اختكم في الله لاجئه اليكم بعدالسلام
انا مصريه متزوجه من سنتين وابلغ من العمر 26 وزوجي نفس السن هبدا من الاول بدايه التعارف بيني وبين زوجي
العلاقه بين ابي واب زوجي تصل الي الاخوه هم اصدقاء منذ زمن بدات اعرف زوجي نحن صغار بالمدرسه ودخلنا نفس الجامعه كليه علوم لكن كان هو فيزياء انا قسم ميكروبيلوحي
وكان اضحوكه الكليه وكنت انا واحده من اللي يسخرون منه لكنه كان في حاله جدااا وعمره ما رد علي واحد شتمه وفي نفس الوقت محدش بيطلب منه خدمه الا لما بيعملها
ومع كدا كان اسمه في الدفعه القرد
لقيت والدي بيقولي انا عريس متقدملك وهو انسان كويس وابن صاحبي وهر دا اللي هتطمن عليكي عنده
ابوه خطبني ليه
لكن المفارقه ان هو كمان اقصد جوزي ميعرفش المهم انا كنت هموت نفسي لكن حصل نصيب واتخطبت
ممكن تتخيلوا انا كنت بعمل ايه علشان اظفشه لكن كنت بحس اني بتعامل مع لوح ثلج
ربنا اراد اني يجيلي مرض صعب اوي
وفضلت اتعالج منه سنتين كاملين
ووالدي قال لخطيبي يا ابني دور علي واحده تانيه تناسبك لان بنتي مريضه وانت عارف المرض دا صعب وانت ملكش ذنب
رد وقاله لا حضرتك انا لازم اكمل معاها في الموقف دا
وفضل معايا في الكشف والعلاج لمده سنتين كنت محملاه هو المسؤوليه في مرضي معرفش ليه والله مافرقنيش فيهم علي طول معايا سواء بكشف او علاج وفي العلاج الكيماوي كان معايا وربنا عالم كنت بقوله كلام لو جبل كان ممكن ينهار كنت بشتمه واهزقه وكان بيستحملني
بعد ماربنا سلم وعافني وشفاني
قالي بالحرف الكلام استحاله انساه (دلوقتي ربنا كرمك وبقيتي الحمدلله كويسه دلوقتي انا معدش ليا لازمه حضرتك انا هكلم والدي علشان يعني الموضوع ينتهي وحضرتك ربنا انشاء الله بحد احسن مني بكتير وقتها كنت لسه نافره منه وبكرهه اوي كان كلامه كأن حجر اتشال من ع صدري
لكن والدي وامي فضلو يقولولي يا بنتي دا هو صبر معاكي سنتين في مرضك وكنت مبهدلاه وكان متبهدل وياكي
ووالدي قالي اقول ايه لابوه بعد ما ابنك صبر علي بنتي وهي مريضه لما ربنا شفاها اقوله لا مش عاوزاه
وحصل جواز متمش اللقاء الزوجي غير بعد 7 شهور كامله كنت مش قادره اتقبله كزوج
وحصل كانه هم علي قلبي
الحياه بينا كانت هجوم دائم من ناحيتي في مقابل استسلام تام من ناحيته
كان والله عارف اني منفره منه ومن شكله وكان بيتغاضي عن اخطائي بحقه كلها والله ربنا الشاهد انه كنت اخطا في حقه وهو عارف واجباته كلها كان يعملها لو تعبت يفضل قلقان عليا ويفضل في خدمتي لحد ما اقوم وابقى كويسه انا كنت اعدد كل اخطائه
وهو يشوف حسناتي
عمره ما ذكرني بسوء وانا كل ذكره عندي بالسوء
ولحد اليوم ماطلعش منه لفظ مش محترم
بدات اقول لنفسي طيب ماهو انسان محترم اهو وبيعاملك بما يرضي الله
ارضي بيه
وبدات انا احسن من معاملتي معاه
اكتشفت انه كدا كانت معاملته وحشه والله العظيم كل اللي حكيته دا طلع وحش بالنسبه للي شوفته بعد كدا حسسني اني الست الوحيده اللي في الدنيا واني احسن ست
لكن نفسي رجعت تزن عليا من تاني انه شكله
وفي مره كنت في فرح وزعلت لما شوفت البنات واجوازهم شكلهم حلو
رجعت متضايقه وكان قاعد بتفرج علي التلفزيون بيقولي حمدلله علي السلامه مردتش عليه
دخل ورايا بيقولي مالك قولتله هو طول ماوشك دا في وشي مش هشوف خير
وكنت بتكلم وبصوت عالي
سبني لما هديت
وكنت اول مره احس اني غلطانه في حقه
تاني يوم قالي انا بصراحه والله مش هقدر اكمل بالطريقه دي لاني والله بشر عادي ليا طاقه معينه
وانتي جميله والف واحد هيتمناكي وربنا هيكرمك وتقدري تخلفي من حد بتحبيه
بس لو كنت غلطت في حقك سامحيني لاني والله الخطا اللي هكون ارتكبته في حقك غير مقصود ولو انتي ظلمتيني بقصد او بدون قصد ياستي الله يسامحك
وغير هدومه ومشي
كلمت امي وابويا وعمي
وحاولو يصلحوا لكن هو رفض كل دا
وانا قولت لامي كل شئ لانهم افتكروا ان الغلط منه هو
وابويا قال والله انه جبل
وتم الطلاق وحاولت اني ابعت اخويا يكلمه اني عاوزه ارجع لكن هو سلم علي اخويا وقاله انا مقدرش اردك خايب لكن انا مش هتجوز تاني خالص


