بسم الله الرحمن الرحيم


الحكاية ومافيها أني كنت قبل فتره موظفه بوظيفه غير رسمية وبمجرد ماخلص عقدي معاهم تركتها

ومابغيت أرتبط معاهم بشي ثاني لأني ناويه أكمل دراسات عليا السنه الجايه ان شاء الله

وماهمتني الوظيفه قد ماهمتني الدراسه


بس المشكله فين !!


أنه قبل أسبوع تقريبا دقت علي وحده كانت طالبة منتسبه و كنت معطتها رقمي لغرض معين

والظاهر هي محتفظه فيه للحين


و مجمل كلامها أنها تبي تخطب لأخوها

وبعد مدح فيني وفي أخلاقي وبصراحه قطعتني مدح و و و و و نفاق واضح

ولا تقول لنا الشرف تكونين زوجة أخوي << كذا قدامي والله ألي ماتستحي

المهم لما قالت عطينا الرقم نكلم الماما اعطيتها بس أستغربت هي اني ساكنه بالرياض والوظيفه مو بالرياض

وحبيت أوضح لها أني تركت الوظيفه وقبل لا أكمل كلامي طاحت علي أسئله

ليه !! وكيف !! ومتى !! وأنا تلخبطت وحاولت أوضح لها باللي قدرت أجمعه من كلام

باين من كلامها أنها مصدومه أني تركت الوظيفه وكأنهم جايين بيخطبون وظيفتي مو انا

وبعد فتره أنتبهت لنفسها وحست بارتباكي وقالت مو مشكله << قهرتني بكلمتها هذي كأنها تبي تتصدق علي بأخوها


وإلى الآن لا دقوا ولا هم يحزنون


بصراحه فكرت بكلام أبوي كثير وأنه صدق بكل كلمه قالها هو و أمي

كان يقولي أستني لما تتوظفين رسمي والكل راح يخطبك وأفضل الناس بعد

معقوله أقبل بناس مايبوني أنا يبون وظيفتي والله شي يقهررررررر

أمي تحاول تقنعني أن مافيها شي ان الناس تدور الموظفه بس أنا ماعجبني كلامها ألا قلة رجوله فيه



بس ألي قاهرني لهالدرجه صارت الوظيفه مهمه في إختيار الزوجه ؟؟

وش يبون من وظيفتها ؟؟ عشان تصرف على نفسها وتريحهم ؟ وين قوامة الرجل على المرأة ؟



تنصحوني أكمل دراسات عليا ألي أتمنى أني أكون دكتوره عبير ولا أتوظف عشان عمري مايضيع علي؟

لأني سمعت ان ألي تكمل دراسات عليا ماحد يبيها لأنه يخاف تكون أعلى منه ومغروره بنفسها وتهمله


أعذروني على النفكير لأن تفكيري مادري كيف جاي هالأيام << محتاااااااس

كملي دراستك والله يوفقك ............
احسن من تجلسي في وظيفتك وهي مو شي وبعد 10 سنوات (لا قدر الله مكروه ) تصيرين لا زوج ولا وظيفه ..........
اختي حرام تحرمين نفسك من المستقبل المشرق اللي تتمنين تشوفين نفسك فيه وكمان تنحرمين من الزواج ..........
ايهما افضل عانس دكتوره ولا عانس على قدها ههههههههههههههههه
بس انصحك نصيحه انت ادرسي ماستر وبعده خذي راحه فتره طويله لحد مايجيك عريس(هذا لو ماكانتي متزوجه وان شاء الله ربي يوفقك ويرزقك قبل ماتخلصين من الماستر)))))))))
لانه فعلا اذا فكر احد يخطب وقالو له دكتوره يحسبها عجوز كبر جدتي
اما اذا قالو معاها ماستر شوي مهضومه .............

توكلي على ربك ..........
وربك كريم يرسلك عريس .............

الله يرزقنا واخواتنا ازواج صالحين وذريه صالحه ..............عاجلا غير آآآآآآآآآآجل

ههههههههههههههههههههههههههههه أضحك الله سنك

والله انا عندي عانس على قدها اهون من عانس دكتورة
على الاقل عانس على قدها متحسرة على الزواج بس
اما الدكتورة لأنها دكتوة تحس انها تستاهل الافضل وعانس بعد
طبعا في النهاية كلها تحرق القلب




اقول عبير عندي اقتراح حلو.. شرايك تتوظفين بأهلية يجونك خطاطيب بالهبل مع ان الراتب مايسوى هههههههههههههه مثلي بس انا سبحان الله يطيرون...


شوفي يالغلا اتذكر اخواني كلهم بالرغم ان ماديتهم مرة كويسة ماشاءالله

كانو يقولون نبي موظفة( ماهو شرط بس يفضلونها) عشان تساعد نفسها

لأن صرفية البنت الحين مرة عالية.... واغلبهم تزوجو عاطلات..

يعني الشغلة مو استغلال زي ماهو تفكير بالمستقبل..



بس فعلا فيه بعضهم تحسينه شرط اساسي عندهم

ع فكرة انا مرة دقت وحدة تخطبني قالت لامي هي مدرسة صح؟ قالت امي ايه في اهلية

قالت امه يوووووه الولد يبي موظفة زي الناس <<< يعني انا مو زي الناس


زين اجل الله يوفق بنيتكم ويوفق ولدنا وسكرت!

والله العظيم ياعبير اني فرحت تدرين ليه؟ هذا شكله طفران مامعه شي كيف بيعيشني دام اهم شرط عنده موظفة حكومي!

