بالله عليكم مو حركه تزعل - منتدى عالم الأسرة والمجتمع

16-05-2006, 11:21 PM

مشكلتي اصدق

قلب المنتدى النابض

تاريخ التسجيل: Jan 2006

المشاركات: 3,893

بالله عليكم مو حركه تزعل

انا صار لي تقريبا خمسه ايام عند اهلي ورح اكمل شهر ونص تقريبا لان زوجي في رحلة عمل
المهم العلاقه الان صاير كذا مع زوجي
المشكله انه قبل امس انا دقيت عليه وسلمت عليه وقلت له اني مشتاقه وهو كمان قال نفس الكلام
في نفس الليله تفاجأت فيه يدق على بيت اهلي مع انها مو العاده ....اذا بغى شي دق على جوالي
المهم انا اللي رديت مع اني ما ارد ابدا على التلفون...بس ساعتها ما كان فيه احد غيري فرديت
لقيته زوجي
انا انبسطت بشكل حسيت قلبي يرقص
هذي المكالمه بالحرف
انا...كيفك حبيبي
زوجي....الحمد لله
انا....ايش اخبارك
زوجي.....اعطيني وليد اكلمه
(انا هنا سويت نفسي ما سمعت.واستغربت و..كملت)
انا...ايش علومك...
زوجي....اعطيني اعطيني وليد اكلمه
ناديت وليد وانا كلي استغراب ...
ليش ما يعطيني وجه ويرد السلام
المهم كمل وليد من ابوه وانا مسكت السماعه وقلت اكلمه
ما سمعت الا قفلة السماعه ونغمة الخط المشغول

انا هنا جاني خوف الدنيا واجتمع في وسط قلبي
افتكرت الايام السودا الله لا يعيدها يوم كان فجأه يقلب
اشفيك يا بو وليد....يقوم ويخليني احترق من دون اي جواب

حركته هذي اللي سواها هي نفسها قد سواها من قبل
استجمعت قواي وقويت اعصابي ورحت داخل ودقيت عليه من الجوال

انا....كيفك اخبارك .....وانا مرتبكه وخايفه من رده وقاعده اتذكر هواشاتنا اللي وصلت بسببها المستشفى والنفسيه
زوجي.....انا تمام....
انا.... اشفيك ما كلمتني بعد وليد
زوجي... انا حسبتك مشغوله
انا.... انا من زمان اتفقت معاك انك ما تستنتج بالنيابه عني...كان سألتني وانت تعرف اني لو مشغوله افضي نفسي لك
زوجي.... خلاص انا كلمتك
انا.... متى
زوجي... اللي في العصر
انا.... انا اقول لك ايش اخبارك وانت تقاطع وتعاجل تاخذ وليد ما تبيني اتكلم
زوجي.... انا عادي
سكوووووووووووووووووووت
انا....يعني مو زعلان؟
زوجي.... لا
انا.... يمكن انا موسوسه من ايام اول...((ضحكت شوي))..((هو حتى ما تفاعل مع ضحكتي ولا علق ولا قال الله لا يعيد الشر))
سكووووت
انا... ما تبي تقول شي؟
زوجي... ايش اقول
انا....طيب خلاص..((((قصدي بعد هالكلمتين اقول اسفه لاني فهمت غلط واحبك ولو اني ما احبك ما حرصت افهم الموقف ولا اترك مجال لسوء الظن))))....والله لا زدت ولا نقصت ولا قاعده ابرر لنفسي ...اذا غلطانه قولوا لي
تدرون يا عالم يا ناس ايش سوى

قفل السماعه بوجهي
من دون مع السلامه حتى...... مع انه يعرف انها مو حلوه من باب الذوق العام فكيف انا زوجته...

انا انصدمت منه بشكل
على طول ارسلت له رساله...انا كنت بس ابي ارفع سوء الظن من بالي واطمأن انك مو زعلان...لان حركتك تكلم وليد ما تكلمني ذكرتني بخرابيط اول...اعتذر عن حرصي على اسعادك والمحافظه على علاقتنا تستمر من دون زعل)))

هو على طول دق ....انا بصراحه ساعتها حسيت قلبي يتقطع على نفسي وعليه.....ابيه يتعلم انه ما يطنش حاجه انا حسيتها خصوصا انها كانت احد اسباب المشاكل اللي وصلتنا لحدود الطلاق....وهو وعدني انه ما عاد يعيدها مع ذلك اعادها....انا صعبت علي نفسي...وحسيت اني رجعت سنين ورا....
ارسلت له رساله ...قلت له من بكره لاعاد تدق.....

والى اليوم ما دق.....مع اني اعرف ان الحكايه مو انه ما صدق اقول له لا تدق....بس هو يعتبر المسأله انها سخيفه وما تحتاج هذا التدقير كله....
وانا من ايام اول اختلف معاه في انه يستسخف اشياء بالنسبه لي تعتبر مصيريه ومو راضي يستوعب اني اهتم للاسلوب
اكثر من اي شي في هالدنيا.....وانا لو اغلط في حاجه هو مفهمني عليها تقوم الدنيا وما تقعد

المهم ارسلت له اليوم رساله وفيها كلام حلو وختمتها باحبك
وبرضو ما رد
وانا مو هاينه علي نفسي ادوس عليها وانا لي الحق مع ان هالكلام عيب بين زوجين
بس ذكرني بخرابيط انا ماصدقت نسيتها
بس ابيكم تقولون لي اني مو غلطانه واني معاي حق....واذا مو معاي حق قولو والله يعين ....

__________________
[/IMG]

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه