06-09-2016, 03:58 AM
 السلام عليكم ورحمة الله وبركاته اخترت لموضوعي هذا العنوان (الحياه فرصه يتمناها الأموات ) هذي مواضيعي القديمة راحت بخيرها وشرها مسحتها من حياتي http://www.66n.com/forums/showthread.php?t=230128 http://www.66n.com/forums/showthread.php?t=228043 http://www.66n.com/forums/showthread.php?t=223171 اخواني المطلقين والمطلقات رجعت لكم بعد خمس سنوات تقريبا هذي روابط مواضيعي السابقة لما رجعت اقرأها استغربت لتفكيري كيف كان يا لله اكتشفت اني ضيعت عمري ووقتي وصحتي في التفكير ليش صار وكيف صار وانا مسكينه ومظلومة وليش سوء طليقي كذا ومره ابيه وانتظره ومره خلاص نسيته ولا عاد ابيه قاعده العب على نفسي غير الحزن والجلسة في البيت ووقفت كل مصالحي وكل امور حياتي قاعده امشي في الحياه جسد بلا روح وعقلي شغال وصحتي كل مالها في تدهور ايش هذا الانتحار؟؟؟ ربي ما امرنا بكذا ربي خلقنا احرار ونحن تركنا انفسنا عبيد لأفكارنا ونمشي خلف وهم قلوبنا حتى لو كان حب حقيقي امشي في حياتي ما اوقفها على واحد حبيته او وحده حبيتها حبو حبو حبو ما فيها شيء لكن اذا ما حصل توفيق اموت وانا عايشه مثلا ؟؟؟ خليني اقول تزوجتو وحبيتو خمس سنوات اقل او كثر ولاحصل توفيق اعيش باقي عمري 20 او 40 سنه حزن ايش هذا الهبل ...الانسان يعيش مره وحده كلها اختبار ومواقف حزينة وسعيدة السعيده اعيش لحظاتها بفرح والحزينه والصدمات تخلين صلبه للأيام القادمة عشان امضي واعيش ايام حياتي بسلام مهو انكسر وانطوي واكره الدنيا الطلاق مرحلة صدمه نحزن ونتذكر ونتمنى ونتساءل وننظر .....و..... والعمر مثل الحسابة يمضي ومازلنا نفكر ونبكي على الاطلال ما فيها شيء الواحد يحزن ويبكي ويفكر بس المشكلة لما تطول المدة طيب كم راح من العمر خمسه او سته او عشر سنوات تتوقعون راح ترجع متى ما قررنا نصحى ونفكر صح ؟؟؟؟؟ تتوقعون لو رجعنا لأزواجنا راح تكون علاقتنا فيهم مثل اول ايام زواجنا الدلع والغزل ولتمشيه ويا قلبي ويا حبي ويا عيني ......محال والسبب حدث شرخ بيننا وصدمه وذكره مؤلمه كل واحد بيكون حذر من الثاني وعلى أي كلامه يبدئ كل واحد يتكلم في الماضي والي حصل فيه ومنهو السبب ولكل يلوم الثاني ويزهدون في العلاقة الزوجية ...الا القليل ممكن يرجعون وينسون لكن يبقا في القلب شيء ؟؟؟ اتركو امركم لله مدبر الامور قال تعالى( وإن يتفرقا يغن الله كلا من سعته وكان الله واسعا حكيما ) لو كل واحد منا ايقن حق اليقين في الآية بقلبه وعقله وكل حواسه والله ثم والله ما شلنا هم الطلاق ولا راح عمرنا ونحن نبكي على الاطلال ارجع اكلمكم عن نفسي وش استفدت يوم راح سته او سبع سنوات من عمري على التفكير والحزن والانتظار مارح ترجع ابدا وانا مكاني سر وطليقي تزوج الثانية وعايش حياته لي عشره سنوات من طلاقي راح قرابه 6 او7 سنوات بدون فائدة كل مابغيت اتقدم الي الامام الشيطان يذكرني عشان يحزني ثم يمرضني ثم يقعدني ثم يجعلني يائسة ثم ساخطه ثم اخسر ديني واخسر رضى ربي علي ...