فساد زوجي جاء رد دينه في ابني حسبي الله
14 سنه حصيله زواجي كل شي في هال14 سنه للناس اظنه يتغير للاحسن الا انا حياتي تتغير للاسوء
14 سنه حاولت فيها الاصلاح قدر المستطاع ويشهد الله علي لم اقصر في شي من حقوقي الزوجي ولو اترك شارده ولا وارده الا قمت بها من اجل ان اكون امام ربي خاليه من المسئوليه بالتقصير ولكن للاسف دون جدوى
زوجي هو مصيبتي في هذه الدنيا تعبت ومليت ويئست ليس من رحمه ربي ولكن من تصرفاته التي عجزت ان اجد تبريرا او جوابا شافيا لها
14 سنه وزوجي مدمن افلام اباحيه وصور جنسيه وشواذ وغيره من اي انحلال خلقي هو لا يمارسها ولكن يحب مشاهدتها يبحث عنها والعياذ بالله في القنوات الانترنت المجلات اي شي المهم شي اباحي الله المستعان تعبت وربي تعبت معه جيته من باب الدين قالي عقدتينا وقرفتي حياتنا انتي بالتزامك ودينك جيته من باب الاخلاق ما نفع جيته من باب العمر والموت ما نفع جيته من باب اتقي الله في عيالك الدنيا سلف ودين والي بتسويه اليوم بكره عيالك يقلدوك مساكين وش عرفهم دام انت القدوه كذاا يحسبون الشي الي بتسويه صح ما نفع اي شي
ومشيت السنين سنه ورى سنه وانا وربي كل سنه اقول ان شاء الله الي بعدها بتكون احسن وللاسف تطلع اسوء وزوجي مثل ماهو المصيبه يخاف مني على اشوفه على هالاشياء بس ما ادري وين مخافه الله في قلبه لا طلعت من البيت جاب الاسلاك وشبك وبرمج القنوات ولا رديت تحس انه مع على بعضه وسبحان الله احس بالي صاير في بيتي وربي حتى وانا خارجه ومره جيت في وقت مو متوقعه وفعلا مسكته انواع القنوات الي وربي اخجل من اني اذكرها صرخت صحت وبكيت ماهو من هول الي شفته من القهر يا بني ادم 14 سنه ما تربيت منها ما عرفت ان الله حق انحرقت يده وتجيه مصايب الويل ما اتعظ ياربي وش طينه هالادمي مدري بس وكل مره يرفع صوته وينكر حتى لو شفت بعيني
المهم قبل شهر من الان وبالصدفه جلست افك المحفوظات في الكمبيوتر واشوف مواقع الله المستعان يندالها الجبين وصور الجمتني والله ما عرفت اتكلم وهو طبعا مشكلته يستخدم الجهاز بس ما يعرف يمسح الي استخدمه ويوم واجهته وحطيته قدام المواقع انبكم ما عرف شيقول بس اخذته العزه بالاثم وقال هي جت كذا انا ما فتحتها والمصيبه انه الصفحات مرقمه ومفتوح منها بالعشرات
ياااااااااالله ومن يومها وانا خلاص قفلت نفسي من الدنيا وما فيها والحين والده توفى له 20 يوم ياناس احد يتوقع وربي رابع يوم من وفاه والده لقيته بعد يدور على هالاشياء انصدمت قلت انت ابد ما تتعظ بشي اقلها حشم روح ابوك الي توها مالها ولا اربعه ايام طالعه من البيت
بس سبحان الله فيه قساوه في قلبه الله المستعان منها والمصيبه انه مربي الذقن وقدام الناس الي محد مثله بس الي بين اربعه جدار ما يعلم بيه الا الله
صلاته لا يعترف الا بالفروض فقط وختى المسجد بدء يروحه بكيفه فرض فيه وعشره في البيت لا جيت انصحه قالي فكينا بالله ولو سكت مت قهر
14 سنه لا اذكر ان زوجي ذهب ليصلي التروايح ولمن اقوله يقولي مو واجبه حتى في رمضان ياناس يدور الغلط الناس في المساجد تصلي واحسرتي وانا زوجي يصرفني من البيت عند اهلي او اي مكان المهم ينفرد هو ومراهقته الي ما ادري متى تبي تنهي اليوم عمره 42 سنه وما ادري وش ينتظر بعد الاربعين موت مفاجيء او مرض منسي او ايش مدري والله
المصيبه الكبرى التي صدمتني قبل فتره ان ولدي بحثت يوما وراءه في الكمبيوتر فوجدته يبحث في قوقل عن افلان اباحيه وصور وطبعا هو اكيد قد شاف ابوه لانه مو صغير وعمره 13 سنه ويسمع احيانا المشاكل الي تقوم بيننا على هالشي وللاسف ابوه انمسخ الحيا من وجهه فاصبح يحط اي قناه وحنا متجمعين على غدا او اي وجبه وعنده عايدي الي يجي فيها من تقبيل وغيرها من مقاطع خارجه عن الحياء ويوم انظر له واجي ابي اغير يسو نفسه الشي عادي
حسبي الله عليه يبي يضيع عيالي ويـألف نفوسهم حب الوصخ ويخليها عندهم عادي هالمناظر المهم ومسكت ولدي يبحث في قوقل وانصدمت اشوى انه توه يبجث وجلست معه طبعا ولدي مصداقتي لابعد حد احاول اني اتقرب ما ابي يغلط في يوم فقلت له وش ذا قال ها ومدري قام يتهرب قمت جيته من باب لو ربنا اخذ عمرك هالحزه وش تبي تقول قام يبكي ويقولي ياماما انا اسف بس ودي اعرف وش يشوف بابا
ياربي وش اقوله كنه صفعني على وجهي كفقمت انصحه واجيله من كل باب لحد ما وعدني انه ما يكرر الحركه وفهمته وش الغلط الي بيصير وللاسف اول مره افهم ولدي انه ابوه الي جالس يسويه غلط ولايحاول يقلده ومن هالكلام وما حبيت اكسر صوره ابوه بس تنكسرر وينكسر معها هو بس ما يضيعوا عيالي بسبته
يالله قد ايش الدنيا سلف دين وقد ايش الدين مردود في الابناء فيا رجالنا اتقول الله فينا وفي عيالنا
عن نفسي تعبت والي خلقني ورفع السماوات بلا عمد اني تعبت وحاسه اني انكسرت ما عاد وشلون اتصرف او وش اقول غير حسبي الله ونعم الوكيل ما بقي باب ما جيته منه ودايم ينعتني باني طفشته بالتزامي وديني وان هوكذاا من قبل ما يتزوجني وما راح يتغير
وربي تعبت وقبل 7 شهور جتني جلطه بسبب نفس الضغط النفسي والحمد لله تعالجت منها وكانت توها في بدايتها بس الحين ما ادري شسوي ابي اربي عيالي في بيت نظيف بعيد عن وصاخه هالانسان ماني قادره وغير افكر واصلي وادعي واقول يارب يارب يارب
كلمات كتبتها لانفس عن ضغط نفسي يكاد يمزقني لا ارجوا منكم الا الدعاءءءءءءءفوالله الذي لا اله الا هو اني في امس الحاجه اليه
09-09-2006, 12:50 AM
ضوابط المشاركة
العرض الشجري