السلام عليكم
انا راح اطرح موضوعي وارجوا مساعدتي انا بمشكله والله يجزاكم خير
انا تزوجة شهر 7 الماضي وبعد زواجي برمضان تطلقنا الاسباب :
-اول سبب وهو الاهم الشك باخلاق زوجتي
-الثاني زوجتي عنيده وامها اعند منها وزجتي تقول لامها كل شي وامها تامرها وتنهاها وكل شي حصل بالبيت تقوله لها
حاولت اصلح الامور ولاكن شفت مافيه تناسب بينا نهائيا هي تريد التفتح وانا ضده
طبعا حاولت اكثر من مره وكان حياتنا كلها هواش وطبعا انا كنت احس من ناحينها بالملل وربي انا كنت احبها بس صرت ما احب اقرب لها
المهم تهاوشنا وطلبة الطلاق واهلها وبعد العيد رحت وطلقتها عند الشيخ وكتبها ثلاث لانه قال ايش قلت وقلت انا قلت لها انت طالق ثم طالق ثم طالق طبعا لما قلتها كانت مو على طهاره والشيخ كتب الصك
طبعا انا بعد الطلاق سافرت للخارج عمل ودراسه لمدة سنه وشهرين كذا
طبعا بعد ثلاثه اشهر تعبت مره ونفسيتي وربي انتهت واكتشفت اني احبها وحب بجنون لاتقولون يمكن اعجاب او فراغ عاطفي لاوالله انا كل ما اتذكرها اجلس ابكي
المهم مره دخلت على حسابها بتويتر وقريت كتابات لها عتاب وحب وفراق والم وطبعا انا تالمت ورديت كم رساله
المهم انا مسحت جميع ارقامها واهلها وكل شي
وبعد كم يوم يجيني رقم غريب واكلم وارد الى هي المهم كلمه مني ومنها وجلسنا نبكي وبعدها اكتشفنا كل واحد يحب الاخر وان كل واحد منا تدمرت نفسيته وبعدها قالت لي انه معمول لنا سحر وانها حلمت وفسرته وان السحر اثر فيني انا يالزوج اكثر واللي مسويه من اهل الزوج
طبعا انا ما اومن بالشي هذا والحمد لله اني بخير وانا اقول ممكن عين لان زواجي كان راقي وبافخم القصور بالرياض وكان بيرفكت وحضروا عالم كثير ومرتب وقلت ممكن عين
المهم قالت هي سالت كم شيخ وقالوا تحسب وحده المهم كلمت المفتي وردوا علي وكلمني الشيخ اللي عنده وقال صدر فيها صك خلاص ما فيه رجعه
طبعا انا كلمتها بعدها وانا ابكي وجلسنا تبكي وقلت لازم نقطع علاقتنا وما يجوز وطلبتني ما اقطعها كذا ولو نتواصل على خفيف ونسلم على بعض ولو على تويتر وانا رفضت لانه مو من صالحي ولا من صالحها
المهم بعدها بكم يوم راستني وقالت ابي اقولك موضوع المهم كلمتها وقالت لي ابوها اكتشفوا مريض السرطان وهي نفسيتها تعبانه منه ومن بعدي وتطلبني اوقف معها طبعا انا انهرت امامها
انا اقول لكم انا جلست ابكي اربعه ايام بعد ما كلمت المفتي
انا احبها ولاهو حب اقولكم شي جنوني وعشق
طبعا رجعنا نكلم بعض وكذا وانا يوم عن يوم يزود حبها وهي نفس الشي حاولت اضغط على نفسي وابتعد ما قدرت
المهم قالت نحاول اذا رجعت نروح لشيخ اللي قص الطك ونكلمه بكل شي وهاذا انا اللي اقترحته
المهم يوم كلمتني وجلست تقولي ابيك توعدني ما تتزوج نهائيا وانا نفس الشي
طبعا انا حلفتها وبذمتها وشرط اذا احد تقدم لها تقول لي لاجل ابعد انا عنها وتشوف حياتها
انا طبعا قلت لها مستعد انتظر ولكن الشي هذا مايرضي الله سبحانه وانا اهلي اكيد بيضغطون علي ووجلست تبكي وتقول انت اذا تزوجت بتبعد عني قلت لها ابد لاجل حبك ابوعدك ما اتزوج حتى تتزوجين وابتعد
المهم اخر شي قلت لها اوعدك ما تزوج قريب والسنوات القادمه الله اعلم ايش بيصير واممكن نرجع لبعض
المهم انا لا اعلم ايش اللي فيني ولاكن احي اني احبها بجنون
ولا ادري ايش اسوي وربي مع اني عملي تحت ادارتي حوالي مية شخص واقدر بفضل الله احل المشاكل اللي تواجهني
لاكن هذاي المشكله وربي اتعبتني وربي عجزت ما عاد اعرف ايش اسوي
بالله لا تبخلون علي بارائكم


تم تعديل العنوان

مو ممكن تكون هي سحرتك بعد ما طلقتها !؟

م اعتقد السحر موجود ،،
لانو المسحور ينقلب حاله ويخترع اسباب غير موجودة تأثير السحر مش بسيط


ومع ذلك نقول من باب الآخذ بالاسباب روحي لشيخ يرقيك

وسورة البقرة اكبر فك للسحر ،،

الامر الثاني البنت كانت زوجتك ،،قدر الله وم شاء فعل

الآن ليست محرم لك ،،وبكلامك معها تعديت ع عرض ابوها

ترضى ي اختي احد يكلم اختك ؟

لاتقول كنت زوجها ،،هذا مبرر من الشيطان

وسوس ف عقولكم لين تطلقتو ورجع الآن !


اترك بنت الناس لوجه الله ،،وتأكد ان موضوع زواجك وزواجها

محسومين عند الله ف وقت معلوم فلا تقطع عهد ع شيء م تدري عنه !

__________________




ربِ هب لي من لدنك ذرية طيبة أنك سميع الدعاء

اولا انت حكيت للمفتي انها ما كانت على طهارة؟
ضروري ترجع و تسال وتخلص هالموضوع عشان تقطع الشك باليقين و تقرر قرار مصيري في الموضوع
ثانيا وهو الأهم ... انته في شو كنت تشك فيها ؟! شو اللي لاحظته فيها عشان تشك و يوصل للطلاق..


ثالثا اخي الفاضل لازم تتخذ دورة في الحياة الزوجية وكيف احتواء مشاكلكم وتفهم الطرف الاخر انته تحبها وهيه تحبك بس ما تعرفون تتصرفون...

__________________

اقرأ سورة البقره اربعين يوم وانظر التغيرات التي تطرأ عليك
اكثر من الدعاء بان يدبرك الله للافضل سواء برجوعها او ابتعادها والزم الاستغفار ففيه تفريج الهموم باذن الله
بالنسبه لحبها هل ماكنت تحس فيه الا بعد طلاقها ؟؟!
ا

السلام عليكم

حسب ما اعلم ان تكرار كلمة الطلاق ثلاث مرات تباعاً في نفس الوقت ونفس المكان انها تحسب مرة واحدة. وغريبة مكتب المفتى ما سألوك هذا السؤال؟؟؟ والي اغرب منهم الشيخ؟؟؟ تأكد وانا اخوك والله يسهل امرك على قد نيتك.

__________________
ياكريم اسالك قرب حبيبك محمد والبعد عن النار

كأني سمعت ((مو اكيد)) ان المفتي رأية الطلاق ثلاث في مجلس واحد تقع طلقة واحدة.. والخلاف في المسألة كبير ومشهور..

لكن المشكلة عندك ان صدر صك.. يعني أظن لو صار هذا الطلاق بالكلام وقبل لا يصدر صك من المحكمة رحت للمفتي بيقول لك طلقة وحده.. لكن بعد صدور الصك.. ما أظن.. أو ما أدري..

لكن ما لك ترجعها إلا عن طريق القضاء أو المفتي... أو تتزوج غيرك وتصير بينهم علاقة وتطلق طبيعي بدون ترتيب بينكم.. بعدين يصير ترجعها..

...
..
.

__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ

روح كلم الشيخ الس طلع الصك
واطعن بالصك
غريبه رجعت تحبها بكل هالشوق
خاصه فتره زواجكم بسيطه
وانت طلقت على طول
يمكن عين فعلا

طليقتك لو فيها ذرة عقل وخوف من الله ماتواصلت معاك !! واحد مطلقها بالثلاث ولا فيه أمل ترجع له وش تبي منه بالضبط ! لا وبعد تقول إنك مسحور ومن طرف أهل الزوج - اللي هم أهلك -

مع إحترامي هاذي وحدة مو سهلة أبدا، وجالسة تستغل عواطفك وإنت مصدقها ! أجل ماتبغاك تتزوج هههه شو تبغاك تسوي تجلس على أطلالها وتبقى بوي فريند لها وتطبطب عليها !!

نصيحة اقطع التواصل معاها لأنه علاقتكم الحين حرام، وأبوها الله يشفيه ويرفع عنه ويفرحهم بعافيته لكن إنت مو ملزوم توقف معاها لا الشرع ولا العرف يقول كذا ..

خذلك بريك فترة ثم تزوج الله يستر عليك، المرة ماتنسيك هي إلا مرة ثانيـة ..

على فكرة طلاق الحائض عند الغالبية يقع .. وصيغة طلاقك تحسب 3 طلقات فعلا .

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

قوانين المنتدى تمنع الدخول في الخلافات والجدل الفقهي, وطرح الرأي مجرداً في الاستفسارات والمسائل الشرعية, وتعتمد الإدارة الفتاوى الشرعيةالصادرة من هيئة كبار العلماء السعودية أو من تصرح لهم الهيئة, وذلك عن طريق هيئة الاستشارات الشرعية مع ضرورة توثيق أيّ طرح لحكم أو مسألة شرعية (مع مراعاة أنه بالنسبة للأحاديث والآثار؛ فإنه يجب تخريجها وتوضيح درجتها من الكتب المعتمدة في مذهب أهل السنة والجماعة).
الإشراف