بس كده ده كان كلامنا عن لبس الناس اللي حوالين العروسة..










ا فكرت بقد إيه كنت دايخة من كام شهر ورا الحاجات دي وباقول لك فعلا الله يكون في عونك لو إنتِ اللي عليك متابعة وعمل كل الحاجات اللي قالت ليكِ "أميرة" عليها في العدد ده بالذات..
وعلشان أنا عارفة الفرح رهبته بتكون إيه على نفسية العروسة بالذات فإن شاء الله في الجزئية ديه نقدر نسهل عليكِ الخطوات في اختيار قاعة الفرح وطريقة تزيينها..

وربنا معاكِ يارب ونقدر نساعدك

يلاّ بينا


قاعة الفرح



وده اختيارها بيتوقف على إمكانياتك المادية وعدد المدعوين والحمد لله بقت قاعات الأفراح كتير يعني فيه القاعات الموجودة في الفنادق والنوادي والقاعات التابعة لنوادي النقابات والدور التابعة للقوات المسلحة..



وفيه كمان فكرة جديدة إنك تأجري فيلا تعملي فيها الفرح في الجنينة وده طبعا بيدي اتساع وخصوصية رهيبة وإن كان السعر بيبقى غالي شوية..


يبقى القصد انزلي اتفرجي ونقي بس خلّي دايما الميزانية في بالك وإنتِ بتتفرجي واعرفي دايما إن فيه مفاوضات بالنسبة للسعر يعني لازم تفاصلي.


تزيين قاعة الفرح

قاعة الفرح يعني مملكتك اللي هتبقي فيها ملكة متوجة وأنظار الناس كلها هتتجه ليها أثناء الفرح.. يعني لازم تختاريها وتكوني مستريحة ليها.. تعالي نشوف مجموعة من التزيينات المختلفة اللي ممكن تاخدي منهم فكرة..



دي بتختاريها من الكتالوج اللي بيعرضه عليكِ المسئول عن حجز القاعة..


وكلمة في ودنك: لازم تشوفيها متنفذة قدامك يعني من غير ما تتكسفي تروحي تسأليه بمنتهى الذوق: ياترى أقرب فرح معمول فيه نموذج الكوشة دي إمتى؟ وروحي شوفي الكوشة بنفسك ولو ماعجبتكيش بيبقى عندهم إمكانية تنفيذ كوشة من تصميمك.

ونصيحة مني كل ما كانت بسيطة كل ما كانت أفضل ومايغطيش جمالها على جمالك..
































كراسي المدعوين

ودول أفكار تزيينهم بسيطة.. القماش العادي بتاع تلبيسة الكرسي+ ربطات على شكل فيونكة من التل الناعم أو الفاي.












اختاري مجموعة من الأغاني المحببة ليكِ ولجوزك -إن شاء الله- اللي بتحمل لكم ذكريات جميلة –أكيد فيه- وفيه حركة من عندي بقى إنك تهدي أغنية لجوزك بتحمل مشاعرك يوم الفرح تخلّي الدي جيه يقول إن الأغنية ديه منك له.. صدقيني تأثيرها في نفسه مش هاقول لك عليه.









دي اختياراتها محدودة، فيه زفة الكمنجات.. هي رقيقة قوي بس مناسبة أكتر لخطوبة مش للجواز، وفيه كمان زفة المشاعل، وفيه الشاملة اللي بتجمع كل دول مع بعض ودي بتبقى أغلى شوية وفيه كمان الزفة الدمياطي وبتعتبر هي المتربعة على عرش الزفات في الأفراح.


الاختيار دايما بيكون بين السيت منيو –إن الأكل ينزل للمدعوين على الترابيزات- والأوبن بوفيه -البوفيه المفتوح وفيه كل مدعو بيعيش حياته مع الأكل- لاشك إن السيت منيو بيبقى أشيك وبتبقى مطمنة إن الناس كلها أكلت والحمد لله بس المشكلة إنه أغلى علشان كده نصيحتي اختاري البوفيه المفتوح مع توصية إنه فيه كذا طبق (تقريبا بيبقوا حوالي 10 ينزلوا سيت منيو وده طبعا علشان الناس الكبيرة زي الجدة والجد والناس اللي إنت متأكدة إنهم هيتكسفوا ومش هيدوقوا حاجة من البوفيه).

ومابننساش قبل ما نختم الحلقة دي إننا ندعيلك بالدعاء المبارك:


بس خلاص

المشاركة الأصلية كتبت بواسطة وحيدة مشكورة اختي على هذا المجهود الرائع و الى الامام

اشكرك حبيبتى على تواصلك المستمر
مع تحياتى

المشاركة الأصلية كتبت بواسطة Miss Hawaii فعلاً ملف شامل.. شكراً أختي.

اشكرك حبيبتى على مرورك الكريم
مع تحياتى

المشاركة الأصلية كتبت بواسطة سنترافيش شكرا علي جهدك يا princees و ربنا يباركلك

اشكرك حبيبتى على مرورك الكريم
وتحياتى لك يالغالية

المشاركة الأصلية كتبت بواسطة فاقدة الأمل برنسس لك كل الشكر غاليتي على هذا الموضوع الرائع وبإنتظار جديدك أختك حائزة الأمل