ارجو من الشبابا والشبات الفزعه


انا مملك وعرسي ان شاء الله بعد اسبوعين

ودي اكلم زوجتي بس متردد لاني ما اعرف اكلم بنات ولا احب اكلم بالجوال


ولا اعرف وش اقول

يعني وش المواضيع اللي اتكلم عنها ؟؟؟

ههههههههه...ياكثر الكلام ياخوي
اول اسئلها كيف حالها وشخبارها واهلها؟؟؟
وبعدين اسئله وش اخبار عرسنا عساج مرتاحه..
وهي بتخجل وتقولك ايه...... ويالله تقولها وهي مستحيه
قلها اما انا بمناسبة زواجنا بقولك سر كبير ((وروعها ))محد يدري به الا انا وانتي الحين ..بس اوعدني ماتقولين لحد وانت تضحك ضحكة العاشق مع اميرته..
بتخاف وتقولك عسى خير ..
عندها افرد عضلاتك وكلمها بكل ثقه قربي السماعه على اذنج اكثر واكثر ...وغمضي عيونج وتحملي السر الكبير
قلها انا..انا ..انا ..وكررها لحين تحس انها ماتت خوف بعدين اصرخ احبج احبااااااااااج مووووووت ..موت
عندها بتضحك وتقول خوفتني ..كقل ليه هذا كبر سر نخفيه عن عيون الحساد
بعدين قلها ولوكانت اول مره منك بس خلها بشكل عادي ...حبيبتي ,عمري ,حياتي
انتي الحين ملكي وانا ملكج صح ...بتقولك صح
قلها خلاص ابي اعرف انتي ايش اليعجبج من اكل والوان وجذي .........الخ
عندها بتقولك هي وانت شنو يعجبك..
قلها ولبا تستحي احب مثلا الون جذي والاكل جذي ............ولو ماسئلتك انت قول لها اما انا احب جذي وجذي .....الخ وعدد
والمكالمه الثانيه بتكون تجرات شوي ويته لهفه عليك كلمها بعد ساعتين او ثلاث من اتصالك الاول
والحين ادذخل بالتفاصيل قلها انتي اميرتي ابيج بفستان وحدد موصفات اميرتك وشنو يعجبك تلبس
والله يوفقك وانا بتابع الموضوع وان شاء الله ارجع لك بس قلي دخيلك اخوي انفعت واياك لو لا؟؟

مرحبا بك اخ عليمي
ببساطه الموضوع محتاج شوية جرأه
كلمها عن حياتها
اسألها عن حياتها هل هي مرتاحه؟
ماذا تفكر في المستقبل؟ ماهي خططها المستقبليه... حتى لو لم تعجبك لا تعلق
كن مستمعا
اسألها عن هواياتها .. عن احب الاشياء لها ؟؟ عن احب الالوان والاعطورات ؟ عن احب الاشخاص واقربهم لها.. عن اقرب الصديقات
تكلم عن نفسك عن هواياتك عن احلى شي في حياتك عن ماذا تفضل وما هي الطريقه التي ممكن ان تكسبك فيها
حاول تكون خفيف دم بس احذر من المزح الثقيل ...احذر من التمسخر عليها
الفتيات رقيقات وبسرعه يتأثرون ما يتحملون الغشمره والمزح الثقيل مثل الشباب
وبعد ان يصير بينكم ألفه وتواصل تستطيع ان تفتح مواضيع خاصه ولكن بحذر .. ولا تفتحهاا وجه لوجه .. بل بالهاتف
...
.
.
يا جماعه ردو عليه يا الطييبين
تعبت من الكلام

الله يقطع شرك يا النهار

والله إنك ضحكتيني

شوي شوي على أخونا

أنا أقول دام إنك مملك , خسارة تفوت عليك هالفترة من غير مكالمات
أنا في رايي المكالمات في هذي الفترة مهمة ولها ذكريات حلوة

انت لازم في البداية تجس نبضها ..

ما أنصحك تبدأ بإعطاء مشاعرك , لأنها بتتساءل كيف عنده هالمشاعر وهو بعده ما عرفني .. يعني المسألة بس عنده تحصيل حاصل وسد فراغ ؟

لا يا الأخو .. خليك شاطر واترك عنك شغل العليمية

أول خطط للمكالمة الأولى واسأل أسئلة رسمية لكن بحنان ورفق ( يعني ما تكلما مثل ما تكلم رفيجك بدفاشة ( عارفينكم يا جماعة ) )

أسئلة مقترحة مثل :

كيف حالك ؟

كيف الأهل ؟

نجحت في الدراسة ؟

أيش ترتيبك في الأسرة ؟


وخل المكالمة الأولى خفيفة , فيها لطافة , وفيها ثقل

كذا ستتعلق بك أكثر من لو قطيت بعمرك على طول ...

تحياتي ..

__________________
some one needs your help

اخي الكريم أنصحك بقراءة كلام الأخت مساءات فهو كلام موزون وعين العقل ..

اهديك هذا الرابط وان شاء الله يفيدك

افكار و مواضيع للحديث بين المخطوبين
http://vb.66n.com/showthread.php?t=40676


وانصحك بتقليل عدد المكالمات الى مرتين او ثلاثة في الاسبوع ..

..شاب عليمي

انصحك بعدم تأجيل هذه المكالمات نهائيا

تحدث معها بعد السلام بأنك سعيد جدا لارتباطكما معا
وأخبرها ما تتمنى ان تصل به معها,, مثلا: اتمنى ان يوفقنا الله ويديم ارتباطنا ونعيش سعداء ان شاء الله
حدثها كم كنت مسرور حينما علمت بموافقتها, وبترتيب ملكتكما


ثم اطلب سماع رأيها..

في ذلك..

تحدث معها عن ترتيب الزفاف.. وهل انتهت من التجهيز وكم ان متشوق لرؤية عروسك
وحدثها عن اشياء تحبها فيك ,تحب ان تحضرها انت لها, كالملابس والوان الملابس,العطور



وهكذا


وبالتوفيق لك ولها ان شاء الله

أخوي شاب عليمي ..

ألف مبرووك الزواج ..

بارك الله لك وبارك عليك وجمع بينكما في خير ..

نصيحة من أختك لا تتردد ولا ثانية في إنك تكلمها الحين قبل ما أقول بكرة إلا قبل ساعة..

ما بقى الا اسبوعين على زواجك وكل يوم يمر ما راح تكلمها فيه راح تندم عليه ..

انت توكل على الله .. وخل المكالمة الأولى شوي رسمية ..

وأصلا من تكلمها راح يجري الكلام على لسانك بإذن الله ..

الله يوفقك ..

تخيل يا اخي نهار باول مكالمه يقول احبك وبصوت رفيع

بتبطل ترتبط به

الولد ما شافها ولا شافته ولا كلمها من قبل وشلون يصارخ

بس جد حركه حلووووه وتنفع عقب اسبوعين من الملكه مو اول مره

كلامك مية مية يا اخوي النهار ورومانسيتك عجيبة ان شاء الله يفهمونها الشباب مثلك
والله يوفق الجميع

أنا معك بهجه ..

صعبة جدا الاستعجال بكلمة زي ((أحبك))


البنت مو متعودة عليه وأول مره تكلمه ..

أصلا ما راح تصدقه .. شلون بيحبني وهو ما يعرفني زين!!؟؟