طبعا يحدث هذا على غفله من الطرف الاخر
يعني فجاه يلاقي جبهته توجعه
المهم بعد زواجي تقريبا في الشهر الاول
كنت اتعشى مع زوجي
فتذكرت طريقتي مع اخواني
فجاه وبدون مقدمات
اخذت البيضه وفقشتها(فتحتها)
على راسه.........
موقفه صراحه مدري ايش اقول
هو ما قال شي
بس.........
ووجهه تحول صار كله عيون.. ...(من كثر مهوب مطير عيونه)
وانتم وشو اول موقف او مقلب سويتوه بزوجك او زوجتك
__________________
اخوتي في الله
ان فيكم من
لو اقسم على الله لابره
فادعوا لي ولزوجي بالهديه
وان يسخر الله زوجي لي
ويرزقني بالذريه الصالحه
انا عن نفسي اول ماتزوجت هادئه ولاينسمع لي حس <<<<الحين ماشاء الله علي
الموهم
اولاسبوع من زواجنا حطينا العشا ومن ظمن الموجود صحن بطيخ ...فقام زوجي حط ملح على البطيخ وقالي ا كلي
انا رفضت طبعا
الا يقوم يغصبني الا اضوق الخلطه اللي مسونها ....لين مامسح بوجهي ذاك البطيخ لاان طول الوقت فمي مغلق
زوجي كثير السفر بحكم عمله فكنت اظل ببيت اهلي
ولما اروح الشقة انظفها اقله ترى الشقة مسكونة فيها جن وعفاريت بيني وبينكم زوجي كان يصدق هالسوالف لان جدته الله يرحمها ويغمد روحها الجنة كانت تخرعه بهم وهو صغير
مرة ابن اخوي كان جايب شريط رعب ( كاسيت ) حق اليوم المفتوح بيسوون بيت اشباح
دقت السالفة براسي ولعب الشيطان
اخدت الاقنعة واللبس والالوان والشريط
وعفست الشقة مع ولاد اخوي
وسوينا الشقة مثل المسكونة
اول ماجى زوجي
فتح الباب طلع صوت باب مصدي
وتتابعت الامور من لمسات الاطفال الخفية الى الالوان الفسفورية على الارض
الى الاقنعة
في اخر المشوار للاختصار
فاجاني موقف زوجي
وهو حامل شمعدان زينة بيده وهو يصرخ
انا مب خايف منكم سمعوتني انا ماخاف منكم
وظل يكرر هالجملة
الصراحة كسر خاطري
ورحت اركض حضنته من الموقف انا نسيت اشيل قناع العجوز وزوجي من الخرعة الله لايرويكم وجهه
انا تندمت على هالموقف
قد شعر راسي
مادري ايش كنت بسوي لو صار فيه شي لاسمح الله
بس اخدت عقاااابي واعلنت التووووووووووووووبة
اول سنة زواج ....وكان نص الليل ....زوجي سكر التلفزيون وقال خلاص بنام .....وراح مكرم السامع المرحاض عشان يغسل .....
خطرت في بالي الفكرة في لمح البصر ...وقمت وأنخشيت داخل الكبت وري الثياب المعلقة ....وخليت فتحة صغيرة جدا جدا أشوف شنو يصير .....
طلع زوجي من الحمام ويدورني ....يدورني ....ويناديني ودور الشقة كلها ركن ....ركن ....حتي الكبت اللي أنا فيه ....بس ماشافني....بعدين قعد علي السرير ....وكان شكله مهموم جدا ومضايق .....بعد شوي طلع من الحجرة يدور من جديد ....أنا طلعت من الكبت وقعدت علي السرير ...وميته من الضحك ....
بس زعل علي زعله كبيرة ....وقال فكرت الجن خطفوك بجد ......