مقهوره فيني قهر مايعلم فيه إلا الله

اليوم أستلمت صك طلاقي الأصل


وانا مطلقه من 5شهور

احس يوم شفته كأني توني متطلقه


قهر وربي قهر خاصه انه ماجاه مني ولاشي


طلقني ظلم أهاني وغدر فيني واخرتها طلقني من غير ماادري على حبي وعشقي وصبري عليه وعلى دنائته
طلقني

معقوله في رجل ينسى العشره والحب والأخلاص بهالسهوله وعشان شي حقير

معقوله يبيع زوجته وطفله برخيص
يعني ماجاه مننا ولا شي كل هذا بس عشاني واجهته بحقيقته

واللي قاهرني اكثر احس ماخذيت حقي منه
وحتى الدعاء والله اني اخاف ادعي عليه با اخر الليل
اخاف ربي يحوسه على اللي شفته منه

المشكله انا مرا متعلقه بطفلي الله يحفظه ويخليه لي
والا ودي ارميه على ابوه
عشان يحس بالقهر والظلم اللي سببه لي و له

اقول يمكن يطّلع له قلب بعد مايشوف طفله
يبيه ويبيني

مايمر يوم الا يسأل عن ابوه
وحتى يوم قلت له ياحبيبي ترا انا وبابا الحين مو ازواج
وعلى براءته وبرأه قلبه مايبي يصدق
ولأنه على صغره ذكي ماشاءالله تبارك الله
يقول لا بابا زوجك
ليه انت ماتحبين بابا
عشان كذا احنا ساكنين هنا

يعني مادري وش اقول
والله ماصدقت انسى شوي الايام اللي راحت
بس يوم شفت الصك اليوم
احس كأني توني الحين متطلقه


حسبي الله ونعم الوكيل
اللهم اجرني في مصيبتي وأخلف لي خيرا منها
اللهم ارزقني الصبر والرضاء على مااخترته لي

تم تعديل العنوان ليتناسب مع المضمون

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

الله يعوضك اصبري اختي

الانسان مبتلي يااختي
اللهم اجرها بمصيبتها وخلفها خيرا منها

ممكن نعرف حقيقتة

__________________
سبحان الله وبحمده سبحان الله العظيم

حبيبتي لا يستحق حزنك عليه
قصتك من القصص التي اصرت فيني
وانتي امراه نادره و كفو
بس هو مو كفو
ادعي دعاء ام سلمه
اللهم اجرني في مصيبتي واخلف لي خير منها

حبيبتي...

الله يخلف عليك ويعوضك خير

خلي على لسانك طول الوقت لا إله إلا أنت سبحانك إني كنت من الظالمين

وبإذن الله بتشوفي نتائجها وأثرها العجيب على نفسيتيك وهدوئك وفرج الله عليك

وكمان أذكرك بقول الرسول عليه الصلاة والسلام: "مَا مِنْ عَبْدٍ تُصِيبُهُ مُصِيبَةٌ فَيَقُولُ : إِنَّا لِلَّهِ وَإِنَّا إِلَيْهِ رَاجِعُونَ ، اللَّهُمَّ أَجِرْنِي فِي مُصِيبَتِي ، وَأَخْلِفْ لِي خَيْرًا مِنْهَا ، إِلَّا أَجَرَهُ اللَّهُ فِي مُصِيبَتِهِ ، وَأَخْلَفَ لَهُ خَيْرًا مِنْهَا "

استعيني بالله وثقي تمام الثقة أنه وحده القادر أن يبدل حزنك فرحا

هذه أيام فضيلة استغليها في الدعاء والإستغفار بنية الفرج


خليك قوية لأجل نفسك ثم ابنك.. حزنك ما راح يدوم.. أزمة وبإذن الله تعديها بسلام وتخرجي أقوى وأنضج بكثير

بس حطي في بالك كل قدر بحكمة خفية من رب العالمين ما نعلمها

وبيجي يوم قريب وبتفخري بنفسك ومدى تماسكك وعدم إستسلامك

فتحي عينك حولك وحتلاقي نعم الله محاطة بك من كل صوب..

