السلام عليكم ..............
بصراحة أنا متضايقة وما لقيت أحد أبث له شكواي بعد الله إلا حبايبي أعضاء المنتدى ....
لأني عارفه إنه في أشخاص أكبر مني وأعرف مني وأعقل مني وبيفدوني في مشكلتي ....
خلوني أبدأ (( وأحد ماسكك )) :d
بعرفكم على نفسي أول :
بسم الله أبدأ ( كنها بتأكل ): :22: والله من ضيقة الصدر قاعدة أنكت ....
المهم أنا متواضعة ... وأحب الناس والإجتمعات كثيـير ... والمشكلة اللي متعبتني هي إني أحب الهدايا
يعني أحب إني أهدي .... وزوجي ماسكها علي ....لأنها ماعجبته...
يوم كنت أدرس كان الوالد يعطينا مصروف كل شهر... ومصروفي كان لايتجاوز ( 400) بعد الزيادة 15% :23:
... فسبحان الله كان مصروفي فيه بركة ....
وعشاني أحب الفزعات والمساعدات كانوا إخواني يجوني يطلبون مني وقت الزنقات طبعاً مو سلف لا ؟
وكنت مقسمة المصروف إلى أجزاء.... جزء للمساعدة وقت الزنقات.... وجزء لأشيائي الخاصة ...
والجزء الأهم للهدايا ..... فهذي وحدة من معارفنا تخرجت ....( أهديها )
وهذي وحدة ثانية بتتزوج .... ( أهديها ) ......
وهذي ثالثة ولدت .... ( أهديها ) .... فكل حياتي هدايا × هدايا ...:25:
وأتضايق إذا مرت علي مناسبة وماقدرت أهدي :29: .... وأحس بســــــعادة لا توصف إذا أهديت أحد ....:17:
وماكان يمر علي عيد إلا ولازم أسوي حفلة (( للأطفال والكبار)) طبعاً غير الهدايا اللي تناسب كل شخص ....
وفي إجازة الصيف لازم حفلة نجاح (( وأحياناً الوالد الله يخليه يساعدني )) فكانوا أطفال العائلة ينتظرون الإجازة
ويزعجون أهاليهم متى نروح للقصيم ((محبة النوم بتسوي حفلة )) و يتحمسون // يعني ما يجون عشاننا ؟!
وآخر حفلة سويتها وأنا منقهرة عشانها (( مو عشان الحفلة لا .. على اللي صار بالحفلة))
والسبب: إختي تخرجت من الثانوية وخواتي ناجحات بتقدير ممتاز فقلت (( مابدهاش لازم حفلة))؟
فا جمعت العائلة ... وكل من فال أنا بزر ..... فكلفت الحفلة أكثر من ألفين ريال... خبلة صح؟
(( من إستراحة , ونطيطة , وهدايا ألعاب للبزران , ورسم على الوجه ,
وحلويات , وبوفيه )) الخ... اللي زعلني:ولا واحدة من اللي حضروا دخلت للحفلة ومعها شيء ... الأيدي خالية ...
هذا اللي ذكرته نقطة من بحر ..... وأنا والله العظيم هدفي من كل اللي أسويه ضحكة بعيون الأطفال ...
وبعد هذا التقدير والإحترام من أهلهم ..... الأولى مضمونة لكن المشكلة بالثانية ....
مع العلم إنه حتى أبوي وأمي راعين فزعات ... وينفعون الناس كثيييييييير...فكيف إذا كانوا أقارب؟؟؟
فتلقيت أول صدمة من أقاربي عندما تزوجت ...فتوقعت أن تنهال علي الهدايا كالمطر ...ك رداً للجميل لا أكثر ...
فتفاجأت أنه لم يهديني سوى شخصين .....
أما الصدمة الثانية ... فكانت عندما تخرجت من الكلية ... فتوقعت يسوون لي حفلة وحدة من
هالحفلات اللي كنت أسويها لهم ... لكن للأسف .... فزوجي(الله يخليه لي) لاحظ الحزن بعيوني وسوى هو الحفلة ..
والمتعارف عليه ومن الأدب إنك على الأقل تجيب هدية رمزية ... تصدقون ولا وحدة ذكرتني بهدية ...
مع إنهم عارفين إنه عشاء تخرجي ....مافيه غير إخت زوجي وخالتي (أمه) الله يسعدهم جابوا لي خاتم رااااااايق ....
ثالث صدمة (قبلها كان عندي أمل إنهم يتغيرون )...بعد ما أنجبت ابني (قبل سنتين) ولا وحدة قامت بالواجب ...
هل يُـعقل هذا التصرف ومن من ؟؟ من أقرب الناس لك ؟ أهلك ؟؟
مع العلم إني كنت أسوي لكل وحدة تنجب هدايا مواليد..... عشان تكشخ قدام أهل زوجها ...
لأنهم مايعرفون هالحركات ..... يعني كنت سخية لأبعد الحدود ..... ومع ذلك لم ألقى أي إهتمام ...؟؟
فبسألكم وش تنصحوني فيه ... والله العظيم إني محتاجتكم فلا تبخلون علي بالنصائح ...؟؟؟