السلام عليكم

يوم الأربعاء اللي فات

اول ما طلقت البنت بالمحكمة ابوها كان معاي و اول ما تم الطلاق و الورقة يوم استلامها هو الأثنين فوراً ابوها راح...قلت له والمهر؟

قال عوضك على الله و مشى

انا كذا اخاف اضره بشيء

لكن خوفي الاكبر وانا مكبل بالسجن انتظر الحكم

صح احسن لي اؤمن بالشيء هذا بأنه عوضي على الله سبحانه و تعالى

........
هذي مقدمة لبداية النهاية ما اعرف ايش اسميها
.......

رجعت للدخان و الشيشة و المعسل

والله والله والله اني صرت اكره الجنس الثاني(الأناث) ما اعرف ليش وصرت ما استوعب اني ممكن بيوم من الأيام ارتبط و اتزوج

صرت الإنسان اللي الشر و الحقد و الكراهية تجري في دمه

حتى الأطفال و بالذات البنات لم اشوفهم و انا بالسوق او بالطريق بسيارتي انظر لهم نظرة حقد و اخوفهم

اعتقد اني صرت شبه مجنون

لكن انا انسان منتج منتج اعمل 12 ساعة باليوم و اواجه الاخطار

كذا مرة كنت على وشك الهلاك ولا احد عرف اخباري او سأل عني

وفي الأخير بعد الملكة اجلس معها تسألني و تقولي: إنتا ما سمعت آخر البوم لـ عبادي الجوهر؟؟؟

فين الدين؟

فين المصداقية؟

اذا اهلي امي و ابوي خبوا عني انه البنت تسمع اغاني و غير ملتزمة

والله انه الشغلة كلها من مطب الى دحديرة

ايش اقول؟

والله مالي احد بعد الله غير المنتدى افض فض و اقول كلي اللي فيا

والله صرت كل يوم بعد الساعة 2 بالليل اطلع بسيارتي و ابحث عن اعلى منطقة مرتفعة ما فيها اضاءة اوقف فيها سيارتي و اجلس فوق السيارة ساكت الى الفجر

لو بيدي كان قتلت كل اهل البنت وهي اقطعها و ارميها للوحوش

اتمنى بيوم من الايام ابتسم اضحك ابكي

لكن خلاص كل حاجة منتهية

مافي احساس

الناس كلها والله الى الآن تشوف اني انسان طيب و خلوق

وما عرفوا الحقيقة

كل الناس اعدائي الا انتم

والسموحة يا اخواتي

السموحة

استغفر الله العظيم

اخى انت بحاجه الى طبيب نفسى والله نصيحه من قلبى اتمنى تروح فى اقرب وقت انت محتاج لحد ياخد بايدك خللينا نبدا بالطبيب النفسى وان شاء الله يكون خير

انت بحاجه الى الرجوع الى الله والاكثار من التقرب اليه والدعاء والله راح تنفتح لك الدنيا

__________________

الله يخفف عنك ..

لا تحزن يا أخي..

وخليك مع رفقاء الدين والخير..

الله يسعدك يا رب ويعوضك ببنت الحلال اللي تسر قلبك وخاطرك..

ودائما إدعي الله سبحانه وتعالى بقولك (اللهم آجرني في مصيبتي وأخلفني خيرا منها)

__________________

	* ليس من الضروري أن تنال ما تشتهي.. يكفي أن تكون قادراً على ذلك ** لا تصفق الباب خلفك.. فقد تضطر للعودة منه *** إن أول خطوة لتحقيق الحلم.. هي الإستيقاظ من النوم أختكم: دندووون

السلام عليكم ورحمة الله وبركاته


اخوي ابو ايلاف


والله انفجعت لما قرأت العنوان وصاحبه انت


لالالالا اخوي الله يرضا عليك

لاتسوي بنفسك كذا


هذي خير ه من ربي،،، حسبي الله ونعم الوكيل فيهم


صدق مافيهم خير


الله وحده على الجبار الله الجبار المنتقم ينتقم لك منهم


اخوي ابو ايلاف



الله يرضا عليك

انتبه على نفسك وهدي الوضع

بلاش ترجع للشيشه والدخان الله يرضا عليك

انت لما بطلتهم مو عشانها عشان ربي


فليش بسببها ترجع لهم



البنت واهلها الله يجبرك وينتقم لك منهم


روح للقاضي وقوله ماسلموني المهر

وارفع قضيه

عليهم

خليهم هم اللي يتجرجروا حسبي الله ونعم الوكيل


بس انت لاتهلك نفسك خلي ايمانك بالله قوي كما عرفناك وزياده كمان





اخوي ابو ايلاف

اذكر الله


هذا امتحان من ربي لك


يبغا يشوفك قوة ايمانك به وحبك له

الجأ له



وانت طالع بالسياره للأماكن المرتفع الجميله البعيد عن البلد ....اعرفها ومااجملها من ساعات يخلو بها العبد بربه


نفسي اروح لهذي الأماكن لوحدي عشان اخذ راحتي بس مايمديني




روح انت وخذ سجادتك وتوضى وصلي واطلب ربك اشتكي له ناجيه


هو يسمعك هو يشوفك يعلم بحالك يعلم بسرك



يعلم بك اكثر منا ومن نفسك



روح اشتكي له


روح اطرق بابه وقوله (يارب ها انا عند باب رحمتك ارجوك واستغيثك واستنصرك اغثني ولاتردني خائبا

اغثني يامغيث )



هيا ابو ايلاف


لاتحزن وخلي ايمانك بالله قوي


نظم وقتك وعيش حياتك حط طاقتك في العمل دحين


بما ان عملك 12 ساعه يعني نص يومك بالدوام ماشاء الله عليك


وباقي 12 ساعه


8 ساعات نوم و4 ساعات ؛؛؛ عباده وراحه واعمال خيريه وزيارات للأهل او الخلوه بنفسك بالطاعه




هيا اخوي كله يفداك وفدى لراحتك اهم شي راحتك وصحتك



ايش يعني المهر ربي بيعوضك من اوسع ابوابه


بس


روح له ،،،ناجيه ،،،،توسل اليه،،،


ابو ايلاف


ربي



ربي



ربي





اشتاق لصوتك حب يسمع صوتك وانت تدعيه

عشان كذا حطك بهذه المحنه

لأنه حب صوتك وانت تلح عليه





هيا الله يرضا عليك وينور بصيرتك ويسخرلك ويريح بالك ويفرج همك ويعوضك خير


الله يجبر كسر،،،،،،،،،، الله يجبر كسرك،،،،،،،، الله يجبر كسرك




ردد

(انا لله وانا اليه راجعون اللهم اجرني في مصيبتي واخلف لي خير منها ) كررها كثيـــــــــــــــر

(لااله الا انت سبحانك اني كنت من الظالمين)

(لاحول ولاقوة الا الله)


(اللهم اني ظلمت نفسي ظلما كثيرا فإنه لايغفر الذنوب الا انت)


حسبي الله ونعم الوكيل

(فوضت أمري اليك يالله فأنت حسبي ووكيلي)



كررها




ولاتنسى صلاة الإستخاره


قوم صلي واستخير وكرر الصلاة كل ماحسيت بالضيقه


بتشعر براحه مابعدها راحه



ولاتنسى الصدقه


تصدق لوجه الله حمد وشكرا له انه كفاك شر هذه البنت واهله



ودعواتي لك بظهر الغيب


بس اوعدنا انك تحاول تخفف عن الدخان والشيشه


وحصنتك بلا اله الا الله

ربي يفرج همك ويجبر كسرك

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

لاحول ولاقوة الا بالله ..........اخى لااعرف ماقصتك ولكن اسأل الله ان يعوضك خير اخى هذا اختبار من الله فثبت بارك الله فيك

وارجع الى الله ولاترجع للمعاصى لانك تضر نفسك


ويأخى الدنيا مليانه بتلائات ومصائب وكل شخص تمر عليه هذى الحاجات بختلاف الظروف


اهم شئ الثبات وحقك خذه لو بالمحكمه ولاتتنازل عليه

اهم شئ الصدقه الصدقه الصدقه




واصبر وعليك بالدعااااااااااااااااااااااااء والحكمه خلك صبور



وربى يعينك وحاول تختلط مع الناس ولاتكثر العزله لانها سبب فى الوسوسه وفتح باب الشيطان والاكتئااااااااااااااااااااااااااااااااااب ابتعد عنها نهائى احضر محاضرات ودروس وخلك من اهل الصف الاول


والعزله مهيب زينه غير فى طاعه الله فقط

ربى يسهل امرك ويرزقك الزوجه الصالحه والذريه الصالحه

__________________

تزود من التقوى فإنك لا تدري إذا جن ليل هل تعيش إلى الفجـر

فكـم من فتى أمسى وأصبح ضاحكا وقد نسجت أكفانه وهو لا يـدري

وكم من صغار يرتجى طول عمرهم وقد أدخلت أجسادهم ظلمة القبـر

وكـم من عروس زينوها لعرسـها وقد قبضت أرواحهم ليلـة القـدر

وكـم من صحيح مات من غير علة وكم من سقيم عاش حينا من الدهر

فمــن عـاش ألفـا وألفيـن إنـه لابـد من يـوم يسـير إلى القبر

الله ارزقنى الذريه الصالحه وكل محروم ولجميع المحرومين يارب .
اللهم يامقلب القلوب ثبت قلبى على دينك

لا حول ولا قوه الا بالله والله من اول ما شفت اسمك بالموضوع قلت الله يعينه هالشب المسكين كل ماله من سيء لأسوء
والله ما ادري وش اقولك بس الي تمر فيه طبيعي يحصل معك لانك مريت بكثير اشياء وكلها ضربات على الراس مالك غير الدعاء يا اخي والصبر ولعله خير طيب ماانت تقول عن البنت تسمع اغاني ومش ملتزمه شفت كيف ربنا اختار لك الاحسن وقصرها عليك من اولها
الله يوفقك يارب
بس خليك متفائل
(متفائل واليأس بالمرصاد .....)تعرف هذه الانشوده لابو عبد الملك
هدي نفسك والي تعمله صدقني انك انت الوحيد الخسران صحتك كل الناس ماشيه بصالحها ومبسوطه وانت فقط الزعلان
ارفع رأسك عاليا وابتسم رغم كل ما مررت به
والله لو بيدي كان انا زوجتك
الله يعينك يا اخي وفقك الله

__________________
سبحانك اني كنت من الظالمين

اذكر أني قرأت مشكلتك السابقة..
واعتقد أن سنك مو كبير إذا مو غلطانه..
لهذا الحياة أمامك بحلوها ومره فلا تجعل اليأس يسيطر عليك مع أول صعاب الحياة..
البنت احمد الله أن تخلصت منها إذا هذا تفكيرها( أغاني) وما تجره معها من معاصي..
المهر تقدر تستعيده عن طريق المحكمة إذا لم ينفع معهم الكلام..
إن شاء الله كلها فترة وتعدي ويرزقك الله ببنت الحلال اللي تسعدك...

عليكم السلام ورحمة الله وبركاته

هدي بالك ياأخوي وصدقني كل هم في الدنيـا يفنى مثل السعادة التي لاتدوم

إنت ماأنت محتاج طبيب نفسي ولايحزنون

وضعك طبيعـي آمـال وأحلام عشتهـا وفجأه إنتهي كل شيء ونهاية مؤسفة

شيء طبيعي إنك تحزن وتضيـق وتكره كل شيء وماألومك

لكن متى طالت هذي الحالة ووضعك تغير للأسوء أكثر هنـا اللوم عليك

مقدّرة جدا ً إحباطـك وحزنك لكن مو حل أبدا ً إنك تخليها تأثر أكثر من اللازم على نفسيتك

ولاتقول مش بيدي !!

كل شيء بيدك إنت بعد الله ، حاول تتغير لأنه ماأحد راح يغير اللي فيك إلا إنت

ولا حتى تنتظر حل من أحد غير نفسك ، لاتستسلم وأنا أختك ترى كل اللي فيك

زاده عليه الشيطان لأنه إستغل ضعفــــــك وخلاك ترجع للدخان وغيره

وبكره لو تستسلم ماتدري وين بيوصلك لأنه ماراح يرتاح لحد مايشوفك إنتهـيت فعلا ً

الحياة ماإنتهت والفشل مش معناته نهاية الحيـاة

لازم تساعد نفسك بأقل الأعمال وأولها تغير إسمك الحيــــــــاة ماتوقفت على طلاق

حتى لو كان هذا الموضوع فعلا ً يستاهل لكن وين إيمانك بالقضاء والقدر

ربي كتب لك إنك تختار ومايصيب إختيارك وتنتهي حياتك الزوجية فقط وليست الحياة بكبرها !!

إنت ماشاءالله عليك رجـــــل وتعرف معنى رجل بمجتمعنـا

يعني لك خيـار إنك تختار وتبدأ من جديد متى مابغيت وربي وفقك

قارن نفسك لو كنت بنت وصار لها اللي صارلك كيف بتكون حياتهـا

لازم الإنسان ينظر لمن هو أقل منه بكل شيء علشان يرتاح بحياتـه ويطمئن بالله وبقدره

إنت تقولي كان حلمك فتاة متدينة ماتسمع حتى أغاني وهذا دليل إنه الخير كثير فيك والله يبارك فيك

وين راح إيمانـــــــــك ؟ وين راح حرصك على دينك ؟ من أول تجربة فاشلة بحياتك

تنهي كل شيء وتحس نفسك فقدت كل شيء

مش صحيح أبدا ً إنت تتوهم وتحسب نفسك لو زعلت أكثر وكرهت الناس أكثر إنه راح يتغير وضعك

أبدا ً حزنك وكل شيء سويته ماراح يغير شيء بحياتك بالعكس راح يدمرك شوي شوي

مالك إلا ربــــــــــــك ياأخوي هو اللي أعطاك وهو اللي أخذ منك

حاول تضغط على نفسك وماتعطيها مجال إنها تأثر على تفكيرك سلبيا ً

لاتجلس كثيييير لوحدك إختلط مع الناس اللي فيها الخير علشان يعاونونك

على الأقل هذه الفترة لأنها صدقني مدة وراح تزول وراح تتذكر كلامي بإذن الله

إذا جيت تبشرنـا بخبر زواجك ومثل ماإنه فيه بنات مش متدينات فيه أكثر متدينـات

وفيه أكثر بكثير بنات يقدّرون ويحترمون وبإذن الله ربي بيرزقك باللي تعوضك كل شيء

بس إنت لا تيأس ، الدنيـــــــــا بكبرها فانية فكيف بـهم وقلق مر عليك

كلنا والله نشاركك الهموم ومايعلم فيها إلا الله لكن نحاول قد مانقدر إننا مانجعلها

سببا ً إنها تغيرنا للأسوء على الأقل إذا إنك ماكسبت شيء بالدنيا خسارة ماتكسب آخرتك

أوصيك ونفسي بالصـــــلاة ، قم توضأ وصلي لربك ركعتين والناس نيـــــــام وشوف كيف بتتغير

نفسيتـك ولا تدري إطلع لحالك مثل ماأنت تطلع برى المدينة وصلي في البـــــر تحت سماء ربك

وبإذن الله ربي مايخيب رجـاء عبده ، أتمنى أكون أفدتك ولو بالقليل وأعيدها مره ثانية

ترى الكل هنا فيه من الهموم ماتكفيه وماأكتب الكلام هذا إلا لنفسي علشان أقويّها معكم

والله يفرج همك ويكشف ضرك ويبعد عنك الشيطان ويفرج هموم المسلميــــــــــن .

أنا مع الاخت "روح الغالى"

الصراحة كلامها جميل يصلح لأن يكون لوحده موضوع.....

أخى استعانتك بالله هى السبيل لا ان تعصيه....
وأعلم ان هذه الاوقات والتى انت فيها ضعيف هى فرصة الشيطان ليضعفك اكثر ويضعف ثقتك بالله...
فكلنا تملأه الهموم وليس يوجد منا من لم يواجه مصيبة أو محنة....ولكن كيف تواجهها هذا هو المربط

يقينك وثقتك أن الله لن يخذلك وانه يمهل ولايهمل......ستهون عليك مانت فيه....
قال تعالى:
"وأن هذا صراطى مستقيما فاتبعوه ولا تتبعوا السبل فتفرق بكم عن سبيله ذالكم وصاكم به لعلكم تتقون"

فسبل الغى والعصيان كثيرة لكن سبيل الله واحد فقط.....فلا تنتظر من أحد ان يخرجك مما انت فيه
الا ربك...

سأعود لك إن شاء الله بقصة لأحد صديقاتى لتعلم أن الله يمهل ولا يهمل وانه سبحانه فقط يملى الظالمين ليزدادوا افساد فيأخذهم الله بغتة

__________________
لا اله الا انت سبحانك انى كنت من الظالمين