السلام عليكم
انا بملك قريب ان شاء الله وافكر بعد الملكة اجلس فتره اجس النبض تطلب تتواصل معي او لا
على كل حال انا بتواصل معها .. بناقشها بأمور حياتنا والاساسيات الي بنطبقها والاخطاء الي نتجنبها .. وبسفط العاطفه على جنب بوقت الملكة بخصصها استكشاف لشخصياتنا وبناء اساس العلاقة انا متثقف بأمور الزواج والحياة الزوجيه من مشاكل وكل شي وتعلمت من خبرات متزوجين كثير سواء بالمنتديات او من حولي
حتى بليلة الدخلة ماني مسوي ... ماراح استعجل طبيعي البنت بتكون خايفه ومرتبكه بخليها لين نكسر الحواجز الي بيننا وتسلك امورنا لاني من وجهة نظري اعتبرها انانيه من الرجال وعدم مبالاة لمشاعرها بليلة الدخله الي ... من اول ليلة احس مالها طعم بدون مشاعر متبادله

حتى شهر العسل افكر اأجله لبعد العرس بشهور ثم نخطط لشهر العسل سوا

على كل حال المتزوجين والمتزوجات عندكم تعديل او اضافات او وجهات نظر او نصائح كلن يدلي بدلوه اتقبل من الجميع بصدر رحب

التواصل انت اللي تطلبه.. مو هي يا اخوي..

حتى لو كانت تريد تتواصل ماراح تطلبه..

الرجل يتخذ المبادرة الاولى دائما! حط ببالك هالشي

وصح كلامك ان الملكة تكون تعارف واستكشاف بدون مشاعر مصطنعة.. قول اللي تحسه بدون مبالغة بس..

شهر العسل مايتاجل حرام مايصير له طعم.. ويتنحسب ضدك..

في بنات ماعندها مانع تكنسل حفلة الزواج ولا تكنسل شهر العسل

مستحيل ينعاد حتى لو دفعت فيه دم قلبك بعدين ورحت افضل مكان

لان المشاعر والتوقعات وكل شي فيه غير.. ماتقدر ترجع لوقت لنقطة مريت فيها

بس استشيرها فيه وبتخطيطاته بمكالماتكم وزياراتك بوقت الملكة

__________________

اختلافي عنك لا يعني اختلافي معك

ايه هذا الي ناويه اكره التصنع والمثاليات المزيفه وبالاخير ينصدمون ببعض وبعدين
كيف ماله طعم وحنا جديدين على بعض ومتوترين وضغط السفر والغربه احسها صعبه
ومالها طعم وبعدين انا ناوي اخذ فيها شهر عسل بالمانيا والنمسا يبيلنا فيز ومواعيد ونطلع للسفاره ومستحيل تطلع معي بوقت الملكة ماعندنا هالسوالف حتى الزيارات مافيه ماشوفها الا بليلة الدخلة

اسالها عن رايها بذلك لان الموضوع قد يهمها ويعني لها ولا تنسى ذلك

لا تقرر كل شي لوحدك

تقدر هي تروح السفارة مع اخوها عادي!

__________________

اختلافي عنك لا يعني اختلافي معك

فيه دول تكون الفيزا بالمطار.. ماهو شرط اوروبا
اوروبا هي حلاتها بالصيف
بعد فتره رح تصير كلها ثلوج وبرد..

على حسب توقيت العرس باي شهر تكون الوجهه.. '

واذا على كلامك.. جس نبض واختبارات و تخطيط لوقت الدخله.. ماعتقد تنفذ اي شي منهم.
لان الظروف تتغير مع الوقت.. و كانك تبي تسوي شي فريد
غير عن كل الناس..

