السلام عليكم

أنا رجعت لكم أتكلم عن اخوي اللي حزنت عليه كثير و على أوضاعه اللي ما تغيرت بعد الزواج

المهم أنا قلت لكم زمان أن أخوي شخصية لعااااااااابة حياته ضحك في ضحك كل كلام يتكلمه يحوله لنكتة و بصراحة يستانس اللي يسمع كلامه إلا من ناحية التعليقات الساااااخرة اللي يقولها أحيانا على أي شيء
و هو ما شاء الله عليه وسيم ففي بنات ضعيفات دين كن يكلمنه بالجوال المهم هو ما كان يعطيهم وجه و كان يقولنا عن اللي يسوونه معاه وعن كلامهم .. طبعا أحنا علشان نريحه من هذة الدشرة والكلام الفاضي زوجناه

طبعا هو طلبنا نزوجه بعد ما شاف حياته كلها اتصالات من هالبنات و الظاهر انهم كانوا يقولون له كلام حب لا يصلح إلا لمتزوجين
المهم نسيت أقولكم حاجة كمان أن أخوي رومنسي بقوووووووة و يعشق الحنان و الهدوء و الرقة من المرأة خاصة
زوجناه و كان نيتنا أنه يرتاح من هالدشرة كما قلت و كان راسم في مخيلته عن عروسه و زوجته الحنوونة الرقيقة المحبة ذات الكلام الطيب و اللسان المعسول اللتي تغمره بكلمات حب و رومنسية و ابتساااااامات و بدون تحقيقااات ...
قد تقولون ليش لآن أخوي هذا من يوم هو صغير كان شقي جدا فما عمره سمع منا أو من أمي كلام حنون ينم عن الحب فهو يبغى واحدة تعوضه كل هذا و تنسيه ماضيه ( هذا كلامه هو)


اللي حصل أنه تم الزواج و قلت لكم أنا عن شكاويه منها في الملكة .. وكنت اقوله أكيد بتستحي تقول كلام حلو الحين خلها بعد الزواج ....
تزوجوا وراحوا شهر العسل ثم رجع عند أهلي .. يقولوا اخواتي أنه صار ما يضحك زي أول و شكله حزين و كأن فيه شيء
زوجته كانت تراه يروح يسهر مع الشباب حتى الفجر و ما تقول شيء.. وكانوا أخواتي يقولون لها كلميه.. ليش يسهر برة خليه يجي يسهر معاك توكم عرسان .. قالت لهم .. خلوه عادي مصيره يرجع العمل و يتعدل نومه .. يعني تخيلوا عريس تو ما له إلا 25 يوم و يسهر برة!!!!!!!!

و مرة كانوا رايحين برة وقبل ما يدخلها السيارة راح ضبط السيارة و حط حركات من الداخل .. و حط فيها رائحة الفرالة اللي يحبها هو .. دخلت زوجته العروس السيارة وقالت وش ذالريحة .. شينة .. قال لها وهو يضحك وقلبه الله العالم .. قال هذه فراوله يكفيك فيها لونها الأحمر.. قالت عاد ما أكره زي الفراولة شيء.. ومرة قالها عندي قمرين .. قالت وين ما أشوف إلا واحد ..قال لها انتي القمر الثاني .. ابتسمت ابتسامة كانها سخرية...تحطم وسكت زي المرة حقة السيارة ... ولما يكلما ترد عليه بصوت عالي و بصراحة نحس أنها يبغى يتحبب لها بأي وسيلة علشان يسمع منها الكلاااااااام الحلو والابتسامة ...الخ...

