نفسيتي تدهورت بسببكـ.....تفضلوا عشان تعرفون كيف انا طورت نفسي وماعاد يهمني الزواج ...
السلام عليكم ورحمة الله وبركاته
اهلين في الجميع .. الاكيد انكم ماحفظتوا اسمي لاني من فتره طويله ماجيت عندكم
وفي هالفتره ارتحت كثير وتحسنت حالتي النفسيه كثيييير
وكانت نص الحاله النفسيه اللي فيني سببها انتم .. اي نعم انتم
احب اعرفكم على نفسي
انا عمري 29 سنه سبق لي وتملكت وقبل الزواج بيومين وبعد مارتبت كل شي
ووزعنا بطاقات الزوج ............... مالله كتب النصيب
يعني بدون تفاصيل كنت عايشه معاه في السماء وفي يوم وليله انرميت في الارض
صارت مشاكل كثيره غريبه
واكيد جتني صدمه .. ولكن بعد الاستخاره رفضنا بعض وكلن راح في حاله .. اللهم لك الحمد .. خييييره
وبعد هالازمه انا قلت لازم اكون قويه واطلع للناس ولاكأن شي صاير
وفعلا هذا اللي صار .. ومرت الايام وانشغلت بنفسي
ومن بعد ماتعرفت على هالقسم .. وصرت اقرا كلامكم .. تأثرت مرررررررره
وتدهورت حالتي النفسيه .. وصرت افسر كلام الناس ونظراتهم لي على كيفي .. وانهم راحميني
ويقولون مسكينه ماتزوجت .. وعلى هالحال تغيرت شخصيتي
صرت ماأحب اجتمع مع بعض المتزوجات وأكره سوالفهم .. واسألتهم ليه ماتتوظفين وش وراك انتي فاضيه
ومن هالحكي
مريت في فتره اكتئاب تقريبا شهرين ماأختلط مع اهلي وابكي كثييييييير
ولعب فيني الشيطان مره بكثرة الافكار الشينه .. في عريسي السابق .. دايم افكر فيه
في الليل وفي النهار << اكيد من الفراغ النفسي والعاطفي
المهم .. ولله الحمد
ابشركم اني بديت مشروع والله فتح علي بالافكار الحلوة واللي لازلت ابحث فيها
وهالمشروع اشغلني بشكل ماتتخيلون صرت انام واصحى وانا افكر فيه وابحث عن افكار احلى
واللهم لك الحمد اني نسيته ونسيت الافكار السودا .. وماعاد صرت اجي عندكم
صرت ابحث عن مواضيع فيها ضحك ووناسه ...
عشان ننسى ضيقة الصدر اللي فينا
لازم نبحث عن اللي يشغل تفكيرنا ... اي شي حتى لو كان تافه .. اهم شي يكون شي جديد علينا
عشان نفكر فيه كثيير ... وننشغل عن التفكير في العرس
وفي الختام اتمنى تفهمون مقصدي زين وماتحكمون علي بشي مااتمناه
وتقبلوا فائق تحياتي واحترامي ... والله يرزقني ويرزقكم ويعوض صبري وصبركم
29-07-2007, 10:01 AM
ضوابط المشاركة
العرض الشجري