السلام عليكم

انا بختصر واي سؤال عندكم تفضلوا
لاني والله مدري من وين ابدأ

المهم هذا الشاب تعرفت عليه
عن طريق برامج التواصل
تقريبا من 3 شهور

عمره27
معلم

قلتله بنتزوج ولا لا
وافق وقال مستعد اتقدملك
بس بالسر عن اهله
ما سألته ليش
بس اتوقع لفارق العمر عارف اهله ما بيوافقون
وطريقة التعارف ايضا اتوقع مرفوضه عندهم
حتى لو كذبنا وقلنا خطابه

المهم ما يهمني راي اهله ولا معرفتهم
انا يهمني الشخص نفسه
اللي بعيش معه

هو موافق على الزواج
وشرطه للوحيد ان اهله ما يعرفون
الا لو صار حمل يقول هنا بعلن الزواج


انا لقيته حل ومخرج
بس كيف افاتح اهلي؟؟

فكرت في موضوع الخطابه
وان اللي جمعتني به خطابه

بس وش اقولهم عن حكاية اهله؟؟

شي ثاني قالي وليش ما نخبي حتى عن اهلك
ونتزوج بس انا وانتي
ولو صار حمل هنا نعلم الجميع
بس ما حبيت الفكره
ولا تناسبني ولا تناسب اهلي
قلتله ترضاها لاختك
قال والله لو اختي كبيره وناضجه
عقلها براسها والله ما فيها شي!



رايكم؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

وعليكم السلام ورحمة الله وبركاته

من رأيي تصرفين نظر لأنه غير جاد وواضح جداً انه ماخذ الزواج منك لأجل التسليه فقط
وهل بتسكنين في بيت أهلك وتجتمعون في الفنادق؟ وإلا ما كان اقترح الزواج بالسر عن أهلك
هذا يبي عشيقة وليس زوجة وتكوين أسرة

لا انا رفضت فكرة السر عن اهلي طبعا!
وهو وافق انهم يعرفون " غصب عنه يوافق"

وبالتالي السكن في بيت في مدينته
" بدون علم اهله "
لاني قلتله انا ما ابغى اجلس عند اهلي وتجيني
انا ابغى نكون في مدينه وحده
وهو وافق

العمر راح وانا اختك وانا اتشرط واتدلع
خليه ينوي اللي يبغى
وانا انوي اللي ابغى
وكل واحد بيلاقي نيته
انا بتزوجه لهدف الزواج بحد ذاته
ومعه هدف الخروج من البيت
حج وحاجه على قولتهم
ف ان زان الحمد لله
وان ما زان ف اسمي حققت هدف الخروج من البيت
وربي بيعوضني بغيره

وعندي امل انه بيزين ان شاء الله
لانه عقليا حسيته اكبر من عمره
اعطيه عقليا عمر 35 او 40

شي ثاني لو قصده يلعب كان استبعد موضوع الحمل
لانه سألني اذا بجيب عيال
قلت لا ما ابغى عيال
قال ليش انا ابغى عيال " يعني لو يلعب كان بيفرح اني ما ابغى حمل"

يقول واذا ما جبتي عيال بضطر اتزوج
ومحد بيزوجني وانا متزوج
عشان كذا يقول الزواج بالسر لين تحملين ساعتها نعلن

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

وعليكم السلام ورحمة الله وبركاته
كم فارق العمر بينكم
هل شفتيه
هل انت واثقة من كلامه و ليش مايبي اهله يعرفون
هل شافك
لانه بهذا السن ما اظنه صادق
وقصته ماتدخل العقل
والغاية ماتبرر الوسيلة غايتك تخرجين من بيت اهلك باي طريقة فتعميك عن رؤية الحقيقة حاولي تتاني حتى تاخذي القرار الصح

وايضا الذي ماله الشجاعة يخبر اهله انه يريد يتزوج امراة اكبر منه وهذا لا هو عيب لا هو حرام
ما اظن عنده الشجاعة انه يخبرهم انه تزوج و حامل بعد

عمري 48
عمره 27


ايه شفته وشافني صور وفديو
ومو مصدق ان عمري 48
يقول اني اكذب عليه وان عمري30
واني اكبر نفسي😅
ويقول انه بيجي ونتقابل وجها لوجه

من ناحية واثقه من كلامه
محد يقدر يوثق بأحد ميه بالميه
هذا كلامه وباقي اشوف افعاله

اي قصه اللي ما تدخل العقل؟؟
هو يبغى يتزوج بس بدون علم اهله
دام اهلي يعرفون وين المشكله؟
اش عليه من اهله؟
بعيش معهم؟
بيعيشون معي؟
اذن وش فايدة معرفتهم؟؟
الا لو صار فيه عيال " نقول لو"
ساعتها زي ما قال نعلمهم
وين المشكله او الغلط بالموضوع؟؟
دامه بيتزوجني على سنة الله ورسوله
وبعلم اهلي
وش فايدة اهله بالموضوع؟؟؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

واذا ما خبرهم وش المشكله؟
وين الغلط؟؟
رجال وتزوج على سنة الله ورسوله
وبعلم اهل زوجته
وين الغلط؟؟
وين المصيبه بالموضوع؟؟
وين الورطه بالسالفه؟؟

قد يفشل الزواج ويطلقني؟؟
ايضا وين الغلط؟؟
كثير تزوجوا زواج كامل مكمل
وتطلقوا بفضايح وخيانات ومحاكم!!!

عادي حالي حال اي اثنين تزوجوا واطلقوا
على الاقل بطلع بفايدة الخروج والاستقلال ببيت

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

للحين محد جاوب على السؤال الرئيسي من موضوعي
وهو كييييف اقدمه لاهلي؟؟؟؟؟؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

الصدق منجاة
والكذب مهواة

خبري اهلك الصدق عشان يوقفون معك عندما تكتشفي حقيقته المرة

__________________

حقيقته المره؟!
وليش هذاك ما قلت عنه حقيقته المره؟؟
مع انه نفس الشي طلبني بالسر
ومحد يعرف حتى من زملاء العمل!!

على الاقل هذا اعزب
بكون انا بس عنده
مو متزوج يزيد متعه بالحياه

على الاقل هذا اعزب نظيف
مو يجيني بعد علاقه مع زوجته!

على الاقل هذا وعدني بالاعلان لو انجبت
هذاك ولا فكر في موضوع الانجاب
ولا حتى فكر في انه بيغار لو شاف اي موقف!!

على الاقل هذا يشفعله انه صغير يفتح النفس
مو الشايب اللي صك الاربعين
وجاي بيقزرها على راسي بدون علم احد

المهم
وش رايكم اتزوجه بدون علم اهلي؟؟
يجوز؟؟
بدون حمل طبعا

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )