السلا عليكم تقريبا أنا بقرأ كتير في المنتدي بدخل كزائره هنا لتعلم من تجارب الاخريين
لكن أنا هنا اليوم لاني بورطه ومشكله كبيره
سأقول نبذه مختصره عن حياتي
قبل الزواج كنت مرتبطه (خطوبه) بزميلي في الجامعه لكن لاسباب ماليه الخطوبه اتفسخت والدي رفض يكمل لانه فقير ومن عائله تانيه وانقطعت أخباره
بعد كدا اتقدم ابن عمي
بعد الجواز ب3سنين حصل طلاق لاسباب كتير متهيالي مفيش ست تتقبلها باي شكل وهي الخيانه والبخل والاهانه
كان نتيجه الزواج بنت وولد وطلع عيني في المحاكم علشان النفقه والحضانه لكن أخدت حقي بدون ظلم له أو حقوقه في أولاده
و فضلت في مشاكل لاكثر من أربع سنين والله العظيم بسبب طليقي دا حسبي الله ونعم الوكيل علشان عاوز ياخد مني اولادي وينقل حضانتهم ليه وخاض في شرفي
لكن الحمدلله ربنا نصرني عليه ودلوقتي بنتي 18 سنه وابني 16 سنه
وخطيبي الاول كان اتقدم بعد طلاقي وانتهاء العده علشان يتجوزني لكن والدي رفضه تاني
وانا وقتها كنت بصراحه مش فايقه ومتلخبطه وهو بالنسبه ليا انسان محترم وابن حلال لكن مفيش احساس بالحب من ناحيتي
واتقدم تالت مره بس بعدها بفتره كبيره نسبيا تقريبا 8سنين كان مسافر ألمانيا
وقتها فكرت طلما هو شاريني وعاوز يتجوزني ومصمم يبقي هيصوني وهو انسان كل الناس عارفه أهله وناس طيبه
اتجوزنا ولقيت فعلا انه نعم الزوج والله وكنت أشترطت وجود أولادي معايا وهو وافق ورحب
وكانت دايما امشاكل من جانب بنتي لاأعلم لاتحب زوجي وتكرهه مع العلم انه يحبها ويساعدها وترفض فكر ا انجب منه حتي أني فكرت بعدم الانجاب بحجه اني لاأريد الانجاب
لكن مع الحاح زوجي منعت الوسيله لكن ربنا ماأردش اني انجب تاني
لكن بنتي اتهمت جوزي انه حاول يعتدي عليها وأخوها شاهد علي دا وأنا للاسف صدقت الكدبه وفعلا لجئت لاخويا باعتبار انه ظابط شرطه وكنت رافضه حتي اسمع من جوزي ومنكتش طيقاه وقولت كلام مش قعاوزه أفتكره وضربته بالقلم أكتر من مره
طبعا جوزي دخل الحبس واتعمل محضر وفضل في الحجز شهر تقريبا
وبعد كل دا ابني يقولي ياماما عمو ما عملش أي حاجه بس أختي وبابا قالولي انك لما تشهد عليه انه حاول يعتدي علي أختك
وعرفت ان كل دا كذب
واجهت بنتي فعلا واعترفت علشان اني أرجع لوالدهم
روحنا القسم وعملنا تنازل عن المحضر وشوفته وقتها كان مضروب جامد جدا من المساجين
وهو أصلا مصاب بالضغط وكان في حاله صعبه
روح البيت كل دا مغير ولا كلمه وأخد هدمه ومشي من غير كلمه واحده
وبعدها بيومين ورقه الطلاق وصلتني
وعملت كل المحاولات اني أروح أكلمه ووسايط واعتذارات وكل اللي تتخيلوه و رافض كل دا
وانا علي الوضع دا من 4شهور
فأرجوكم قولولي حل الله يكرمكم

تم تعديل العنوان ليتناسب مع المضمون