الله يخلي لك أهلك وولدك ويبلغك فيه

الله يعوضك خير ويربط على قلبك
وثقي بالله اختي كما فيه ازواج يبيعوا زوجاتهم كذلك يوجد زوجات يبيعن ازواجهن ....!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

ليه طلقك ؟

انا امنيتي اعرف السبب
لأن هذا احد الأسباب اللي زادت القهر فيني
ماجاه مني ولا شيء
كل اللي سويته اكتشفت غدره لي وواجهته فيه
وألتزم الصمت
ولا عمل حساب لا لي ولا للعشره ولا بمحبتي
ولا لجرحي وقهري وصدمتي في الأنسان اللي وثقت فيه
بالعكس بدال مايعتذر ويستسمح مني ويبين لي ندمه باللي سواه
هجرني وبالأخير جازا صبري بخبر الطلاق
إلى يومك
اتمنى بس اعرف ليه سوى كل اللي سواه فيني
وش الشي اللي جاه مني
ولكن الحمدلله على كل حال
والله يسعده ويوفقه وين ماكان بيبقى وبيظل أبو ولدي
والله يسامحه على كل شي

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

وش تقصدين باالغدر خيانه أو زواج ؟

أعتذر انا ماابي اذكر السبب بوضوح
عشان ماابي اقرا ردود مسيئه له
ولكن انا مو مشكلتي ولا اللي قاهرني اللي سواه
لأن بشر ومن الطبيعي بيغلط
انا اللي ذبحني ردة فعله وسكوته
واعرف انه فعلته مالها تبرير بس اقلها يعتذر يبين لي انه ندمان
ولكن للأسف ألتزم الصمت وهجرني
وبعد ماواجهته لدرجه والله العظيم اذا شافني في البيت بالصدفه
يصد عني وكأني غريبه عنه!!

فعلا شي غريب اللي صار لي وللأسف مو لاقيه أجوبه على تساؤلاتي
احس اقل شي لو قال اكرهك ماابيك عايفك والله اهون عالأقل اعرف انه طلقني عشانه كارهه
تمنيت اني سمعت منه سبب للطلاق
مع العلم اول ماعرفت بخبر طلاقي
ارسلت له رساله ليه وش اللي جاك مني عشان تجازيني بالطلاق؟

ارسل
يعلم الله اني ماكنت ابي اطلق ولكن تجنبا للمشاكل

ارسلت له
اي مشاكل؟
هي مشكله وحده وبيدك انت حلها
وانا مستعده اسامحك وانسى اللي صار
ونفتح صفحه جديده عشانا وعشان ولدنا

وكالعاده يتجاهل كلام الحق ولا يرد
وفعلا انا الان مطلقه ولا اعرف سبب لطلاقي

ومع العلم أيضا انه بالبدايه كان رافض يطلق
وبنفس الوقت مو جالس يسوي شي يحسسني بندمه
بالعكس الا مايرد على مكالماتي
فقط يرد على رسايلي اذا نبي مقاضي للبيت
او ابي شي لولدي
ويجيب الاغراض ويحطها عند باب بيتي ويتصدد
وكأني أمراءه اجنبيه عليه وانا بذيك الفتره كنت زوجته
وتصرفات غريبه اصدرت منه لدرجه لم اعد احتمل جلستي فبيتي
ورجعت بيت اهلي وجلست فتره قلت يمكن يحس يشتاق يندم
والله لاحس ولاخبر
وصار يتجاهل مكالمات اخوي عشان قاله يا تمسكها بالمعروف او تسرحها بأحسان

علقني فتره تقريبا 7شهور تقريبا
وبعدها عرفت عن طريق اخته وبالصدفه انه مطلقني من شهر

وللتوضيح عمر الزواج من الثانيه مايسمى غدر
لأن حق للزوج ومحلله رب العالمين ولكن بشرط اذا كان بأستطاعته العدل
صح انه قهر للزوجه وخاصه المخلصه ولكن هذي الحقيقه شئنا أم أبينا

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي