تعــــــــــــالو شوفو حــــــوار الازواج الاغبيــــــاء

--------------------------------------------------------------------------------

الاغبياء


*وين بنروح اليوم؟؟
*مدري.
*وشلون ماتدري...زهقانين ودنا نطلع مكان.


*طيب خلاص...حددي المكان اللي تبينة
وانا حاضر...بس اهم شي لايكون زحمة
ويكون مكيف ولايكون بعيد.

*يعني نروح لجيرانا افضل.
*والله يستحسن خاصة ان البنزين غالي واذا
تأخرنالازم نتعشى في مطعم ودااااري لازم
تشترين شي من السوق(ماله داعي المخاسير)

*افف،ياخي مامليت من بيت الجيران والقيل
والقال وماغير كل ياكل في لحم الثاني،
طيب على الاقل خلينا نروح بيت
ابوعبدالرحمن،صحيح بعيد لكنهم ناس
في حالهم،مالهم بأحد غير انفسهم.

*اذا رحنا لأبو عبدالرحمن بزهق كل كلامة
عن العقار والسوق وشلون بيستثمر
فلوسة،والمشكلة انة لايشغل التلفزيون
ولايلعب ورق ولاشي ابد،وش اقعد اسوي معة.

*طيب خلينا نروح بيت اختي.
*يااااااثقل دم زوجها،شايف نفسة على ايش
مدري من يوم الله فتحهاعلية وصار
مقرش محد يقدر يكلمة ويااالله يرد السلام.

*ياربي..انت موعاجبك احد،يعني حنا
اللي مافينا عيوب؟..ناظر نفسك
لويتصل اخوك تصرفة وانت لامقرش
ولايحزنون،ولايوصل اخر الشهر
الا مامعك غير(200)ريال،ومالك خلق تكلم
عيالك،حتى انا..ياللي انا زوجتك كل
حكيك معاي وش طبختي؟متى جوالعيال؟
ومتى راحو؟عمرك مافكرت تقولي مشتاق لك
قومي نطلع انا وانتي لحالنا
نغير جو،ودي اسولف معك نتناقش في
امور العيال،لكن خلي احد من ربعك..

*بس..بس..حشى،اعوذبالله،سحاب وانفرط،كل
هذا فيني؟!كل هذا عشان قلت رجل
اختك؟البايخ الماصخ...كل هذي عيوب
فيني ياللي محسوبة علي مراه في
البيت،كل شي الشغالة تسويةحتى كاسة
المويةهي تجيبها لي،3عيال خلو
وزنك 100كيلو،المكياج ماينحط
الالصديقاتك واللبس الزين مايطلع الا للناس
في العروس التافهه اللي مثل
تفكيرك،ولاانا من المغضوب عليهم،مافكرتي يوم
تتزيني لي ولاقلتي مسكين زوجي
يجي من العمل تعبان مهدود،خليني
اتجهز اتزين على الاقل يدخل يلقاني
افتح النفس،ولاالكشة ياكافي والجلابية
اللي طبختي فيها تقعد الى وقت
النوم وبعد زين لو تغيرت،لاكحل
ولاروج ولا..لا..لا وتبيني اجي اقولك
قومي نطلع،وين النفس اللي تشتهي
تطلع مع زوجه مايطلع زينها الا للناس
وابو العيال الله يخلف علية،ولوتزوجنا
وحدة ثانية،لية ولية ولية؟!

*انا كذه؟!!انا اللي الحين صارت كل
العيوب فيني؟؟!الشرهة موعليك على
اللي صابره عليك،واذاكان بعد هالعمر
والعشرة ماعاد شكلي يعجبك وش اللي
يقعدني عندك؟

*انتي تهدديني،ابد لاتجي الساعة واحدة
الا انتي في بيت اهلك،وعيالي عندي.

*لية بتستقيل من العمل وبتقعد في
البيت تربيهم؟؟

*بتزوج طبعا،اجل بعيش على ذكراك؟!!

*بعد!!لاالحين بروح وش يقعدني للساعة
وحدة يا.. يا..يا..

*اقول قبل ماتروحين انتي طالق!!

وانتهى الحوار المرير..العقيم اللي للأسف
يحصل مودائما ولانادرآ،يحصل بمعدل لابأس بة
ولية؟عشان الروتين القاتل اللي حتى
مانطلع انفسنا منةولو بحوار ذكي منمق
هداف..مثل لاعب الكرة يحتاج الى فن حتى
يصيب الهدف كذالك الحوار لابد ان نتفنن
فية لنصل الى هدفنا بدون وجع راس
ولافلان قال ولافلانة قالت(مالي ومال الناس)قال الرسول"عليك بنفسك"حنا بس لونركزعلى
انفسنا ونترك الناس في حالها،آآآه،ماكان
هذا حالنا "والحياة حلوة بس نفهمها"ولايعني
هذا ان ليس هناك من هو جدير بالحوار
،لابالعكس،ولكن نطمح للأفضل
(وبصراحة)ودي هالظاهرة تنتهي تندفن تنعدم..تتمزق ..تنحرق اختارو
الوسيلة ولكن في حالات لابد من اعدام هذة الظاهرة..ستكون الوسيلة العقل
اللي جمدناه ونسيناه ماعاد نستخدمةالالمراقبة الناس..ومن راقب الناس مات(غبــاء)

تراه منقول بس عجبني وحبيت الكل
ينتبة واتمنى افدتكم
وشكرا
hoj;l fkts[

__________________
ليس كل ما يلمع ذهبا