السلام عليكم ورحمة الله وبركاته

اخواتي اخواني ارجو من الله يسخرلي ويفرج همي
ثم ارجو منكم مساندتي وارشادي

يعلم الله ان لي خمس سنوات لم انام قريره العين من مشكله لاخرى تزوجة وانا واثقه بذكائي وعقلي وصبري وابتسامتي واني دائم مفرفشه فكلها ستساعد بنجاح حياتي الزوجيه بينما اتضح ان العالم الاخر الذي ذهبت اليه لايمت لما تخيلت بصله


من اول شهر مؤامرات وقصص وافلام وظلم
والله تعبت اشياء تافهه واشياء كبيره لكن كثر الزن تخلي الرجل يكره حياته وعيشته والله خايفه ان يجي يوم ويتخلى عني او يتزوج علي
انا صابره ومحتسبه لكن مو مثل اول ضحكتي وسوالف لا تغيرت تقريبا 70% نادرا اسولف او اضحك هاديه ومرات حزينه ومرات اضحك لكن مو نفس اول

انا زوجي يسمع كلام امه وهي تاثر عليه بشكل مثل السحر يعني لو يشوفني اطبخ واعطيها وتقوله ليش مازوجتك مو سنعه ماتذوقنا اكلها يصدق
لو تقوله زوجتك وصخه يصير يدخل البيت يلقى غبار عند الباب بره بطرف الحايط يصارخ
قبل كنت افكره دقيق بس مع السنين اكتشفت انها تعليقات وتعليمات
ومره خلها تتعلم تطبخ وتعلمت بعدين حسبي الله عليها فرقتنا خلتك تاكل لوحدك وننزل ناكل عندها ليش ليش ماتسولفين معاي انتي موسنعه ياخي الانسان مو راديو انا مو مهرج يعني بالعقل بتكلم طول الوقت واهمه مستمعين وكل سالفه محسوبه

كثير مواقف والله وبالله توصل ان مايتحمل يطالع وجهي يكرهني كثر الزن كنت مفكره غاصبينه عالزواج او عاشق له وحده ومن سذاجتي كنت اشكي لام زوجي منه طلع اهيه ساس البلا وعرفت شنو يحرني وصارت تشتغل عليه اكثر


الحين قولولي شلون ارضيهم جاي رمضان والله وبالله كثر ماكنت احسه شهر خير ورحمه صرت اخاف لما يقرب وقته لانها تسوي فينا سوات مايعلم فيها الا الله
انا زي ال .... اطبخ يومي طبق رئيسي والله ولا شكر ولا حمد اذا تكلمت قالت مالح ماصخ والاغلب ماتعلق

وحريم ولادها بس سمبوسه او توست وجبن وتمدح وتشكر وشلون عملتوووو وكيف وماشاء الله عليكم
ورياجيلهم زهقو واهمه يقولو اطبخو وتعلمو ولا يردون لا على الولد ولا امه اذن من طين واذن من عجين بس اشوفهم عادي مع بعض
انا لو قلت لا ياويلي قيامتي تقوم ويخاصمني غير الصراخ والنكد والنهايه اشيل شلايلي واروح لاهلي كثر مايجننوني بهالشهر
والله لو حامل وماعندي خدامه يجبرني ولايخافون ربهم

بس اللي لاحظته ان اذا قلت حاضر ينكسر الشر وماتكبر السالفه لان عرفت ان وراه احد محركه فقول من عيوني تامر يالغالي فيرتاح وتنتهي القصه بسلام ووممكن ينسى الموضوع وماتفرق معاه لكن يصير جاف ولايحترمني ولايقدرني احسه يشوفني ذليله يمكن ماعرف هو شمالي شرقي

زين انا سمعت كلامه المفروض يطير فيني ويحبني ويدلعني ليش يصير العكس يصير بارد ولا يتكلم ولا يطلعني ولو اطلبه يرفض



انا تعبت منه هو وامه يجحدوني وخايفه يجي يوم كثر مايسمعها تقلب راسه ويتزوج او يكرهني وكثير تشجعه روح ادرس لحالك بره احسن كمل دراستك شافت ماكو فايده قالت خلاص ودني علاج برا بروح اشيك على نفسي تبي تبعده باي طريقه