تصدقون لما يجي من برة ويلقاها نايمة ..على طول يروح يتروش و يأخذ مزيل عرق علشان ما تشم ريحته شينة على قولته هو وليس من عندي..
ولما نجلس كلنا في غرفة نسولف هي في جهة وهو في جهة ... أحيانا أخوي يتكلم ويعلق عليها علشان تتكلم بس .. لآن كلامها قلييييييييل معه وهو يشتكي من هذا ايضا .. و كمان قال .. أن أهم شيء عندها الشغل و تنظيف البيييييت وترتيبه .. .. يعني كل شي عندها الشغل وأخوي في الطقاق حتى لو كانت ترتب وهو في نفس الغرفة ما تسولف معه ... وكنا نتمنى أنه تقنعه يترك التدخين لأنه يدخن .. كنا نتمنى أن يجد فيها الحنان والرحمة والحب اللي شكله ما حسه منا نحن عائلته .. انا أخته الكبيرة .. لكني تزوجت وأنا صغيرة وذهبت عن أهلي ...


المصييييييية الأعظم : أنهم ما يناموا مع بعض .. هناك دلائل على ذلك منها أن الأسرة و البطانيات لا يتغير ترتيبها ابدا أبدا .. يعني هم ينامون في غرفة وحدة لما يكونوا عندنا .. بس واحد في الشرق واحد في الغرب ..لما قالوا لي اخواتي ما استغربت ليييش؟؟
لآن اصلا اخوي قال لي – أثناء فترة الملكة- أنه لن ينام معها رح ينام في غرفة وهي في غرفة وأنا ما صدقته صراحة .. وقال لي أنه قالها هالكلام في ذلك الوقت و زعلت منه ...

و سألني هل أنام مع زوجي في غرفة واحدة .. هل نتغطى بفراش واحد .. كيف لو سحب علي الغطاء .. أنا فهمت من اسلوبه في الكلام أنه
متوجس خوفا لآنه لم يعتد أن أحدا ينام معه + يبغى يعرف وش أقول وأسوي علشان يتشجع + ارتباك وخوف من المجهول + خوف من تحمل المسؤولية +
وعلى فكرة أخوي صحيح انه فرفوووش لآبعد حد
بس قلبه الله العالم فيه .. يعني جواته احاسيس مكبوووووووتة و آهات .. وهو ليس واثق في نفسه .. وكان يعاني من التأتأة في الصغر وتخلص منها في الكبر والحمد لله .. بس والله حببووووب و حنوووووووون خاصة على الحريم حنون علينا لآبعد حد .. صح أحيانا نزعل منه على تعليقاته الساخرة.. بس هو طيب لآبعد حد .. و أحسه يبغى يقول لنا كلام حلو ينم عن حبه لنا بس يستحي ... ولما يلقانا يكون سلامه وقبلاته علينا حارة مو زي الثانين مع أن الثانين طيبين الله لا يحرمنا منهم .. بس هو قوي و مشاكس و شيطاني لو احد تلقف عليه أو اخذ حقة لو كانوا من زملاءه أو من الرجال عموووووما ... لكنه ضعيف على المراة حتى لو هضمت حقه ..لا أدري لماذا
حتى انا قلت له لما كان يشتكي لي من زوجته .. طيب شد عليها شوي مو كل شيء تحوله لنكته ..في حريم تنفع معاهم الشدة اللبقة وفي حريم لا

قلت له .. وضح لها الشيء اللي مااا يعجبك فيها .
قال ما اقدر لآنها قوووووووية و بتخاصمني و ترفع صوتها (( و هي حسااااسة بقوة لكنها عنيدة أحيانا لما كان أخوي في فترة الملكة يقنعها بشئي لآسباب وجيهة كانت تبكي و هو مسكين والله على طول يبكي هذا كان فترة الملكة ) ... بأخليها(ما زال الكلام لآخوي) بتعلمها الحياة والحياة اكبر معلم ( كلامه هو))

و في حرمته حاجة بالإضافة إلى أنها جافة من ناحية الحب وغيرررررررره فيها شيء أنه غيووووووورة لآبعد حد خاصة من وحدة من قريباتنا وصلها خبر أن أخوي كان بيخطبها فصارت تغير منها
+ أنها كثيييييييييييييييييييييييييرة الزعل ... قليلة الكلام ...
ما عمر اخوي رد لها طلب ( هذا كلامه ) إلا طلب واحد وسوت مناحة و نفذه لها أخوي في النهاية ...

