الساعه 60 صباحا :

تودع زوجها وهو طالع للعمل وتقول له ( بتوحشني يا حبيبي )

الساعه 11 صباحا :

تتصل عليه في العمل وتقول له ( حبيت اسمع صوتك بس يا عمري )

الساعه 3 العصر :

تستقبله وهو متشيكه وتبوسه وهو داخل للبيت وتقول له ( الغدا جاهز يا حياتي ..تحب احطه لك الحين ؟ )

الساعه 5 العصر :

تصحيه من النوم ببوسه وتقول له ( اعمل لك شاي يا حبي ؟ )

الساعه 6 المغرب :

تسبل عيونها وتقول بكل خجل ( يا ريت يا حبيبي .. يعني لو

ما عليك كلافه .. يعني اذا تقدر توديني شوي لبيت اهلي

اذا كنت تقدر يا عمري ) وقبل ما ينطق بكلمه ( اذا ما تقدر خلاص مو لازم ) وطبعا يضيع هو في نظره من عيونها ويوديها لاهلها ولو انهم ساكنين في السويدي وهو ساكن في العليا

الساعه 8 بالليل :

تتصل على الجوال وتقول ( اشتقت لك يا عمري .. يا ريت

تمرني ونروح للبيت ) وطبعا هو عارف وش بيجيه في البيت

فيطمر ويقول للشباب ( اسف والله يا شباب راسي مصدع ولازم امشي )

الساعه 10 بالليل :

تجلس في حضنه وتقول ( الله يا حبي تتذكر ؟ تتذكر ايام

الخطوبه لما كنت تعمل المستحيل عشان تشوفني ..وانا يا ما

كذبت على ابوي وقلت له اني طالعه مع امي وانا اصلا متفقه

مع امي عشان اطلع معك.

الساعه 11 بالليل :

الوصول الى هذه الصفحه غير مسموح ……….الخ




بعد مرور عشر سنوات ..............



الساعه 60 صباحا :

هي في سابع نومه

الساعه 11 صباحا :

هي برضه في سابع نومه

الساعه 3 العصر :

تستقبله وهي نافخه خشتها وتقول ( شف لي حل مع ولدك علي هذا ..حتى الان ما حل الولجب .. وسوير الله ياخذ عمرها انشاء الله شاقه مريولها في المدرسه …عطني فلوس لازم اروح اشتري لها واحد غيره … وصويلح يبي علبة هندسه توه يقول لي اليوم ان الاختبار صار بكره … وترى موضي تكنفست مع الدرج وهي كانت في المشايه … والظاهر انها تعورت …كله من هالشغاله الله يا خذها ….اسمع يا انا يا هالشغاله في هالبيت ….ابيك اليوم تسفرها ما ابي اشوفها وابيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ما
تقول اسرار بيتنا للناس الي تشتغل عندهم ( ما تدري ان اسرار بيتهم كلها عند الجيران من لسانها هاللي وش طوله )

و …و …..و

الساعة 5 العصر :

هي تفك هوشه بين سوير واخوها ويصحى هو على صوتها وهي

تهاوش وتدعي عليهم بجميع الامراض الخطيره الحديث منها

والقديم ( جعلكم للطاعون …جعلكم للحمى …جعلكم للوادي

المتصدع …جعلكم للحمى القلاعيه …..الخ )

الساعه 6 المغرب :

هو جالس يشرب الشاهي وهي تقول ( نبي نروح لامي بتجيهم

بنت خالة جد ولد عم ابوي ..وبعدين نبي نروح نشتري للبنت

مريول ..وبعدين بنت عمي والده ولازم اروح اشتري لها هديه

من باتشي و ابي امر على المشغل ..وبعدين حطنا عند اختي

في الشفا من زمان ما شفناهم …………..

وفي هاللحظه فكر هو انه يشتغل ليموزين احسن له

الساعه 8 بالليل :

تتصل على الجوال ( وينك فيه ؟ وبعدين وين بتروح ؟ ومنهو

الي معك هذا ؟ ووش بتسون ؟ ومتى بتجي ؟ لا ما فيه الساعه

11 تعال الساعه 10 )

الساعه 10 بالليل :