وش ابغى فيه اتزوجه الله يخليك؟ بتصير حياتي عذاب ماحس اني عندي رجال يصرف علي

حتى اقول بنفسي اشوى الحمدالله ماجو وطلعت عليهم وحالة

يعني احمدي ربك خيرة من رب العالمين ان شاءالله

ربي يعوضك ياكريم

__________________
اللهم لك الحمد والشكر
"ولئن شكرتم لأزيدنكم"

يا قلبي يا عبير

حاسه والله فيك لأني ماره بنفس وضعك يوم كنت بأول السنه هذي ماجدد عقدي

واتصلوا علينا ناس بيخطبون ويوم اعرفوا اني قاعده بالبيت ولا جدد عقدي

انسحبوا واختفوا كأنه فيني عله أو اعاقه واتذكر كتبت هنا بالمنتدى عن قصتي


بس الحمد لله يا عبير على كل حال


الله يرزقهم ويرزقنا

ويعوض صبرنا خير

مادري وش فيهم الناس اذا جوا يخطبون كأنهم مانين على أهل البنت بولدهم

حتى لو كان الولد فيه عيوب

بس البنت لو فيها عيب بسيط صار وش كبره بعيونهم وصارت البنت ماتنفع

الله يرحم الحال

مادري وش فيني انطلقت بالكلام

يمكن علشاني مجروووحه من هالموضوع لين قلت بس

وخصوصا إني الحين أمر فيه وضع ما يعلم فيه إلا رب العالمين




وبالنسبه لدراستك

شوفي حبيبتي حققي طموحك و كملي تعليمك

واللي تبينه سويه لأن الدراسات العليا بهذا الوقت مهمه

مثل ماتشوفين بكالوريس هالأيام ماينفع

أمني مستقبلك بعد الله بالدراسات العليا أفضل من ناحية المستقبل الوظيفي

والله يوفقك ويرزقك بالزوج الصالح اللي يسعدك وتسعدينه

__________________
صبرٌ جميل والله المستعــان ،،
الحمدلله على كل حال ،،

طيب اذا انا موظفه هل يفكر الزوج ان بعطيه ريال ولا بسدد غواتير ولا اجار بيت ولا حتى بصرف فلوسي على نفسي؟؟؟
استغرب يتزوجون يقولها بفلوسك اشتري لنفسك اي شي لما تطلب منه ريال ياويلها يعني انا زوجه فقط لفرش مصاريفي على نفسي انا ادفعه حتى لو مرضت وتقطعت من المرض هو ماله خص

وش الوظايف الي عندنا انا من تقولي وحده انا موظفه على طول اعرف انها معلمه

صراحه صادقه


اغلب الشباب صار تفكيرهم مادي

وخاصه من ابو الفين

مايبي الا موظفه

بس سبحان الله دايم اللي يشترط هالشي يكون فيه خلل

__________________
عذراً ، الصورة الرمزية مخالفة ولابد من تغييرها حتى تستمر فاعلية العضوية

الادارة

التوقيع

كملي دراستك والله يوفقك ............

__________________


فإذا كان الوداع صعباً فالفراق أصعب الوداع يا هل المنتدى

والله مافيه فرق بين اللي خطبوني وانا مو موظفة واللي خطبوني بعد الوظيفة ..

وغالبا اللي يبون وحده موظفة يكون الخاطب راتبه قليل .. او فيهم صفة البخل ..

ولازم تحطين في بالك اذا جتك وظيفة رسمية وبعدها انخطبتي لازم الشرط الاساسي الراتب لك ..

والله يوفقك ويرزقك الزوج الصالح ..

شكله بيجيني إنفصام أنا من كثر ماأقرأ وأسمع كلام يضــــــاد بعضه !!

بالأخير ياعبير إنت ِ شوفي نفسك وش تميل له ؟

تبين تكملين كمــــــــلي دراستك وربي يوفقك ماعليك من أحد

إن كان فيه من بيتزوجك علشان وظيفتك بيجي غيره مايبي متوظفة

وإنت لاتصيرين تابعة لرغبة أي أحد ألزم ماعليك نفسك ورغبتها مدامك ماشية صح

واللي تقولك وش أفضل عانس دكتورة ولا عانس على قد قدها !!!!!!!!

وش هالمنطق الله يرحم والديك ِ يعني حكمتي إنه الوحدة معنسة معنسة <<< ياكرهي لهالكلمة

شوفي ياعبير أنا تفكيري أكيد يختلف عن تفكيرك لذلك ماأبي أقولك رأيي في الموضوع

وممكن يصير مش على رغبتك لذلك أترك لك الحرية في الإختيار بين الدراسة والوظيفة

لأنه كلها معقولة وماعليها كلام لأهم ماتجلسين كذا بدون شيء فهمتيني ؟!

ورزقك اللي ربي كاتبه بيجيك حتى لو كنتي جالسة بدون دراسة أو معك دكتوراة

الله يوفقك وييسر أمرك وأمرنا .

بس فيه فرق انو تصير ماحققت حلمها بسب انتظارها للمعرس وخوفها انو مايجيها عريس بسبب نوع دراستها وبالاخير لم تحقق اى هدف او اى نجاح وتتحسر اكثر لا هي تزوجت ولا كملت دراستها ..........والفرصه ماتتكرر والعمر اذا راح مايرجع عشان يدرس الشخص من اول وجديد ......قد تحصل لها فرصه هذي السنه وقد لا تحصل عليها في السنوات القادمه ........
صحيح كلهم عوانس بس اقل شي الدكتوره حققت شي لذاتها ..........

بس حبيت اوضح وجهة نظري .............