمع نقاش ارتجف. و كنت استحي بس مو عارفة اذا هاي الكلمة الصحيحة لانو احيانا حدا يسالني يعني لو شخص طبيعي راح يجاوب بس انا بظل ساكتة مو لاني مو عارفة كيف اجاوب و بيكون سؤال عادي يعني مثلا "كيف احوال الدراسة؟" وما بقدر افتح فمي و احكي، الا للسنوات الاخيرة يمكن بعد 19 سنة اول 18 قررت اتغير حسب قدرتي و غيرت ها الطبع او ربما نضجت عن قبل. بس احيانا و فحالات قليلة ما بعرف احكي و ما بحكي كثير حتى مع اخواتي و امي ما بقدر افتح حوار مععهم و احكي فيه بطلاقة دايما جوابي بيكون موجز و حتى مع اصدقائي بالجامعة (و للاشارة انا ما الي اي صديقة لانو امي عمرها قبلت شي بنت عرفتها على اساس راح يشغلو بالي باشياء فاسدة) الاصدقاء لي ذكرت بس صداقة دراسة وسط الجامعة لا غير.
السنة الماضية اكتشفت انو عندي خمول بالغدة الدرقية، عرفت حينها انو كلو من الاعصاب، اصلا ما عشت حياتي ولا طفولتي مثل اقراني ما بحكي ولا بشكي ولا بضحك من قلبي دايما هازة هم عراسي، مع انو اي حدا يشوفني يظن اني هادئة بس الله عالم بالنار اللي بقلبي.
اسفة اذا طولت حاولت اعطي تقديم قبل ما ادخل بالموضوع اللي هو:
ما بدي قول مؤخرا بس هاي اعراض قديمة و يمكن مؤخرا صرت انتبه الها خصوصا بعد ما اكتشفت مرضي، غالبا افضل البقاء وحيدة و بنام كثير طول اليوم و مرات هالاحساس يكبر و قلبي يضيق مع اني كنت بفتكر اني صرت قادرة اتحكم بمشاعري و ما خلي شي يقلقني بس اظن اني اكذب عحالي و بس لانو حالتي بتتطور سلبيا، الحالة الثانية انتبهت اني لما روح انام و راسي عالمخدة اجز عسناني و انا نايمة حاولت افتح فمي بس دون شعور اجز عليهم تاني. وها الايام هلاء تقريبا شي شهر كلو و انا معزولة وحدي ما بحب اجتمع بحدا و احكي مع حدا بحس نفسي بدي افرغ قلبي و حدا يحن عليا بس ما في بظل هيك اتخيل و بس كنت امر بنفس الحالة بس ها المرة طولت كثير و خفت كون مريضة بمرض الاكتئاب الحاد او انفصام بالشخصية.
حاجة ثانية تصير معي تقريبا شي 8 او 10 سنوات لما كنت صغيرة كنت دايما احلم حلم اني نازلة من الدرج و اسقط. ثاني شي مرات بكون اتفرج وبشوف الحيطان تتحرك (يمين و يسار) مع اني ما بحرك راسي ها الحالة ما دوم الا دقيقة او 2 تقريبا و ثالث حاجة من شي سنتين او 3 ما صارت معي لي هي بسمع صوت داخلي وكاني انا بحكي بشي موضوع و بسرعة مو طبيعية يعني لو بالحقيقة ما راح اقدر احكي بهديك السرعة وها الحالة كمان ما دوم الا ثواني.

انا شاككة انو حالتي هلاء بتتضاعف و السبب خمول الغدة الدرقية بس مو متاكدة و المشكلة ما اقدر اصارح عيلتي ياخدوني لطبيب نفسي مثلا لو كنت مريضة نفسيا و شخصيا يصعب عليا اتقبل هالحقيقة ..
ما عشت حياة سعيدة ابدا ولا مرتاحة بال حتى وانا صغيرة ولا مرحلة عشتها بحلاوتها لما افكر الاقي حالي وكاني رجل الي. وابدا ما تمتعت باي شي حتى اللعب في الططفولة وكلمة متعى ما بعرفها شو بتعني اصلا.
بس ربي اعطاني الصبر ويمكن هاشي لي مساعدني. الحمد لله على كل حال.

ارجو المساعدة و اي حدا يقدر يفيدني بتشخيص لحالتي او حلول ربي يجازيه.