جالسين هي وياه عند التلفزيون ..اخيرا هدوء ..والعيال

نايمين ..والجو جميل ..وفجأه تطالعه وهي ماده بوزها

وتقول ( الحين امك وش عندها اليوم ما ترد يوم اني سلمت ؟

هاه ؟ ) ( والله ما ادري كان سالتيها ) ( واختك وش

هالحركات الي مالها سنع …ليش عازمه الجيران وكل حريم

اخوانك الا انا ؟؟؟ لكن هين والله لاسوي عزيمه وما

اناديها …اصلا هي ما زارتني في المستشفى يوم اني ولدت

وانا فاهمه قصدها ..لكن هين ..والله لو تحب السما ما

نيب زايرتها اذا ولدت ……وبعدين بنات عمك وش عندهم نافخين

عمرهم ؟؟ على ايش ابي افهم ….على جمالهم الزايد اللهم لك

الحمد بس ) تسكت شوي بعدين تقول ( وبعدين اختك نوره يوم

انها تقول ان علي ولدي يشبهني ما يشبه ابوه وش قصدها

هاه )ملاحظه : علي هو اشين اخوانه) ( انا فاهمه قصدها

وتراها اذا ما بطلت هالحركات والغمز واللمز تراني

ابسمعها كلمتين واخليها تحترم نفسها …..لا وذاك اليوم

تقول اخوي محمد ( الي هو الزوج ) حلو مره و3 من حريم

الجيران قد خطبوه لبناتهم ….من زينك بس ما ادري وش لاقين

فيك ) . يسكت وما يرد , تسكت هي ثم تقول ( وبعدين اخوك

شاري لحرمته ساعه قيمتها عشرين الف ريال ) يرد ( طيب وش

المشكله ؟ ) ( وانا ليش ما تشتري لي ..والا انا ما

استاهل ..ولو هي يعني احسن مني … بلاك ما شفتها ..شينه

وطبايعها شينه وحتى طبخ ما تعرف تطبخ ) ( خلاص اشتري لك

ساعه ) تعصب وتقول ( ايه تسكتني بهالكلام ….والله لانت

شاري ولا شي ) ( وش تبيني اقول يا بنت الحلال ؟ ) تقوم

وهي تبكي ( خلاص ما ابي منك شي )

الساعه 11 بالليل :

هي زعلانه ونايمه مع العيال

وهو يلعن اليوم الي تزوج فيه

ياليت تتطوروا عن هالمواضيع البااااااايخة!!
وكمان لاتنسون حالكم انتوا يالرجال بعد 10 سنوات نفس الحالة واردى كمان,,وكمان مستحيل ان الزوجة توصل لهالحد زي ماكتب الاخ الا انها شايفة نفس الشي من زوجها!!هذي وجهة نظري مع اني متاكدة انه مافيه ست فعلا تحب زوجها وتتهامل معاه بهالاسلوب.بالعكس مع العشرة يزيد غلاه وحبه بقلبها وبالتالي تدليله..وسلامتكم

الله الله عليك ياطماطم تراكي منتي سهله ومفصلتها كمان

بس بصراحه استانست على اسلوبك العامي حلو جدا

والله تصير في بعض العائلات والبعض الاخر مايزول منهم الحب

يكون مستمر والله يديم المحبه لكل حياه زوجيه ويزول الشر و

الخلافات اللي تحصل وسلامتكم

اختك امواج الشوق

اخت طماطم .....ابدعتي والله .................بس فيه شي ناقص يعني انت ما جبتي سيرة المصاري !!!!!!!!!!! الفلوس يعني ...........كيف اول سنه بتطلب المرأة من زوجها المصاري .............,كيف بتطلبهم بعد 10 سنين
بتعرفي ..................الله يعين الرجال علينا .............عن جد

تحياتي

الجوزاء

__________________

الليل عند اللي تهنا ساعه

ويطوال بللي كاثرات اوجاعه

يطوال بللي مفارق

ويقصار بللي في المحبه غارق

الف شكر على المرور يا امواج الشوق , الجوزاء
وشكر خاص جدا جدا جدا للاخت لانا وحابة اقولك حاجتين اولا الموضوع نسيت اني اكتب في نهايته منقول ثانيا انا ست بيت مثلك وبعدين نحتاج لشويه مواضيع ترفيهيه مو كل شي جد ترا ملينا من المواضيع الجاده عموما رايك على عيني وراسي وهذا انا رايي اتمنى تتقبلونه واسفة اذا كان الموضوع فيه اي اساءة اتمنى من المشرفين حذفة اذا كان الموضوع خارج عن المالوف
لكم تحياتي واسفة مرة ثانية