يعني بعد المتابعات و الخبرات من النت والناس المتزوجين..
هذا اللي طلع معك تأجيل الدخله و شهر العسل ؟ من اللي نصحك كذا؟

__________________

::
♤¤ مااضيق العيش لولا فسحه الأمل ¤♤
::

المكالمات لاتجس نبضها ولا شي اطلب رقمها وكلمها مافي بنت ماتبي خطيبها يتواصل معاها خذ الرقم ولاتكسر بخاطرها

اما السفر افضل شي انك ما تاجله حلاته وانتوا لسا خجلانين من بعض وبما انكم في مكان واحد فكذا تضطر انكم تكسروا الحواجز اللي بينكم وتكون علاقتكم اقوي

اما الدخله هذا شي راجعلك الظروف هي اللي تحكمي مالها تخطيط مسبق ..


موووووووفق ياعريس 🎀

و عليكم السلام
الف مبروك مقدما
مسالة انك ما تتصل عليها اخاف هي تجي تكتب هنا بعنوان "خطيبي لا يكلمي "
تجيب لها هواجس و افكار سلبية هي في غنى عنها

و معك حق ان فترة الملكة هي فترة تعارف و استكشاف للاخر لكن كلامك انك تسفط العاطفة على جنب اشوفه مثالي و بعيد عن الواقع .فحاول تجمع بين العاطفة و العقل و فهمها كمان بهذا الشئ حتى ما تفكر انك اخذتها غصب
دور على دورات تدريبية عن الزواج و سجلها معك حتى تتثقف هي الاخرى و تحس انها شريكة حياتك فعلا .
حلاة شهر العسل بوقته و طالما انت مثقف قليش ما تترك لها الخيار بهذا
اسال صاحبة الشان عن رايها بالموضوع و اتخذ قرارك بعدها
موضوع الدخلة شئ خاص راجع لكم

الرجال هو المبادر
وبصراحة اللي يستحي ابد مايعجب البنت !
انت بادر وخلك واثق من نفسك واطلب رقمها وبالعكس هي بتفرح
والسفر لازم تروحون شهر عسل!
السفرة بعد كم شهر هذي ماتعتبر شهر عسل خلاص سفرة عادية!
وليلة الدخلة اتركها للظروف على حسب علاقتكم بالملكة وجرأتكم

ليلة الدخلة ليلة مهمة في حياة المرأة و الرجل على حد سواء
و لازم ما تضيعونها في جس نبض أو عطف غير مبرر
أصلا اغلب البنات صح يستحن و يصير عندهن ارتباك شوي بس اكيد ما يحبون هالليلة تفوت
بدون أي علاقة حميمية
أنا أقول خلك طبيعي و لا تنظر للمرأة انها كائن ضعيف و مختلف و ليست له جاذبية و شهوة
المرأة مثلك و لكن تستحي شوي
عليك تكون حنون معها و تطمنها تقول لها انه عادي لو ما سوينا الشيء هذا الليلة اهم شيء تكونين مرتاحه
و خلك حنون معها
ابدأ بالقبلات البريئة على يدها و رأسها
و تدرج قليلا و تكلم كلام مديح لجمالها و قل عبارات ثناء فيها
و لا تخلون هالليلة تعدي كذا
و انا اقول عيشوا شهر العسل بعد الزواج على طول
لا تضيعون اول ايام زواجكم بانتظار و جس نبض ليست له حاجة
مع العشرة تبي تعرفها زين
و الانسان تعرفه بوقت الشدائد
وفقك الله

حلاتها اوروبا .. ومثل ماقلت التخطيط يمكن ما اقدر اسوي شي منه حسب الظروف
اما تأجيل الدخله وشهر العسل محد نصحني بهالشي بس شفت ناس مجربه فيه فرق لما تسافر تستمتع ولما تسافر متوتر ومستحي وشايل هم و انا اشوفه اغلب مشاكل المتزوجين سببها الفتره مابين الملكه الى ليلة الدخله بالذات ليلة الدخلة اشوفه ماهو شي ضروري يكون من اول ليلة الا الظروف تساعد هالشي