السلام عليكم ورحمة الله وبركاته

تناقشت مع صديق عزيز عن موضوع يخصه يقول انه ينوي ان يتزوج بأخرى لكنه متردد وسبب التردد هو تهديد زوجته له بالانفصال وتركه وهو لا يرغب بذلك من اجل أبنائه
فكيف يتأكد من جديتها وهل هو مجرد تهديد فقط علما أن زوجته الأولى موظفة
وهل يحق لها منعه من الزواج بأخرى؟
وشكراً

والله انا دايم اقول لزوجي كل ما مزح معي بهالموضوع اقوله لاتمزح معي ولو صار هالشي بكيفك انت حر بس اهم شي صك طلاقي قبل صك زواجك الثاني .. طلقني وبعدها تزوج .. وانا اتكلم جد لو صار هالشي اتطلق ولو رفض يطلق راح اخلعه .. لان ماني مستعده اعيش مع شريكه ومافي وحده ترضى بهالشي ... قول لصاحبك يحاول يصلح اخطاءها واذا كانت مافيها طب و خلاص ناوي يتزوج ويستغنى عنها الله يعينه بيكون بين نارين .. بس فيه حريم يزعلوون فترة يعني اذا هي عرفت انه تزوج راح تثووور وتغضب وتروح لهلها بس فترة وتعدا وترضى ترجع له يا اما لانها تحبه او عشان عيالها .. وفيه حريم يتركون عيالهم له ويروحون بلاا رجعه وفيه حريم ياخذون العيال معهم .. يعني على حسب

__________________
تم تغيير النك .. < ريتاج2016 سابقا

الله يعين
شكراً لكِ

__________________

نعم لا يحق لها منعه
وتردده ليس خوفاً بل من اجل دراسة الوضع والتفكير به
ومن جميع النواحي حتى لا يندم بعد ذلك
شكراً لك

شرعا واضح انه من حقه وكلنا نعلم ذلك لكن ان كانت امرأة غيور ولا تحتمل الوضع وتخاف ان تنفتن في دينها قد تحقق تهديدها وكثيرات عملنها
لو كانت عايشة عندنا لا تمضي له وخلاص

إذا من البداية يخشى التهديدي - أياً كان نوعه
فلا يُقدم على مثل هذه الخطوة

__________________

حاجة الناس إليكم من نعم الله عليكم ، فـ لا تملوا النِعم ☁✨

والله استغرب من اللي يبون الثانيه ومايبون يطلقون الاولى ! يعني منتظر منها تضحك له وتبارك له وتخطب له وتزفه لها وتقفل الغرفه عليهم ! مافي والله مافي وحده ترضى بهالشي وبعضهم يتحججون بالاولى ان العيال ومدري ايش وهوو يبيها بس يبي غيرها ومايبي يخسر الاولى يخاف ماتجي الثانيه مثلها ! اذا يبي الثانيه خلاص يترك الاولى لرغبتها هو اللي يبي يبدلها ومن حقها تززززعل وناترضى بهالشي

__________________
تم تغيير النك .. < ريتاج2016 سابقا

من حقه يتزوج اربع
ومن حقها ماتكون من زوجاته الاربع

يرجع لأمور وأعتبارات كثيره ..!
هل هو قادر الصرف على بيتين ...!
هل هو صاحب قرار وشخصيه قويه...!
هل ماديته تسمح له...!
هل هو مومرتاح مع ام عياله...!
هل هو كبير او شاب وكذلك زوجته ...!
هل هو صاحب الفضل والاحسان على زوجته ام العكس ...!
التردد والخوف من العواقب لايبني قرار سليم ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي