بالنسبه للفنادق اذاتوك ماحجزت عطني خبر وادلك على الافضل بكل مدينه

اما بالنسبه للباقي راح ابدا فيهم مدينه مدينه

اولا:كوالالمبور
فيها سن واي لاقون (عباره عن مول وفيه صاله تزلج ومطاعم ومقاهي وملاهي بجانبه راااااااائعه وبالاظافه الى العاب مائيه حلوه بعد)

فيها ماينز وندر لاند(عباره عن ملاهي مستواها وسط +عرض نوافير+ركوب القارب اللي يمشيك على بحيره كبيره+مول ومطاعم)

فيها التوين تاورز 0برجي التؤام)سوق فخم وادواره كثيره وفيه تشيليز وعدد من المطاعم لمشهوره وامامه حديقه كبيره جدا وبوسطه نافوره يسوون فيه عروض بالانوار والاصوات وحوالين النافوره كوفي شوبس

فيها شارع العرب وهو عليه يمكن 6 مجمعات واغلبه كوفي شوبس وهالشارع ونااااااسه ماينامون الناس اللي فيه الا متاخر

فيها التايم سكوير وهو مجمع اسواق ومطاعم وسينما والعاب ملاهي و3d

فيه المناره وفوقه مطعم بس لازم حجز مسبق بوقت كاااااااافي

فيه منتجع افاموزا برا العاصمه بشوي فيه عروض كاوبوي حلوه وكرنفال وسفاري وجزيره القرود وركوب الفيل واطعام السمك والعاب مائيه واذا تبي فلل بمسابح خاصه بس تراه تصلح للعوائل اكثر كما ان مستواها مو ذاك الزود

فيه جنتينج برا العاصمه بساعه تقريبا وهي مدينه العاب فوق جبل وبرد هناك وممكن توصل لها عن طريق التلفريك اللي يشق بك السحب لما توصل

بالنسبه لبيننانج

عندهم شارع العرب وفيه سوق الليل ومطاعم ومحلات انترنت

عندهم برج كومتار وتحته كم مجمع تجاري

سوق جورني مول

طبعا الرياضات البحريه اللي بالفندق من سباحه وبرشوت وجا سكي وبنانا

عندهم حديقه الفواكه- الفراشات-الطيور

لنكاوي

فيها التلفريك جديد وحلو

فيها عالم تحت البحر جديد وحلو

فيها حديقه التماسيح مو شينه

فيها شارع الحرف اليدويه

وطبعا البحر الهاااااااااادئ


ونصيحه اذا تبي تتنقل بين هالمدن بوسيله رخيصه لاتبتعد عن طيران اسيا اير لانه جدا حلو ورخيص :14: كل مابكرت بالحجز كل مارخص عليك التذكره وماتفرق عن الطيران العادي الا انها بدون اكل والنسافه اساسا راح تكون قصيره ومايمديكم تجوعون<<وش دراتس عنهم!!!

اذا جيبك راهي ومستعد تدفع علمني ادلك على منتجع هااااااادي وزي طابع المالديف وفيه مسبح خاص لك

__________________
سبحان الله وبحمده سبحان الله العظيم

بدر الخير

صراحه انا عاجزه عن الرد على كلامك وشكرك اللي وصل وجزاك الله خير

ولاشكر على واجب الناس لبعضها واللي عنده معلومه ليش يخبيها لنفسه

بالنسبه للجزيره اللي قصدتها هي بماليزيا بس انها زي طابع المالديف من ناحيه الواتر بانقلو والاشياءهذي



بالنسبه للرحلات البحريه الصراحه ماعندي اي فكره بس هتامنتجع اللي قلت لك عليه (هو اساسا على جزيره مستقله)فعشان توصل لهاممككن تركب هيلكوبتر وممكن تركب بوت فخم يوصل لها اما الفيري اللي يودي للنكاوي نصيحه لاتاخذه لانه خاااااااااايس رح لها بالطياره احسن ,,اللي هي لنكاوي

__________________
سبحان الله وبحمده سبحان الله العظيم

ياهلا فيك اخوي بدر الخير..

شوف ياخوي انا مالي شهر راجعه من ماليزيا وكنت رايحه لكوالالمبور وبينيغ ولنكـــــاوي...
وبعد مارجعت بعض اقاربي شافوا شريط الفيديو والفنادق اللي كنت ساكنه فيها وسكنوها من كثر ماهي وااو

اولا لنكـــــاوي..
انصحك ثم انصحك نم انصحك لا تسكن الا بالشيراتون وترى فيه اثنين في لنكاوي انت اطلب شيراتون لنكاوي بيتـش
هذا الفندق شويه فيه كلمه روعه ... نظامه اكوااخ على البحر او اكواخ في غابه شي خطير
انا سكنت اللي على البحر والاكواخ هذي موزعه كلها في وسط غابه واذا بغيت تنتقل بين كوخ وكوخ او بتروح لرسبشن الفندق تروحلها بسيارات كنها سيارات قولف ... بس شي رووووعه..

وفي لنكاوي لاتنسى تطلب منهم ينظمون لك رحله لجزيره لوحدك يعني مافيها كائن حي الا انت وزوجتك وتاخذ راحتك انت وياها وتسبحون في البحر ولا احد لمكم واذا بغيت تمشي من الجزيره يكون سواق اللنش قاعد في جزيره قبالك وماعليك الا انك تأشر له ببلوزه او مظله

بينينغ انا قعدت فيها ست ايام وبصراحه ماعجبتني مره يعني مو مثل لنكاوي.. سكنا في موتيارا وصراحه كان السكن مره حلو واذا مليت من الغرفه تنزل تحت واصلا الفندق على البحر تنزل للشاطي تبع الفندق وهناك تركب لنش.. دباب بحري... بنانا...براشوت فوق البحر .. يعني مو لازم تطلع

في بينيغ .. عندهم السوق الليلي مره حلو هو سوق شعبي ورخيص ومايفتح الا في الليل بس تلقى عندهم قطع حلوه
وبعد فيه حديقه الفواكه ياخذونك في باص فوق الجبل وتلاقي مزرعه يمشي معاك مزراع ويعلمك على انواع الفواكه الماليزيه الغريبه ويقطفلك وتأكلها..
وبعد حديقه الفراشات...الشلالات.... بوكيت ميرا هذي منتجه يبعد ساعه عن بينيغ
حديقه العصافير.. التلفريك... اسواق بينيغ مره حلوه لاتفوتك

كوالالمبور... حنا سكنا ريجنت فور سيزون... وعلى كلام التاكسي افضل فنادق في كوالالمبور هي ريجنت فورسيزون ... ماريوت... ويستن.. يعني انت اذا بغيت فندق كويس اسكن في احد هذي الفنادق..

في كوالالمبور لاتنسى تروح لجنتينغ هذي تبعد نص ساعه وهي فوق الجبل وهي عباره عن مدينه ملاهي وفنادق حولها تطعلها اما عن طريق التلفريك او السياره في مدينه الملاهي اذا صارت الساعه خمس ماتشوف اللي جنبك من الضباب يعني جو خطيييييير وحرام تفوتها ومدينه الملاهي هناك مره روعه وفيها العاب حلوه..

وشلالات كوالالمبور ... مصنع الجلديات والشيكولاته هذولي روعه

صن واي لاجون بس ماانصحك تسكن فيها وهي عباره عن منتزه فيها قسم بحري مسابح وقسم العاب ملاهي

في النهايه... اتمنى اني اكون افدتك واحب اقولك على شغله .. اذا كنت محتار في الاماكن اللي تروحلها ومو عارفها خاصه في لنكاوي لانها ريفيه واغلب رحلاتها بحريه فانصحك بشركه سياحه هناك صراحه مره حلوه نظمت لنا رحلات سياحه وحنا في لنكاوي كل يوم رحله لمده ست ساعات مع الوجبات وتكون اغلب الرحلات في البحر ومع سياره توصلنا وترجعنا للفندق يعني مره ريحتنا في لنكاوي وخاصه اننا ماكنا نعرف اماكن حلوه فيها

الشركه اسمها ماي فلورmay flaour

السلام عليكم

هلاا والله وغلا انا1

ابشرك الحمد الله تمت الرحله على اكمل وجه ويعطيك العافيه وماقصرة والف شكر لك

واتمنا ان تتقبل تحياتي واحترمي وشكري

اختي شموع

الف شكر لك على ماقدمتيه من معلومات

صحيح اني ماا قريت رسالتك الا متاخر يعني بعد ما اجيت لكن الكلام الي كتبتيه اهو الي صار

لنكاوي سكنت في فندق شيرتون باردين وكان على البحر وحلووووو


ومثل ماا قلتي منظقه ريفيه وحلووو وهااديه

اماا بيننق حلووووووووو وسكنت في نفس الفندق الي ذكرتيه من جد روووووووووووووووووووووعه

ومااتركت شي الا ورحت له لدرجه اني نسيت اسامي بعض الاشياء

اما العاصمه سكنت في فندق رجينت حلووووووووووو ويكفي موقعه على شارع كله اسواق

ومطاعم حلووه



في النهايه اشكر كل من ساهم بأي معلومه تفيد الجميع


وان شاءالله راح اجيب معلومات عن الدول الي ذكرتها باماكن السياحه فيها



وان شاءالله تفيد الجميع


لكم خالص الشكر والتقدير

اخوكم بدر

اخى الكريم : بدر الخبر

اهدى الكي الرابط التالى املا ان يساعدك فى سؤالك

وتقبل فائق الاحترام
http://66n.com/forums/showthread.php?t=49910

__________________
لا يوجد شىء اسمه صعب ، ولا يوجد شىء اسمه مستحيل ... نحن من نصنع الصعب والمستحيل