اسأل الله ان يكون راضي عني وعنكم وهلي وكل مسلم اخواني واخواتي الشيطان دوره في الدنيا يجعلك تكفر او تجزع و تنطوي عشان يتمكن منك وانت قوي مايقدر فرصته يتصيدكم في الاحزان او الامراض والصدمات قال تعالى ( إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا بِإِذْنِ اللَّهِ ۚ وَعَلَى اللَّهِ فَلْيَتَوَكَّلِ الْمُؤْمِنُونَ) قررت اخرب مخططات الشيطان وانطلق واتحرر من قيود تفكيري ومن تسلط الشيطان فوضت امري لله من قلب مخلص... فجئه لقيت طليقي يرسل لي يعتذر عن ظلمه ويطلب السماح قلت له اتركها للأيام فهي كفيله ولم اسمح له بأن يكثر الرسائل معي قطعت عليه البعض راح يقول يمكن له نيه يرجعك ... حطيت في راسي وقلبي قناعه لو كان خير لي بيروح لبوي ويطلبني ارجع له مهو يجلس يرسل لي ويكتشف مشاعري هل مازلت احبه او لا ...عشان يشبع غروره وعاطفته ويتأكد اني سامحته عشان ما يعذبه ضميره خلاص قلبي ما راح يملكه غيري وانا احق بعاطفتي وحبي لنفسي اكثر من غيري بديت مرحلة الانطلاق الحقيقية ؟؟؟؟؟؟؟ اولا.. سعيت في عملي عشان احصل على الترقية ودرست دورات في معهد الإدارة والمعاهد الاخر عشان احصل على نقاط تؤهلني للترقية في الماضي ماكنت اهتم كله واحد عندي ( اهم شيء ليش طلقني زوجي كيف ارجع الي حبيبي هههههه) دراستي خلتني اختلط في ناس اخرين واتعرف اكثر تعرفت على زميلات من مناطق مختلفه من المملكة رفعت اوراقي في العمل وحصلت على الترقية بمرتبه عاليه ولله الحمد وتعبر اعلى مرتبه في عملي ثانيا ..بحثت عن اكمال دراستي في علم النفس بدرجة الماجستير والي الان وانا ابحث احب هذا التخصص واتمنى افيد الناس فيه بتجربتي وعلمي ثالتا..درسه دبلوم عالي في الارشاد الاسري وتخرجت بتفوق وكان عندي تحدي احصل على معدل بين زميلاتي في الدبلوم لآني دخل الدبلوم وكنت مخلصه في علمي وهدفي استفيد وافيد غيري والحمدلله حصلت على ممتاز مرتفع وعلا معدل ما شاء الله تبارك الله والان ابحث على اكمال دراستي في مجال الماجستير تخصص دبلوم الارشاد الاسري مع العلم الي الان ما فتح عندنا في السعودية لكن عندي امل ادرسه هنا او في الاردن استفدت كثير في دراستي كل يوم اروح للجامعة وحاطه في راسي ابي اتخلص من تفكيري السلبي ابي اتعلم عشان افيد غيري ...كل محاضره كانت بنسبه لي جلسات علاج نفسي وتقويم كنت استمع للمحاضرة بقلبي وعقلي واناقش الدكتورة المحاضرة في كل شيء يخص الدرس او غيره واحضره المحاضرات والندوات التي تقام في الجامعة حبيت التخصص من قلب وحبيت جميع الدكتورات الي درسونا كانو قمه في الاحترام والتفاني في التعليم وعندهم حصيلة كبيره من العلم ما شاء الله تبارك الله يوصلون لك العلم بشكل محبب يدخل العقل وقريب من القلب ويردون عليك كل استفسار تسئل عنه انصحكم في دراسة هذا التخصص في كلية خدمة المجتمع ( جامعة الامام ) للنساء والرجال كل ترم يفتحونه ادخلو على موقعهم في تويتر واستفسرو اكثر رابعا ..احضر دورة قصيره عن تطوير الذات وكيف التعامل مع ضغوط الحياه ....الخ في بعض المراكز الي تقيم فيها دورات واستفدت منها كثير الفائدة ماتجي بسرعه يكون عندك حصيلة علميه في عقلك لابد ان تستفيدي منها وتخرج لك في أي موقف خامسا.. الفت كتاب عن قصتي وتجاربي ليستفيد منه الجميع الي الان ما طبعته يحتاج وقت اسأل الله ان ينفع به اخيرا اسعد الله قلوبكم كل واحد بعد ما يقرا كلامي يتحرك وينطلق للحياة ويغير تفكيره ويبحث عن كل شيء يفيده وينشغل فيه.. يعيش حياته فيها ملكه مهي ملك غيره يا الله قومو تحركو توكم جالسين تفكرون الحياه فرصه يتمناها الأموات حطو هذي الكلمة حلق او تعليقه قدامكم اسعد الله قلوبكم |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري