السلام عليكم
زوجي العزيز شمالي شرقي حسب مالاحظت عليه من تصرفاته وصامت الا اذا فتحت معاه موضوع
مشكلتي معاه ابغا اكسبه اكثر كيف اكسبه واخليه يحبني اكثر
انا اسايسه مسايسه يزعل بسرعه اللي لاحظت عليه يحب الهدوء وهذا موفرته له لكن مايعلمني وش يعجبه او مايعجبه اذا لبست سكت لكن اذا مااعجبه يعلق وينتقد معناته اذا سكت يعجبه الشي
ثانيا ابغاه ينام معاي بالغرفه هو يحب ينام بالصاله وهذا تو طاب فيه ويقول لازم تنامين عندي مكيف الغرفه بارد طفشت انا استغرب اقول يتحجج لكن هو يطلب مني انام عنده وانا ابي بالغرفه
انا مااحب ابين اني احبه الاحظ يغتر
لي عوده ولدي جنني

__________________
استغفر الله واتوب اليه..دعواتكم لي

كم لك متزوجه ؟!
وماهي اهم ايجابيات زوجك وسلبياته ؟
وهل هو إنسان اجتماعي ؟
و اغلب نقاط حواره معك ؟

__________________

انا ماافهم بالشخصيات الشمالي و و و و ولا اقتنع فيها.
باختصار زوجك اذا كشخ أو طالع امدحيه وبالغي بالمدح بيصير بعد فتره يمدحك من نفسه.
وبالنسبه للنوم شيلي باطنيتك ومخدتك ونامي معه أي مكان ينام فيه خليك جنبه هذا بيتكم ومن حق الإنسان ينام في أي مكان يرييحه

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".

متابعه معك

بعد أذنك يا صاحبة الموضوع

أحد يشرح لي هذي الشخصيات الجنوبي الشمالي .....

هل هي أنماط شخصيه وإلا كيف ؟

حلا أعرف حساب في الأنستقرام رائع
يتكلم عن أنماط الشخصيات
أغلب البنات أستفادوا منه ما شاء الله
المشكله ماأقدر أكتبه هنا
بكتبه للإداره وإللي تبغاه تطلبه منهم
دعواتكم

__________________

اللهم أكفني ما أهمني بما شئت و كيفما شئت إنك على كل شيء قدير

ننتظرك محتاجين نعرف أنماط الشخصيه

بالنسبه لي يااختي لااعرف عن بوصلة الشخصيات الي انتشرت هذه الايام ولااعتقد بها
ومن كلامك ان زوجك هادئ وصامت ويميل الى الهدوء وهذا النوع من الرجال بحسب خبرتي المتواضعه اي شئ يرضيه وغير متطلب واكثر شي يريحه هو الهدوء وعدم سماع اصوات مرتفعه او مزعجه بأختصار هذا النوع من الرجال افضل من غيره لانه دائما يستخدم العقل والحكمه قبل الافعال (وصمت الرجل يعتبر من علامات الرضى) ولاكن يوجد لديه عيب واحد هو الانفجار المفاجئ
اذا كيف تتغلغلي في شخصية صامته وصعبه مثل شخصية زوجك استطيع ان اعطيك بعض النصائح والله اعلم
1-اولا انتي حاولي انك تنامي معى زوجك في اي مكان يحبه على الاقل جربي كم يوم وراح تلاحضين النتيجه لان وقت النوم تنتهي مسؤليات الرجل والاشياء التي تشغل عقله مما يعطيك المجال لفتح باب الحوار معه وانتي وشطارتك
2-حاولي انك تعرفي ماهي الاشياء التي يشغل باله بها وقت صمته عشان تشاركيه فيها لانه لايوجد رجل صامت ولاكن شارد او (مشغول بشيء)
3-الرجل الصامت دائما مايكون سريع البديهه وعيونه تحليليه بشكل سريع فانتي استغلي هذي النقطه (عيون تحليليه ) واستخدمي اسلوب الاغراء
وفي الاخير النقاط الي ذكرتها سهله نسبيا بأمكانك تجربيها وماانتي خاسره شي يمكن تعود عليك بنتيجه بالتوفيق ومنتضر بقية الاعضاء للفائدة

__________________
تمنيت حبـاً يدوم طويـلاً .. فـدام الحب وَ رحل الحبيب.

ألي نعرفه هذا الوقت يبي حقه الشرعي ولا فيه مجال للنقاش والحوار

الشخصيه الشماليه منجزه طموحه تعطي الحب افعال تخطط ترسم صاحب هذه الشخصيه قائد غالبا يصل لهدفه مهما بلغ الهدف قد يكون جاف قليلا غالبا مشغول لانه شخص منجز يقدر البيت والاسره بشكل كبير حتى بانشغاله فهو لمصلحتهم وليس لعب علاقاته محدوده لا يحب الترزز والتكشخ الزايد بين الناس خفي يظهر فى الوقت والموقف الذي يرا مناسب اذا ابتعد عن محبوبه جفى لذلك دايما زوجه الشمالي لو سافر زوجها عندما تتصل عليه لاتغرقه كلام حب بل تعطيه نقاط موجزه معبره مثلا اشتقت لك يابو فلان البيت محتاج لك العيال احتاجوا كذا وجودك مهم سلميه دفه القياده بلا تلزق زايد لايحب الالتصااااق ابدا وانا اقولك اش يحب فى الحرمه ،،،، خلك واثقه حد الرمق عندما يكون مشغول اشغلي نفسك ودلليها مايحب البيت وسخ دقيق جدا بالنظافه لما تمشين امشي بثقه رافعه راسك وشاده ظهرك كوني محاوره لبقه معاه يعشق الحوار شوفي وش يحب وحاوريه غالبا اصحاب هالشخصيه عصبيين وعجولين يعني حار نار لانه يحس ان الوقت راح ولا انجز ولا سوا شيء او اتاخر عن موعد مهم عند ثورانه خلك صامته وقويه اذا هدا شويه ممكن يكون الزد بكلمه فقط او نظره بعد كم يوم تتناقشي معاه يحب ويمووووت على الحرمه الي تطالب بحقوقها يعاملها ملكه لانه يعرف انها تعرف حقوقها وتطلب بذكاء واحترام تدخل هالشخصيه بشيء يسمى الكهف يعني فجاءه مايبي احد يكلمه يناقشه يحتاج يصفى ذهنه فتره هنا التعاد الزوجه افضل ممكن تشوف احتياجه وش يبغى وتتركه الشخصيه الشماليه جميله جداااااا اذا عرفتي له وقد يكون متعب انه كلمته تنسمع ورايه يتحجرله عليك بالمسايسه والحوار العقلاني يفيد معه ولاتنسين خلك واثقه واثقه وااااااااثقه ومحاوره لبقه وذكيه يثق فيك ،