تخيلي انك بتطلعين برى البيت لوقت طويل ..

يعني معزومه على سهره ..

وحبيب قلبك .. الزوج المصون بيكون متواجد في البيت فترة غيابك

حرام بيطفش وبيدق عليك كل شوي (ماخلصتي) ..

هنا ياحلوه لازم تنفذين الخطه هذي عشان تلهينه عنك أولا ..

وثانيا .. يشتاق لرجعتك ..

مستعده ..

اولا .. حطي ورقه على باب الثلاجه اكتبي عليها مستحيل انساك ياعمري

افتح الثلاجه وروق على الحلى ..بس معليش دور على القهوه

وخليك مجهزه قهوه وغلفي (ترمز القهوه) .. وخليها على طاولة المطبخ

عشان مايقعد يحوس عليك المطبخ ..

واذا ماكان يحب الحلى حطي فطائر وشاهي بنفس الفكره بس بدل ماتكون الورقه

على باب الثلاجه خليها على باب الفرن ..

ثانيا .. المهمه الثانيه ..

اختاري له شريط فيديو على ذوقك (طبعا شريط اسلامي هادف) ومو تحطين له

فليم اكشن وبعدين يكفخك اول ما تدخلين ..

او ممكن كتاب او شريط محاضره ..

او رساله طويله اكتبي فيها كل عبارات الغزل والشوق المهم تكون طويله

عشان تبسطين بالعرس أكثر ..

ثالثا .. لصقي ورقه على مراية غرفة النوم اكتبي له اتمنى انك تختار لي

قميص النوم لسهرتنا الليله ...

وعاد انتي لاتتأخرين بالعرس يعني مو لازم تطلعين اخر وحده ولا لما تتعشين

عادي خلي نص السهره لزوجك عشان ماترجعين دايخه وتنامين وتجحدينه

وهو تعبان ومجهز قميص النوم لك ..

المهمه الرابعه ..

قبل لاينزلك اتركي له ورقه صغيره اكتبي فيها ..

اتمنى انك تنتظرني بالبيت لأني لما أرجع راح اقولك على مفاجاءه

وظروري تكون متواجد بالبيت عشان تظبط )

وبعد مايرجعك ويسألك عن المفاجاءه قولي له (طلعتي من الزواج بدري)

وبيقولك كل يوم روحي مناسبات