اخواني اعضاء المنتدى

كلكم تعرفون مشاكلي مع زوجي الي ابتدت قبل سنه تقريبا ابتدائا من سفره الى خيانته .. الآن بعد مرور ثلاث اشهر على الخيانه اصبحت استملق زوجي بطريقه غير طبيعيه

حتى لما ينكت او يستخف دمه صرت اشوف ابليس اماي ولم اعد احبه ودائما في بالي ان زواجي غلطه

لا ادري لماذا اصبحت لا اتقبله ابدا حتى هداياه التي يهديني اياها اصبحت اشعر انه عديم الذوق وصرت عصبيه حيل .. وانا الان ولله الحمد حامل في الشهر الثالث .. ولم يمد ايده عليي سوى مره واحده
من بداية الحمل

الآن ارجوكم ساعدوني اصبحت اكرهه كره مو طبيعي والله اني مرات اسمعه يتكلم بالتلفون اتقيأ من كثر بغضي له

والمشكله الثانيه اليوم اتصلت عليي امي وهي تتصل كل يوم .. يقولي (شتبي امك كل شوي داقه علينا) ولما قلتله تبي تكلمها قالي بالحرف الواحد (شبي فيها اكلمها)

وانا كنت ناويه اتصل على امه بعد مكالة امي لكنه بط جبدي وقلتله ماني داقه على امك انتا مو كفو

والحين محد فينا يكلم الثاني وانا بدون ولا شي كارهته .. هل اكبر عقلي واتصل على امه ولا اخلي القطيعه تستمر لين يكلم هو امي ؟