أعتقد أن الأمر ببساطة هو مصادفة لا أقل ولا أكثر، أو تفاؤل، والتفاؤل كله خير يابنتي
بالنسبة لي فيه شي من جد يحصلي، بس مادري هو نفس شعورك أو لا، وآخر شي اليوم. مثلاً شيء ما سلبي أفكر به، يجيني كذا شعور وكأنه وحي أنه يجب أن أتطمن ولن يحدث، فابتسم وأروق وفعلاً لايحدث. فصار لما يجيني هذا الشعور اتطممممممممن. صار عندي نوع مما يسمى استفتئ قلبك، ووصلت لمرحلة أنه لما يقولي قلبي حاجة خلاص أتبعها، ويصير فعلاً الخيار اللي قاله قلبي هو الصح. أيضاً مثلاً فيه طلب من المدير العام أنه يجهز تقرير أو حاجة معينة في الوقت الفلاني، بعدين كذا أتركه ولا أبالي وأقول بسلمه وانجزه في الوقت اللي يبيه، وأقول خليني استغل الوقت واتسلى بالنت أو أروح لمنتدى الأسرة والمجتمع وافتح لي موضوع واتفلسف عليهم شوية، وبعدين اخلص من الفلسفة حقتي دي، وأرجع أكمل شغلي وألقاه جهز في الوقت المحدد. يعني كأنه يجيني وحي يقول روق ياعبدالله وماعليك كل شي بيجهز بوقته. الله يستر بكرأ شكلها بتتطور الحالة عندي وأدعي النبوة ههههه الله يوفقك ويسعدك، ويحفظ لك أسرتك وزوجك وتكون حياتك حلوة زي ماتحبين. |
أنا تصير معاي و المشكلة هذي سببت لي رعب في البداية بعدين صرت أتجاهل الرؤى و الأحلام
مره حلمت ان أبوي جالس يطفي حريقة كبيييرة بعد ما صحيت بكم ساعة و صلنا خبر ان أبوي سوا حادث كان خطير جدا ولكن الحمدلله ربي أسلمه لنا مره حلمت ان السيارة اخربانة وأننا ينشغل السيارة الثانية و فعلا لما صحينا الصباح طلع خربان حلمت ان اختي اللي تزوجت رجعت لنا أغراضها وشناطها بعدها فعلًا تطلقت و مواقف كثير لدرجة صاروا يقولون لي معاك جن تعلمك هذي المواقف كلها ما خوّفتني اللي خوفني هو أني احلم أني قابلت أشخاص لي مدة عنهم و خلال يوم أو يومين أشوفهم هذا دايم يصير لي و شعور سيّء ينتابني اذا شفت الأشخاص في الحقيقة أكثر ما تصير لي مع ناس بالجامعة لدرجة لما اقتبلهم اجلس متبلمة سألت عنها كثير ولكن مالها اجابات أتمنى أن اعرف تفسير لها و أتمنى من كل قلبي ما عاد تصير لي لانها متعبة نفسيا خصوصا الأشخاص اللي اقابلهم |
هذا اللي تشعرين فيه إحساس فعلي معقد موجود عند كل الناس بالفطرة لكن بنسب ودرجات متفاوتة وله مسميات كثيرة
" الإدراك فوق الحسي..الإستشعار..الحاسة السادسة..التخاطر..التنبؤ.. القدرات الفائقة " وهذا علم قائم بذاته ومجاله خصب وعميق فيه ناس يفسرونه تفسيرات علمية بحتة بتبادل الذبذبات الكهرومغناطيسية وما إلى ذلك وناس يفسرونه تفسيرات روحانية وانه فعلاً تحدث هالأمور بمساعدة الجن او القرين المرافق للإنسان وفيه الجهله يعتبرون هالشخص انه مكشوف عنه الحجاب ويعلم الغيب وبالعامية كانوا يسمون هالشعور انك تحسين بالشي قبل يصير يسمونه " نفحة من نفحات الله " والله أعلم التخاطر موجود ياكثر مافكرت في وحده بعيده ومنقطعه العلاقة تقريباً بينا وبعد أيام اتفاجأ انها تكلمني .. او أفكر بموقف ويصير او أحلم بشي وأصحى ويتحقق الحلم لين صحيت من النوم لدرجة أحياناً جوالي يكون بعيد عني وفجأه أروح لمه بسرعه وأكتشف ان فيه محادثة مهمة من شخص مهم!! لكن الحمدلله بشكل معتدل لأنه صراحة قوة الحدس مزعجة وهذا يبين رحمة ربي في أن حياتنا ومستقبلنا غيبي ومانعرفه بالمناسبة .. العلم هذا جاني فضول وقريت فيه كثير لين وصلت لمرحلة خفت ووقفت لأن فيه حقائق مخيفة لدرجة انو فيه ناس من قوة ادراكهم واستشعارهم يسمعون صوت يناديهم ويعلمهم بالموضوع : ( كان يغمى علي !! من ضمن الأشياء كان فيه تمرين معين تجرينه في وقت معين من الشهر وتفكرين بأي شخص وتتخاطرين معه وانتظريه بيكلمك بهذه الفتره كنت متحمسسه وقلت لزوجي وهو مايؤمن بهالسوالف ويشوفها خرابيط جلس فترة يطقطق علي كل ماشافني قال هاه من تخاطرتي معه اليوم ههههه عسى ردوا عليك اللي خاطرتيهم ؟ هههه |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|