وحتى أخوي قال والله ما تلقى واحد زي والله معيشها ملكة وهو صادق والله يشتري لها كل شيء غااااااااالي..وما أبالغ إذا قلت غالي .. وهي كمان الله يهديها طلباااااااتها ما تخلص وهذه شكوى أخرى.. وبصراحة كمان اخوي مبذر يشتري أشياء لها باهضة الثمن بس علشان يسمع كلمة شكرا و ما شابهها وهي وهي تشكره فيشتري لها أخرى بس هو يبغى الحب والحنان وإشعاره باهميته عندها .. يعني هو يبغاه بالفصيح تحبه و يحسب أن الفلوس هي أسرع شيء لقلبها .. بينما هو يريد بالإضافة إلى ما سبق التقدير والاحترام و أن تحسسه أنه مهم ... الخ ... الخ

ولكن هي أنسانة محترمة طموحة من عائلة محترمة تقدس العمل تقديسا شديدا...عملية جدااااا ... لا تعترف باحتياجات النفس من حب و الرومنسية عموما تحب اهلها كثير .. تفاءلنا بها خيرا لما خطبناها لأخوي بس بعدين انصدمنا ...

عارفة إني طولت عليكم
أعتذر بس والله قلبي يتقطع على أخوي .. اللي يطلع من غرفة زوجته لما يكونوا عندنا في بيت العائلة ... يخرج من الغرفة وهو حزين كسيييييير ..وجهه متقلب.. شارد الذهن ..قليل الكلام ما أنه كان ما يسكت وحياته وكلامه كله نكت و ضحك و تعليقات مضحكة..تخيلوا مرة خرج من غرفته وهذا حاله .. وراح قال لآمي .. أحبك .. طبعا أمي استغربت و شكلها قالت في نفسها أكيد مسطول .. زي كل مرة


أرجووووووووووكم من كل قلبي
ساعدوني كيف أساعد أخوي الحبيب ..
ما ذكرت كل هذا إلا علشان تسااااعدونا ..كيف نغيرها ولو أني عارفة انه صعب تغيير قناعات الناس

كيف أنبه حرمه أخوي وأنا عارفة إني لو أعلمها ببعض الاشياء الواجبة عليها رح تزعل و تعتبره كلام فاضي ( أحس أنها تعتبر كلام الحب ..كلام فاضي و يضيع الوقت.. ) زي (أختي الصغيرة بس هي متزوجة تحاول تعلمها بعض الأشياء بس زوجة اخوي تغير السالفة على طول .. و حست اختي كأن كلامها ما أعجب زوجة أخوي .. وطبعا أختي اصغر من زوجة أخوي بحوالي خمس سنوات تقريبا .. ........

على فكرة .. أنا في فترة الملكة سويتها مذكرة من عدة صفحات عن مواضيع في كييفة التعامل بين الزوجين وركزت عليها هي لآني كنت شاكة بعد ما قالي أخوي .. طبعا سويت لها وقلت لها لا توريها أخوي .. والله ما ادري هل قرأتها أم أعتبرتها (كلام فاضي)!! ..
على فكرة : كل أخواتها زيها تقريبا إلا واحدة أحسها أحسنهم من ناحية الرومنسية ولكني لا أجرؤ على كلامها لآنها رح تفهمني خطأ و رح تقول وش دخلني ( بس أنا قلبي على أخوي يتقطع .. أين أحلامه ) لا أستطيع أن أكلمها عن المشكلة لآني أعرف أن العاقبة لن تكون حميدة .. ولهذا لجأت لكم

أنا أبغى وهو كمان يبغى ينسي اخوي حياة الضياع واللعب والسهر و الدشرة و الملل و الشتات ..( هذه كل أحلامه اللي قاللي عنها قبل الخطبة) كيف ... كيف ساعدوووونا ...

