انا اعاني من من رجفه اذا ارتبكت يعني اذا قابلوني ناس جدد او احيان اخواني بس من ابوي يعني هم ما يجونا الا تقرييبا مره في السنه بس المشكله اني استحي منهم وارجف يعني مو مره مستحيه بس حيا بسيط بس يدي ع طول ترجف انا انساانه كنت مممره خجوله بس شخصييتي تطورت بالحييل بس الرجفه ما زالت واكثر شي يقهرني لما اصب القهوه فا يليت تقولون لي وش الحل يعي علموني وش اطور من شخصيتي علشان اكون واثقه من نفسي لاني احس ان مشكلة الثقه علما اني مايجون لنا ناس كثيير وهذا اللي يخلني استحي وارتبك اذا جو انا جامعيه عمري 19 وهذا الطبع فينا انا وخواتي كلنا والله يجزا خيير كل واحد يجاوب ويساعدني ويحقق له مناه

تم تعديل العنوان ليتناسب مع المضمون

هل جربتي انت تذهبين لمختص طبيب نفسي معالج للنظر اذا كان هذا الشيء نتيجة رهاب اجتماعي؟

شكرا اخ عبدالله بن ع الرد لكن لا ابدا ماقد جربت ولا كنت اتوقع ان اللي فيني رهاب اجتاماعي!!

سبحان الله نفس الحاله كانت موجوده عند ولدي الكبير
عمره 11 سنه .. أذا اخطأ في شئ أو صارت مشكله مع أحد
تنتفض يده اليمنى من كامله ويوضح عليه القلق والخوف ..
استخدمت معه زيادة جرعه الثقه بالنفس .. حملته بعض من المسؤوليه
اختيار ملابسه و ألعابه .. التكلم معه بهدوء وبطريقة تحفيزيه ..
أستمر شهر كامل ملازم لي .. حضور مباريات ومناسبات ..الخ
والحمدلله رب العالمين زالت بفضل الله والأن يملك ماشاء الله تبارك الله. شخصيه مستقله بأمكانه المناقشه والحوار والأعتراض ولا يواجه أي مشكله ..

__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به

شكرا اخ الراسي ع مشاركتك موضوعي ومن جد فرحت لولدك الله يحفظه لك
لكن الرجفه اللي معي تختلف قليل عن ولدك انا ما تجيني لما اخاف انا لما اتوتر وارتبك وعند الخجل يعني ما الاحظها إلا لما يكون عندي مواجهه لناس مو متعوده عليهم بالبدايه كنت اقول انه شي طبيعي لما ارتبك مثل كثير ناس تحمر وجييهم لما يرتبكون وفيه بنات كانوا يرتجفون مثلي لما يطلعون بالاذاعه المدرسيه وناس لما يتوترون تمغصهم بطونهم
بس انا احيان ما أكون مستحيه من هاالاشخاص اللي معي بقدر هالرجفه القويه فاتسبب لي احرااج قوي يعني لدرجة انهم يقولون لي هذا مو خجل هذا مرض بس لما اتعود عليهم عادي تروح
انا احس ان مشكلتي الثقه ابغى اعزز ثقتي بنفسي لدرجه تخليني ما ارتبك او اخجل وبالتالي ارتجف لما اقابل ناس جدد او اكون محط انظار الناس فا ياليت تساعدوني

هذا واضح مرض الرهاب الاجتماعي ويلزمك مراجعة طبيب نفسي والحمدلله الادوية موجوده لهذا المرض..اذا كنتي من الرياض فيه طبيب بمستشفى دلة ممتاز اسمه عبدالواحد ابو جازية

__________________

طعنة العدو تدمي الجسد،وطعنة الحبيب تدمي القلب

انصحك بأخصائي نفسي الي فيك قلق اجتماعي وهو بسيط جداً جداً وحله سهل بس يحتاج صبر وتوجيه من مختص وتطبيق مايقوله لك المختص راح يعمل لك برنامج ويتابعك ويعدل عندك التفكير ..!
وانصحك لاتأخذي حبوب نفسيه نهائياً الا استدعى الامر لذلك ..!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

شكرا اخ عميد البلوت ع ردك
وايه انا من الرياض راح احاول اراجع طبيب مع انه صراحه صعب علي
واشكرك ايضا اخ متواضع ع ردك ومساعدتك
من ججد عمري ما توقعت اللي فيني رهاب اجتماعي فراحانه ومتضايقه بنفس الوقت انه طلع مرض وله علاج احسن من يكون عله دايمه

لانك ماتحتك كثير فممكن تتعالجي منها انك تحتك كثير بالناس .بمانك بل جامعة فهي فرصة ادخلي انشطة الجامعه وشاركي مع البنات وعادي لو جتك الحاله بكم موقف وبعدها راح تتلاشى .انا مثلك وعدت علي مواقف منجد تقولي هالانسانه مربوشة ويمكن غبية ههه وكنت اتلخبطت كثير لكن بطبيعتي داخليه عندي ثقة بنفسي فكنت اتناسى المواقف ذي لان كنت باعرف اش مسببات ربشاتي وحاول اغير من نفسي وانا بالعموم ماهتم لراي ناس فيني فيمكن هذا ساعد اتخطى مشاكلي بسرعة لكن ربشة كانت تصبني لان ماني متعودة على الانخراط في ناس مو بسبب خوفي .فابدي من داخلك وعززي ثقتك بنفسك وخذي راحتك بالكلام مع ناس ولاتفكري ابدا انو الناس ممكن تنتقدك بادلي او حتى لو انتقدوك مش حياكلوك عادي ناس بتحب تهرج في اي حاجه حتى لويسبوا نفسهم هههه .وصدقيني الاعمال التطوعية في الجامعة مررا كويسة لك راح تغيرك كثير . ولان في بنات كثير مايخرجوا ولما يرحوا جامعة يتغيروا تغير جذري في شخصيتهم من شخصية خجوله الى جريئة وفي قمة نشاط .امم اخر حاجه ماعتقد انك محتاجه مختص انت محتاجه تنخرطي فقط مع المجتمع وراح تزول الغمامة .