السلام عليكم

اليكم طريقتي اللي سويتها امس و طلعت يم .. أول مره أجربها و ظبطت معاي و بصراحه لطشت الطريقه من اختي ......

المقادير

كيكه عاديه ( بيتي كروكر او العلاي او اي نوع تستعملين او حتى الجاهز )

كاس نسكافه

ملعقة دارسين ناعم

رشة فانيلا

دريم ويب

فنجان حليب سايل

قشطه

هيرشيز سايل + شرايح + حبتان جالكسي مبشورتان

الطريقه

سوي الكيكه بصينيه مدوره او مستطيله المهم مش اللي مفتوحه من النص

اخلطي النسكافه ( تكون دافيه ) مع الفانيلا و الدارسين و شربيه الكيكه و هي حاره توها طالعه من الفرن و خليها تبرد بالثلاجه ..

لما تطلعينها اقلبيها على مهلك بطبق التقديم و اخلطي الريم ويب مع القشطه و فنجان حليب سايل
زينيه بالهرشيز السايل و انشري عليه الشرايح مع الجالكس المبشور و خليه شوي بالثلاجه و طلعيه قبل التقديم بشوي

عسى تعجبكم و الف عافيه