عليك حق والله انا متزوجة من عشر سنوات(باكمل عشر في شوال )وكل سنة احسن من اللي قبلها ماعندي الا ولدين ومعلمة ومتفرغة لزوجي تماما يعني
الساعة 5
اصحى اجهز الفطور واصحي ولدي يلبس ويفطر ويروح المدرسة ثم اتجهز للدوام واصحي زوجي ببوسااااااااات مو وحدة ونفطر ويوديني المدرسة واودعه قبل ما انزل واقول له باشتاق لك مرة مع تغيير في العبارة كل يوم .............
الساعة 12
اطلع من المدرسة مع زميلتي لأنه مايقدر يطلع من العمل وانام إلىالساعة 2 (لأن زوجي يجي من العمل وينام واذا قام يتغدى يعني بعد العصر )اقوم استقبله وهو جاي من اعمل ببوساتوادخل معاه الغرفة اغير له ملابسه واخله ينام واروح اصلح الغداء
الساعة 3.5
اتحمم واغير واصحيه يصلي العصر ونتغدى
بعدسن يجلس يذاك للولد لأنه يحب يذاكر له بنفسه وخلا هذا الوقت نشرب الشاي سوى
الساعة 6
يطلع يروح لمعهد كمبيوتر متعاون معهم وان اجلس احضر دروس او اصحح دفاتر او ارصد درجات (اعمال المدرسة الله يعيني عليها )
الساعة9
(موعد رجعته من برا) العيال نايمين والشغالة بعد (البيت خالي ) وانا محضرة الدروس ومتشيكة ومستعده له تمام الاستعداد استقبله وقت رجعته واقوله وحشتني اشتقت لك ومن عبارات الحب اللي ماتنتهي
بعدين يرتاح شوي اما نطلع نتمشى والا نتسوقللبيت والا نتعشى في مطعم والا نزور احد والا نجلس جلسة حميمة في المنزلالساعة 12 موعد النوم ( خااااااااص وليس للنشر )
ملاحظات
*اذا بغيت ازور احد او اروح السوق اروح مع اخواتي (لأنه مايحب السوق) وتكون في فترة ذهابه للمعهد ا
* طبعا ما ازور اهلي الا نهاية الاسبوع
*الحمدلله انا واهله زي العسل حتى احيانا افرض عليه انه يلبي لهم لرغبات هو مايبيها ويستغرب مني هههههه
*لا أنكر اني احيانا ياخذني الكسل واقصر بس ارجع واستدرك الموضوع
*عيبي اللي يسبب بعض المشاكل بينا اني اذا زعلت ما اتنازل وهذا مضايقه بالمرة (اللي عنده حل يسعفني به)
عاد بعد هالعشر سنين يمكن اتغير ما ادري كخخخخخخخخخخخخ امزح ان شاء الله تدوم حياتنا كذا

__________________
ياحي ياقيوم برحمتك أستغيث
أصلح لي شأني كله
ولاتكلني إلىنفسي طرفة عين

موضوع حلو وطريف

يعطيك الف عافيه اخت طماطم وسعتى صدورنا واضحكتينا اضحك الله سنك وجعل ايامك كلها افراح

وسرور

السلام عليكم
مشكوره أختي طماطم على الموضوع الخفيف اللطيف
بصراحه فيه شئ من الواقعيه ولكن ليس بسبب فقدان الحب لا فالحب موجود ولكن بسبب فقدان فرص التعبير عن الحب فمع وجود الأولاد والهموم والمسؤليات قد تصبح المرأه أحيانا عصبيه بعض الشئ وأيضا الارهاق النفسي والجسدي من جراء المسؤليات المتراكمه عليها يقلل من فرص التعبير عن الحب ولا ننسى أيضا أن للزوج دور كبير في ظهور هذه الفرص للتعبير عن الحب أو اختفاءها مثل ترك المسؤليات بكاملها على عاتق المرأه عدم محاولة الترفيه عنها بين الفينة والأخرى بسفرات أو طلعات أو سهرات حلوه والأهم حرمانها من كلمات الحب والغزل والدلال التي كانت تسمعها في بداية الزواج
على العموم أنا صار لي ست سنوات وبعض هذه الأعراض بدأت تظهر والله يستر بعد عشر سنوات ايش بيصير هذا اذا وصلنا الى العشر سنوات
تحياتي

لا لا لا
صح الموضوع من باب المزاح
بس هو من شق والصح من شق
انا لي 11 سنه متزوجه ومثل ما قالت الاخت loving كل سنه احسن من الي قبلها ...والله اول سنه زواج مدري كيف كان متحملني ..كلو دلع وابغى كل شي ..وابغى بس هو الي يقولي كلام حلو ....اووووه اول مره اعرف انه كان صابر .
برجاء هدي المواضيع يا حريم لا تحطوها ..عشان الرجال لما يقروها ينبسطوا ويصدقوا على طول
سلامي لك طماطم.

__________________
اللهم صلي على سيدنا محمد صلااة اهل السموات واراضين عليه واجري يارب لطفك الخفي في امري والمسلمين

مشكوووووووور أخوي طماطم بس ما تلاحظ أنك مضخم الوضوع أكثر من حده


مع تحياتي............................