السلام عليكم ... هذي اول مشاركه لي بالمنتدى لكني منابعه له من زمان ومافكرت اني اعرض مشكلتي الا لاني متاكده انكم راح تساعدوني ماراح اطول عليكم بقولكم مشكلتي انامتزوجه صارلي سنتين لكن قبل مااتزوج باسبوعين بالضبط اكتشفت ان زوجي يعرففوحده من بلد تاني اكتشفت هاشي بالصدفه كنا نجهز شقتنا وكنت رايحه معاه نودي بعض الاغراض وقال انه بروح يجيب الباقي وانتي استنيني بالفعل راح وانا جلست ارتب الاغراض وبالصدفه كان جايب معه فاتوره تلفونه ودفعني الفضول اني افتحها واتفاجات ان المكالمات لهذا البلد كتيره وكاان قبل شهرتقريبا مسافر مع واحد صاحبه هناك ومره اكان قال لي انه سافر قبل مايخطبني وهذا الي زاد شكي اكثر وعلى طول دقيت الرقم وكنت اتمنى وادعي ربي انو يرد علي واحد مش وحده لكن للاسف طلعت وحده ومن كثر الصدمه ماقدرت اتكلم ولا كلمه وسديت الخط وقعدت ابكي الين ماشرف زوجي سالني ليش ابكي ولما عرف السالفه قعد يحلف لي انه مابينه وبينها اي شي الا انها بنت صاحب البيت الي سكن عنده لماكان هناك وهي معجبه فيه لكنه مايحمل في قلبه لها اي شي ولماسالته ليش اتكلمها مدام ماتحبها قال انها هي تزعجه بالمسد كول فيضطر يرد عليها ومايبغى بعد يحرجها وبالفعل صدقته لكن كنت اتالم من داخلي كنت افكر اني اتركه لكن قلت راح تكون فضيحه بين الناس ولاني كنت عن جد احبه وهو كمان يحبني ومايقدر يستغني عني ومو مقصر معاي في شي وقضينا مع بعض احلى ايام في الخطوبه وهذا الي خلاني انسى السالفه وبالفعل اتزوجنا لكنهاكانت دايما تتصل وهو مايرد عليها وقلت له لازم يحط حد لهاويقول لها السالفه لكنه رفض بحجه انه مايبي يكسر خاطرها وانها لما اتشوفه مايرد عليها راح تمل لكنها بالعكس زادت في اتصلاتها وقلت لزوجي اذا ماقلت لها انا راح اقول لها وبالفعل كلمتها لكنها ماصدقت قلت لها اسالي واتاكدي منه وكللمته واكد لها وطلب منها انها ماتتصل مره تانيه بعدها ماقامت تتصل لفتره طويله لكنها ردت تتصل بحجه انها تبي صورها لكن زوجي لما اعترف لي حرق قدامي كل شي يتعلق بها لكن المشكله الحين اني ماصارت عندي ثقه بزوجي صرت اتخيل انه راح يرجع لها باي لحظه صرت لما يرن جواله اروح بسرعه اشوف مين المتصل وصرت حتى ادخل على ايميلهلانها لحد الحين تراسله يعني لسه مش تركتنا في حالنا لكنه حاقرتها ويقول انه مايفكر فيها ابدا واني كل شي في حياته لكن قولوا لي كيف ابعدها عن طريق زوجي وكيف اتخلص من شكي له لاني تعبت وماني قادره انسى الموضوع ارجوكم ساعدوني وعذرا على الاطاله.