تم تغيير العنوان ليتناسب مع الموضوع

الله يعوضه يا رب باللي تقدر قيمته...والله يهديج

__________________

حاجة الناس إليكم من نعم الله عليكم ، فـ لا تملوا النِعم ☁✨

نصيحتي لك لاترجعي له،، ماحبيتيه ونافره من شكله وانتي الان تحت تاثير صدمة هجره لك ..تبغينه حجر صامد امامك مايعبر ولا يتركك..الله يعوضكم بافضل مما فات..والله غفور رحيم

الحب رزق من الله وانتي مارزقتي حبه مش علشان شكله عشنا وشفنا ناس شينه وتنحب وتكون ملاك بعيون احبابهم وهو طيب الله يعوضه خير

الله يرزقه الزوجه الصالحه ماشاء الله تبارك على اخلاقه
وانت ربي يعوضك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

آخ يا دنيا...سبحان الله قبل شوي كانت تفضفضلي أخت عزيزة وصديقة صدوقة عن زوجها الوسيم جدا...وأخلاقه القبيحة جدا معاها تقولي معاملته سيئة كأنني جماد لا أشعر يسبني ويدعو علي وأحيانا يضربني امام الاولاد وانا صابرة تقول والله صرت أتخيل في مخيلتي زوج لطيف لكن شكله غير وسيم ومعاملته جميلة واقول ليت الله يكتبلي طلاق واتزوج بمن يحسن معاملتي وهالمرة أبي واحد مو وسيم واذا كان وسيم والله برفضه...احكمي على نفسك أختي هل تستاهلي هذا الشخص وهذه المعاملة الحسنة بعد الي سويتيه...لا أعتقد..توبي إلى الله وأكثري من الدعاء له لعلك تكفرين عن ظلمك له.

كلميه أنت بنفسك و اتحايلى عليه يوافق يرجعك
وقوليله أنا كمان مش هتجوز تانى يا أنت لا إما لا
واعتذرى له بصدق حتى لو وصل الأمر أن تذلى نفسى أمامه
حقيقة يستاهل كل خير للأمانه أنا شغالة فى الاستشارات بقالى 8 سنين مشفتش كده
زوجك كنز كنز كنز ما شاء الله

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

استغفرى كتير وأكثرى من الدعاء

لعل الله يجعله من نصيبك مرة أخرى

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

ما شاء الله لا قوة الا بالله

تصرفات زوجك اثرت في نفسي بقوة شديدة جدا ..

__________________
أشهد أن لا إله إلا الله و أشهد أن محمدا رسول الله صلى الله عليه و سلم

أنا لو مكانك مستحيل أنساه
رجل راقي ومميز لا يعوض
والحياة نعيشها مرة


وضعت نفسي بموقفك
سأتصل به أو اقابله مباشرة
لكن نصيحة بدون كثر اعتذارات
لأن كثر الأسف يكرس برأسه انه مظلوم معك
خلاص اعتذرتي له مرة والحمدلله
المطلوب الان توضحي إنك مشتاقة له
وانك فقدتيه.. وحياتك ناقصة بدونه
مع تأكيد انك بتتغيري حتى تحافظي عليه


الله يرده لك ردا جميلا