السلام عليكم ورحمة الله وبركاته


انا الظاهر ماعندي مواضيع إلا عن ولدي الله يصلحه ويخليه
واحمد الله واشكره على مارزقني إياه والله يبارك لي فيه
واسأل الله ان يرزق كل محرومه بالذريه الصالحه عاجلا غير اجل ياكريم يا أرحم الراحمين


انا ياطويلين الأعمار مثل ماتعرفون منفصله
والله يعوضني ويعوضكم بما فيه الخير لنا

ولكن مو هذي مشكلتي
لاني الحمدلله راضية بقضاء الله وقدره

ولكن مشكلتي ولدي الله يحفظه ويخليه
يصبح ويمسي ويقول ابي اخو ابي اخت
انا ليش ماعندي اخوان
انتي ليش ماتجيبين لي اخت
ليه ماعندي اخوان مثل فلان وفلان

تصدقون والله أحيانا افكر اتبنى طفل من الملجأ
منها اجر عظيم ومنها يكون اخ والا اخت لولدي

ولكن لو بتبنى بنت مصيرها بتكبر وتتغطى من ولدي
ولو بتبنى ولد مصيره بيكبر واتغطى منه

وهو بسم الله عليه ماشاءالله فيه حنان وعطف
ويعشق الأخوه والفزعه
اشوفه مع عيال اخوي ويقولهم انا اخوكم
بس يقولون له لا انت مو اخونا
ويجيني يبكي
وربي ابتلشت فيهم الله يصلحهم

ورحت قبل ايام ازور وحده صديقتي والده وجايبه
توأم بنات ماشاءالله تبارك الله الله يخليهم لها
واخذته معي عاد يوم شافهم
قال ماما خلينا ناخذ وحده تصير اختي 😂💔

ومع اني افهمه اقوله ياحبيبي
انت بس ولدي الله يخليك لي ان شاءالله
ومااقدر الحين اجيب لك اخوان
يقول ليه
قلت له عشان انا وبابا مو ازواج
يقول عادي خليه يصير زوجك وجيبي اخو
عاد وشلون ابفهمه مدري !!

نرجع لأساس موضوعي
ابيكم تنصحوني كيف اخليه مايحس بهالأحساس؟
لأني والله مرا احزن عليه اذا شفته مرا يحن يبي اخوان
مع العلم اني ماشاءالله مو مقصره معه بشي
واحيانا اقوله انا اختك وامك يابوي
بس مايبيني اخت 😂

ومع ان ربي يعلم قاعده احاول اشغله بكل شي مفيد
واحاول اخليه يختلط مع اطفال اقاربي
عشان ينشغل بس اذا رجعنا البيت رجع الموال
واذا شاف اخوان ينشب يقول ابي ليه انا مو زيهم

ياليت تنصحوني
كيف حليتو هالمشكله طبعا اقصد الامهات
اللي ماعندهم غير طفل واحد

والله يرزق الجميع بكل اللي يتمناه يااااااااارب

تم تعديل العنوان ليتناسب مع المضمون

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

ياعمري الله يخليك لك ويحفظه ويرزقك بره
والله ماعندي شي اقوله بس الأطفال بسم الله أذكياء مايصدقون على طول خاصه في الزمن هذا

هل فيه مجال ترجعي لطليقك؟

حبيبتي اقري في تربيه الطفل الوحيد
فيه اطفال عند امهم وابوهم وبرضوا ماعندهم غيرهم
يعني مو شرط بس المنفصلات عندهم طفل وحيد
الله يخليه لك

والله انا من ناحيتي ماعندي مشكله
لأني مستعده ارضى بكل شي
في راحه واستقرار لولدي
بس الحمدلله على كل حال قدر الله وماشاء فعل

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

الله يسعدك يارب فعلا نبهتيني على هالنقطه

والله يرزق كل محروم ومحرومه بالذريه الصالحه ياكريم

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

طيب ياقلبي لعل الله جعل هذا الطفل سبب لبحثك ورجوعك لطليقك
استخيري الله ثم بادري واسعي وحاولي
قولي لطليقك ان طفلنا يسأل عنك ولا يستحمل بعدك عنه
وشيئا فشيئا لعلكم تعودان لبعضكم
الله يوفقك

الله يكتب إللي فيه الخير
ولكن الرجعه له مستحيله من جميع النواحي
ولا أستطيع ذكر الأسباب
اسأل الله له الهدايه وان يرده للحق ردا جميلا
والله يكفينا شر الفتن ماظهر منها ومابطن

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

بيكبر ويتأقلم مع وضعه .
المهم انتي لا تجعلي الموضوع شيء كبير بباله اذا تكلم عنه.
طبيعي انه طفل وحيد
يكبر وينشئ عائلة جديدة له ان شاء الله

اهلا بالجميع

بدخل بالموضوع على طول
انصحوني تكفون

بشكل مختصر انامنفصله وسبب انفصالي 100٪‏ الغلط على طليقي
وصبرت عليه وعلى كل اللي جاني منه
عشان راحة واستقرار ولدي
وبالأخير جازا صبري على نسأل الله العافيه بالطلاق
وحمدت الله وشكرته على مااختاره وكتبه لي

والحمدلله ولدي عندي ومو مقصره عليه بشي ماشاءالله
وكل ماطلب انه يبي ابوه
اخليه يرسله ڤويس نوت او يدق عليه ويتواصلون

اللي قاهرني وذابحني ياعالم
انه ولدي كل ماراح مع ابوه
يرجع لي شي ثاني
يرجع كارهني حاقد علي يغلط علي

اخر مرا اليوم رايح مبسوط ومافيه الا العافيه
وقبل شويات راجع واستقبلته كالعاده عند الباب
قال وخري عني انا اصلا مااحبك
قلت وشفيك ليش ياحبيبي
قال بس انتي لبستيني -- تعورني
وطلعت لي دم
واناظر رجوله مافيها شي ولا حتى جرح
---طبيه ولابسها اليوم عندي ومافيه شي
ولا تشكى منها
قلت ياحبيبي مافيه دم ولا شي
قال الا--- اصلا --- تعور
تخيلووو --- بعد!!!!
وكل هذا وهو يصارخ ويبكي ويقلل ادبه ماتتخيلون
قمت سفهته
قلت الله يسامحك وانا ماراح اتكلم معك
عيب اللي يكلم امه كذا
قال احسن
وتخيلو نام على الكنبه وسفهني
متخيلين؟!!!

والله مو اول مرا ولا ثاني دايم ملاحظه
وحتى اهلي كم مرا علقو على هالشي
يرجع من عندهم طفل ثاني
كارهني انا واهلي
متمادي قليل ادب لسانه ---
يصارخ ويعاند ويجلس لين اليوم الثاني
ويعتذر يقول انا اسف ياماما

وش اسوي طيب انا؟!!!!
اربي واتعب واخرتها بيوم يقلب علي

وش اتصرف
معقوله الولد من نفسه يقلب علي
اذا رجع من عندهم؟!!
استغفرالله والله ماودي اسيء النيه
بس فعلا هالتصرفات غريبه

والا معقوله هذي ردة فعل
بس ليش مايسويها الا عندي؟

المفروض يسويها عند ابوه
لأن هو اللي يستاهل هالمعامله
هو اللي هدم بيتنا على شي تافهه الله يعافيه ولايبتلينا
طنشت هالتصرفات مره مرتين ثلاث اربع
ولكن كل مرا نفس الشي؟

وش التصرف الصحيح؟

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي