بسم الله الرحمن الرحيم


أخوي انتقل الى رحمة الله
مو قادرة اصدق احس اني احلم وياليت اصحى من هالحلم
معقولة أخوي راح بدون مايقولي مع السلامه وبدون حتى
مااسمع صوته
آخرمرة اشوفك فيها لما كنا سهرانين حسيتك قريب مني اكثر
فضفضت لي كل ماتحس فيه من احزان حبست دمعتي وحاولت
اشد من عزيمتك بس الحين مااقدر احبسها اعذرني يالغالي
فراقك صعب صعب علينا
فارقتنا في عز شبابك عسى ربي يعوضك بالجنة
وربي مشتاقة لك حيل كل شئ فيك احبه بسمتك حنانك صبرك
عصبيتك
الكل كان يستغرب لمااتكلم عنك وبكل فخر واعبر عن معزتك
ليش لأنك اخوي من ابوي مادروا أن حبك تغلل في كياني

أمك يااخوي كيف بتسلى عنك وأنت وحيدها كنت كل شئ في دنيتها
تتمنى اليوم اللي تشوفك فيه عريس وتشوف عيالك
طلباتك عندها أوامر انتظرت سنين ورزقها ربي بك والحين أخذ الله أمانته

ادري كلامي مشتت ولاني قادرة اجمع حروفي المصيبة اكبر من انها تكتب

ربي يصبرنا أجمعين ويغفر لك ويرحمك
والجنة بأذن الله نلتقي

لله ما أعطى ولله ما أخذ كل شيء عنه بقدر

أسال الله العظيم رب العرش العظيم أن يرحمه رحمة واسعة وينقيه من الذنوب والخطايا كما ينقى الثوب الأبيض من الدنس

آمين

وينك رحلت وغابت بعيني الشمس
وضاعت حياتي كلها في غيابك
هذا مكانك .. مثلما كان بالأمس
وهذي حروفك .. بعدها في كتابك

انا لله وانا اليه راجعون

الله يرحمه ويغفر له ويجمعكم به في الجنه