اعــــــــــــــــــــــزائي

ابغى اطرح سؤالي وارجو ان تردوا علي ولكــــــــــــــم جزيــــــــــــــــــل الشــــــــــــكر


زوجي يحب يسولف في المواضيع اللي تستفزني مثلاً يسولف بالتعدد وزواج المسيار وابادله النقاش والسوالف

وانا احترق من جوا واحياناً ازعل واتضايق وتنزل دموعي وهو يشوفني ويقول لي وش فيك احنا قاعدين نسولف بس

ليش انتي حسااااسه كذا اذا انا سكت تبيني اتكلم واذا سولفت زعلتي خليني آخذ راحتي معك بالسوالف

اذا سولفت فيها مو معناها اني راح اسويها سوالف ترا بس

معظم زملائي حسب كلامهم يسولفون بهذي الامور عند زوجاتهم وعادي

وانتي مسويه لي كبت ما اقدر آخذ راحتي بالكلام

قلت له خلاص انا آسفه حبيبي خذ راحتك وبصراحه تركته على راحته

ومن يومها الرجال تمادى شكله استانس على هالسوالف لكن انا اتحمله واضحك معه

واسمعه للآخر واشوف وش عنده والغيرة تاكلني





مارأي اخواتي المتزوجات هل انا على صواب ؟؟؟؟؟؟؟؟؟؟؟؟؟؟؟؟؟

ومارأي اخواني المتزوجين هل زوجي على صواب؟؟؟؟؟؟؟؟؟؟؟ ؟؟

__________________

لا اله الا انت سبحانك اني كنت من الظالمين

بصراحة احتى كسرتي خاطري ، يعني انتي مثال للمرأة الطيبة اللي قلبها ابيض... الرجاجيل لما يبغون يسوون الغلط يسوونه ويطلعونه احنا غلطانين ... يا حبيبتي اكيد كلام زوجك جارح وانت معاك حق لما تبكين بدليل الدموع اللي تنزل بدون مقدمات واي وحدة بمكانك بتبكي ... والقصة اللي يقولها لك عن زملائه وانهم يكلمون زوجاتهم عادي عن هالمواضيع اكيد قصة مو حقيقية .. هاذا شي صعب على المرأة انها تتقبله وخاصة من زوجها حبيبها

سؤللج ـ هل انا على صواب؟؟ انت يا حبيبتي على صواب في مشاعرج واحاسيسج ، واعتقد انه يقصد شي من كلامه ... إلا قولي لي صار لكم كم سنه متزوجين؟؟

خليه يتكلم ويعبر وماتقهري في حالك مافي شي بستاهل بعدين في امكان تحولي موضوع النقاش لشي اخر

عن الاولاد عن البيت عن اي شي مهم بالنسبه لك

الله يوفقك

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

تسلمين يالغاليه على الرد

بس ياليت توضحي لي كيف يعني يقصد شي من كلامه !!!!!!!!!!

__________________

لا اله الا انت سبحانك اني كنت من الظالمين

Eman007

جزاك الله خير

اختي غصب عني احس بقهر يستفزني

__________________

لا اله الا انت سبحانك اني كنت من الظالمين

ياربي نسخة من زوجي..
لما يتكلم بهالمواضيع أسكته ..
يقول لي لما أتكلم تسكتيني ولما أسكت تقولين لي تكلم ..
أقول له يعني مافي غير هالمواضيع تتكلم فيها ؟؟
ماتقدر تتكلم في مواضيع تفرحني وتشرح القلب..؟؟

بس إختي يمكن إنتي توك عروس..
مع الوقت بتتعودين وبيصير عادي..
لأن الأزواج اللي مثل أزواجنا صعب إنهم مايتكلمون في هالمواضيع ..
أنا ألحين صرت أسمعه عادي ولا أهتم وأحيانا اشاركه وأقول له أنا باخطب لك ومن هالكلام..
بس بصراحة بداخلي أكون متضايقة ..

إذا يهمك رأيى كرجل يحب زوجته ويحترمها المفروض مايناقشك فى مثل هذى المواضيع وإذا حب يسولف معاك يفتح

موضوع ثانى افضل وإذا كان مشتهى يتكلم عن الزواج والتعدد يسولف مع اصدقاءه او اخوانه.

يا حبيبتي كم سنة صار لكم متزوجين ، هل هو بدأ هالمواضيع من اول ما تزوجتوا؟ ولا هالايام بس؟ يعني نسمع كثير عن الرجال لما يبغي يتزوج يعقد يلمح لزوجته ويسمعها كثير عن امور الزواج بثانية على قولتهم تمهيد لها حتى ما تنصدم.

شوفي لو مكانك ما بتخانق ولا بعصب وبخلي مشاعري في ثلاجه مثل ما هو يبغي .. بس باحسسه بنظراتي ان هاي الحركات ما تطوف علي واني فاهمة شنو تقصد .. وسايريه وردي على اسئلته الحلوة وسوالفة (يعني هو خايف على روحه من الكبت ومو خايف عليج من القهر).

اختي انا صار لي عشر سنوات متزوجه وماكان زوجي يسولف بالمواضيع هذي

انا بس عطيته الضوء الاخضر الرجال ما صدق ,,,,,,,, الله يهديه

__________________

لا اله الا انت سبحانك اني كنت من الظالمين

السلام عليكم
انا لما كنت اريد اتزوج الثانيه اللي لسه ما جت كنت المح لجوزجتي مثل كلام زوجك عشان اهيئها عشان ما تنصدم لما اتزوج
فزوجتي كانت مثلك ما تتقبل هالكلام وتتهرب وتغير الموضوع واتقولي لا تجنني ولا تجيب لي صداع
بس كنت اتمنى انها تقول خلاص روح تزوج ولكنها ما قالتها
وانتي قولي له شوف عيال اللي معددين بالزواج كيف عايشين ( متشتتين و في الشوارع تايهين )
الله يعينج
اهم شي خليج حريصه على بيتج وعيالج
يالله سلااااااااااااا