سامحووووووووني والله من وراء القصد

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب

__________________

يمكن زوجه اخوكي حامل ،،، و نفسيتها تعبانه

اتركوهم فتره سنه يتاقلمو مع بعضهم

لان التدخل في مثل هذه المرحله سيزيد من التوتر و المشاكل تنتقل بين العوائل

الله يسعدهم ويصلح امورهم

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

أشكركم من كل قلبي على سرعة الرد
لي عودة فيما بعد لآني مرهقة جدا الآن
أما من ناحية التوتر بين العائلتين فالحمد لله لم نصل لهذه المرحلة فأنا أسعى إلى تحسين صورة زوجة أخوي عند أمي لآن أمي حساسة وتفسر أحيانا بالخطأ الله يحفظها .. و أسعى إلى تهوين الامور
بس أنا وأخواتي وأحنا الحمد لله متعاونين وفاهمين ان هذه المفروض ما تطلع برة عائلتها نحن فقط
أشكركم مرة أخرى

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب

اختي الكريمة 0000

زوجة اخيك ليست ضد الحب والرومنسية 000 ولكنها لم تجد الرجل الذي يفجر فيها هذه المشاعر 000

واضح ان اخوك يخجل منها وشخصيته ضعيفة امامها 000 وهذا مالا يناسبها

النساء ذوات الشخصية القوية العنيدة لاتحب الا الرجل الجريء ذو الشخصية الاقوى من شخصيتها

انصحي اخوك بالجرأة معها في امور الحب وخاصة النوم معها في فراش واحد 000 واذا لم يستطع فعليه الاستعانة بطبيب نفسي

فهي ومع كلامها عن الحب الا اني استشف من ورائها خجلها من هذه الامور 000

وتحتاج لرجل جريء يجرؤها على الاعتراف بوجود هذه المشاعر واحترامها

هذا بالاضافة الى قوة الشخصية معها فيغضب منها اذا لم تنفذ رغباته 000 ولايضعف امام بكائها 000 بدون قسوة

اقتباس:

المشاركة الأصلية كتبت بواسطة غلا 2005 المصييييييية الأعظم : أنهم ما يناموا مع بعض .. هناك دلائل على ذلك منها أن الأسرة و البطانيات لا يتغير ترتيبها ابدا أبدا .. يعني هم ينامون في غرفة وحدة لما يكونوا عندنا .. بس واحد في الشرق واحد في الغرب ..لما قالوا لي اخواتي ما استغربت ليييش؟؟ لآن اصلا اخوي قال لي – أثناء فترة الملكة- أنه لن ينام معها رح ينام في غرفة وهي في غرفة وأنا ما صدقته صراحة .. وقال لي أنه قالها هالكلام في ذلك الوقت و زعلت منه ... و سألني هل أنام مع زوجي في غرفة واحدة .. هل نتغطى بفراش واحد .. كيف لو سحب علي الغطاء .. أنا فهمت من اسلوبه في الكلام أنه متوجس خوفا لآنه لم يعتد أن أحدا ينام معه + يبغى يعرف وش أقول وأسوي علشان يتشجع + ارتباك وخوف من المجهول + خوف من تحمل المسؤولية +

[/COLOR]

اختي الموضوع حساس جداً فالله يعينك بصراحه حاولي تخلي اخوك يشوف وش اكثر شي تحبه وياثر فيها يسويه لان هذا الطريق الصح لاختراق قلب كل امراءه كل واحده منا عندها شي يأثر فيها ولابد يحاول يمسك هالنقطه هذي وم بس هالنقطه هذي انتي مثل ماقلتي زوجة اخوك تحب اهلها فخليه يستغل هالنقطه بانه يزورهم يساعدهم يوقف معاهم يمكن ياثر فيها هالشي ويخليها تصحى من اللي فيه ومثل ما قلتي ما ينفع معاها الكلام بتعتبره كلام فاضي فوظيفتكم هنا انتهت من ناحيتها عليك باخوك فهميه ان في كل بنت وامراءه نقاط تاثر فيها ويصير الشخص بعينها كل شي اشوي اشوي ودامها تحب العمل خليه يعرض عليها مساعدته حتى لو ما كان يحب يحاول وخليه يحاول يرتب بالطريقه اللي هي تبغاها فهميه ان سهره ماراح يجيب حل للموضوع لازم يتحرك ماراح يجيه الحل الى عنده ودايم خليه يتوجه الى ربه بدعاء ان يكشف له طريق الدخول الى قلب زوجته ويسهل عليه الامر

والله يسعدهم إن شاء الله ويجمع مابينهم بالموده والرحمه اللي تقربهم من بعض اقرب من قيس وليلى

ودي اساعدك بس هذ اللي اقدر عليه والله يكون في عونك وعون اخوك

__________________

حياتي سوف تبقى ورديه وسوف يبقى قلبي قلب طفله

ادعو لي

:14: ان يجمع الله بين قلبي وقلب خطيبي في القفص الزوجي:14:

أكبر مساعدة لأخوكي انك تحاولي بصدق تساعديه
و ما تنشري الخبر بالعيلة
إياك و الفضايح في العيلة و لا لأهلك و لأي أحد قريب من اخوكي أو بعيد
و برأيي الحل لازم يكون بين أخوكي و زوجته دون تدخل أي شخص حتى لو كانت أخته
هكذا يكون أفضل
قولي له أن يتعرف على نقاط الضعف في زوجته و نقاط القوة و يحاول هو يتعامل و يحل مشاكله
و اطلعي انتي برا الخط لأنه وجودك أختي سيزيد الوضع سوءا
انت حاولي فقط تحببيه بزوجته و تعطيه نصايح عامة
لا تحاولي تعرفي أي شي من خصوصياته
لما يجي يحكيلك قولي له : لا تحكيلي أي خصوصية بينك و بين زوجتك هذه الكلمة ستجعله يقدس العلاقة الزوجية و ستحببه بزوجته أكثر و سيكون أكثر حفظا و صيانة لعلاقته من أن يبحث عن حل لها عن طريق نشرها حتى لو كنت أخته أو توأم روحه أو مهما كنتي
ملاحظة معها حق زوجته تغار من الفتاة التي كان سيخطبها و ستكون خالية من الشعور ان لم تغار
و لكن غيرة بحدود طبعا
اختي أعود لأقول لك أنا و عن تجارب شخصية أنصحك أن تتراجعي و تنسحبي من معرفة أي شيء بينهما
هما بالغان راشدان يعرفان مدا أهمية علاقتهما و سيحلانها سوية
مهما عرفت زوجة أخوكي سيكون هو أعلم بها منك
حتى لو كنت امرأة مثلها و لكن لا يحل المشكلة الا من كان أكثر عليما بأسبابها
وفقكم الله الى ما فيه رضاه

أخوك شخصيته ضعيفة

و شكلها زوجته حست و عرفت بالشئ هذا ، و أكبر دليل على ضعف شخصيته

إنه بيحكي لك خصوصياته

الرجل اللي قد المسؤولية و اللي مؤهل للزواج ، يحل مشاكله مع زوجته و بسسس

بدون ما يدخل أحد من أهله مهما كان

و البنت أحسها تحبه بدليل غيرتها عليه و اهتمامها بالمنزل و ترتيبه

أما إنها عملية و تحب العمل جدا فأنا كنت مثلها لكن زوجي و الحمد لله قدر يكسر الشئ هذا و قدر يوصل لقلبي

خليه يحاول يفهمها و المرأة تحب الرجل صاحب الشخصية القوية