السلام عليكم ورحمة الله وبركاته
مساء الخير
ترددت كثيرا قبل ان اكتب الموضوع ولكن اريد من اخواني واخواتي الافاضل ان يدلوا بارائهم هل انا محقه ام لا؟
باتكلم بالعاميه
امس كان عند زوجي عشاء وقال لي الا الظهر وانا اللي في المطبخ من الساعة الواحدة ظهرا الى الواحدة صباحا
ما ابالغ سويت له 9 اصناف ولما كانت الساعة 12 جاء يقول تبين شي انا طالع معهم __ لا جزاء ولا شكور __ ولا حتى مساعدة
مع العلم ماعندي خادمة وحامل في اول الثامن ,,
المهم كملت تنظيف الى الواحدة صباحا يعني دوام مستشفى 12 ساعة
.. و قبل مايجي ارسلتله اني تضايقت من اسلوبه ,, ولا رجع الا الساعة 3 الفجر ,,
طبعا انا واصلة حدي تعب وقهر ,, فلما دخل رحت انام خليه يحس بغلطته ,, ولا نام الا بعد صلاة الفجر ولا حاول يراضيني او يكلمني ,
المهم الظهر سويت له قهوة ووجبة خفيفة وكاشخة زي العادة
بس ما اكلمه لاني من النوع اذا زعل ما اقدر اتكلم ولو تكلمت دموعي تسبقني , فافضل الصمت ,, ولا حتى حاول يكلمني ,,
لما جاء العصر دق عليه واحد من ربعه يبينا نطلع معاه ( احنا مغتربين )ولان مافيه احد يوسع صدره معه الا هذا جاء يحاول انا نطلع بس انا مالي خلق ورفضت وطبعا اضطر يعتذر ويجلس في البيت بس في الاخر طلع يتمشى لحاله وتركني بموت من القهر مع ان هذا كله مو من عادته ,, وش رايكم معي حق ازعل او لا ؟؟ ودلوني ايش اسوي ؟؟
واسفه من كل قلبي على الاطالة ....