السلام عليكم ورحمة الله وبركاته

قال تعالى : (المال والبنون زينة الحياة الدنيا)

الله يرزقنا واياكم الذرية الصالحة والمال الحلال


قبل كم يوم ربي رزقنا بمولود جديد (ولد)

الله يجعله من عباده الصالحين 00 ويكون بار بوالديه00

كثيره الامور المرتبطه بالحمل والولاده :
# ابتداءً من قولة : مبروك المدام حامل وفرحة الزوجين بسماعها
# وفترة الوحم 00 وشهوة اكل الفحم 00 والتراب << في وجه العدو00 وقولة / لسى فيه ريحه يالمخيس
# وعن تفاخر بعض الحريم انها تراجع في المستشفى الفلاني00 وتمشي في شارع الحوامل

# وانها لازم تولد في مستشفى خاص 00 وتاخذ جناح اكبر من شقتهم00 ويقام حفله لها00

# واربعين النفاس وكلام الناس


وتركيزنا هنا عن / بقاء الزوجه فترة النفاس في بيت زوجها والا تضف عفشها وتروح لأهلها ؟
ماذا تفضل المرأة ؟؟
وماذا يفضل الرجل ؟؟
الزوجه في فترة النفاس تحتاج رعايه معينه وخدمه خاصه 00 وأكلات معينه من لحوم وبر00 مدعمه بمواد ذات روائح تقطع القلب00 مثل الثوم والحلبه <-- هذي اللي ينقال لها لسى فيه ريحه يا مخيسه

وتحتاج من يساعدها على تدبير امور الطفل 00 خصوصاً أول مولود ماعندها خبره

وايضاً تحتاج المرأه الى من يكون موجود معها في البيت لاستقبال الزوار وتجهيز القهاوي والشواهي 00 اما الحلويات والكيك والمعجنات وخلافه فابو الشباب مهوب مقصر 00 الله يعينه كل يوم داقه عليه وموصيته على المحل الفلاني


فيه حريم واعتقد انهم قلة00 يفضلون البقاء في بيوتهم00 يمكن ظروفهم او ظروف اهلهم ماتساعد

وفيه بعضهم ظروفهم طبيعيه لكنها تقول وشووووووو له00
الشغاله موجوده وامي وخواتي قريبين يقبلون ويقفون علي00 وفي نفس الوقت تصك على ابو الشباب عشان ما يخت يمين او يسار 00

اعطونا رأيكم 00

وبالنسبة لي 00 بعدين بقول لكم وش صار معنا 00

الله يوفقكم 00 ويرزقكم الذرية الصالحة

وأأيد كلامك بهذا الخصوص لان النفسى تكون في هذه الفتر مثل الورقة الخضراء تتضرر من الهوا الطير وتحتاج للإهتمام كما تفضلت