اخواني اخواتي اعضاء منتدى عالم الحياة الزوجية ... السلام عليكم ورحمة الله وبركاته ..

انا متابعة المنتدى من سنوات صح ان ما لي مواضيع كثيرة لكن انا اتابع مواضيعكم خلف الكواليس ...

احزن لحزنكم وافرح لفرحكم

انا حالتي ليست احسن من بنات المنتدى .... لكن رجائي بالله كبير .. الله يشرح صدري ويهون علي مصيبتي .. قولوا امين

قصتي كالآتي ..

انا يجوني خطاب لكن على طول تتفركش السالفة ...

الا في يوم من الايام ..

انخطبت ( تقريبا قبل 10 شهور) .. دقوا علينا وامي انبسطت لان الولد ما شاء الله مواصفاته حلوة ... ومن زمان ما جاني رجال بهالمواصفات ...

يوم قالت لي امي ... من شد الفرحة بغيت اصيح .. (لان مواصفات الولد مطابقة فعلا للمواصفات اللي اتمناها في فارس احلامي واتوقع ان كل بنت تتماناها .. لولا انه يدرس في الخارج .. بس على قولت امي ما كلن يكمل ...)

صليت واستخرت ومرة انا مرتاااااااااااااااااااحه....

لدرجة اني في ذيك الليلة ما جاني النوم بس افكر .. اذا جت تشوفني وش بلبس .. وكيف اخلي مكياجي .. كيف بتصير ملكتي ووش بحط .... ووش بزين يوم الزواج وين بفصل فستاني .. اخلي زواجي عائلي والا كبير ..

واتخيل نفسي انزف قدام الناس والابتسامة شاقة وجهي .. وكل شوي ادعي واقول الله يتمم علي هالخطبة .. وارتاح من كلام الناس..

دقت ام الولد بعد يومين وواعدتها امي علشان تجي تشوفني .. كنت مره مرتبكة لاني اخاف يصير مثل اللي صارلي قبل لمن يجون يشوفوني ما عاد يكلمون .. بس كان عندي امل ان هالمره بتضبط .. وبيتم كل شي .. لبست وتجهزت وقعدت اسوي بروفات قدام المرايه اول ما ادخل وش بقول وكيف بسلم عليها

رن الجرس طمرت امي عند الباب .. استقبلتها ودخلتها بعدين دخلت بالعصير .. والله من شفت الحرمة وانا مرتاحة مرة طيبة ودينة وحبوبة ... وهي بالمقابل اعجبت في شخصيتي وقامت تمدحني عند امي ..
يوم طلعت قالت لي امي شكل هالمره بيتم الموضوع ... بس تقول امي بحكم ان الولد يدرس برا الام قالت لي انها ما راح ترد الا بعد شهر اذا جا لاجازة الكرسمس 2006... والله ما تتخيلون وشلون كانت فرحتي ...

ما نمت من الفرحة ودي ابشر بنات خالاتي وصديقاتي .. يا ربي وشلون بصبر شهر.. وودي اتملك بسرعة علشان اقول لصديقاتي اني تملكت .. كنت اتخيل ردت فعلهم ووشلون بقول لهم .. لحظات حلوة ما كنت متخيله اني بعيشها ...

بلا مبالغة تعلقت فيه مره على اني ما شفته ... حتى امي دايم تفتح موضوعه قدامي ... واذا جا طاريه يفز قلبي .. صار اكبر تفكيري .. اسهر الليالي افكر وشلون بدخل للشوفة ووش بقول .. مر هذاك الشهر وانا بحلم حلو .. ما قلت لاحد عنه ولا اقرب صديقاتي .. اقتداءا بقول الرسول صلى الله عليه وسلم ( اقضوا حوائجكم بالكتمان) ... وكنت دايم ادعي ربي انه يستر علي ويزوجني الرجل الصالح .. والحمد لله رزقني اياه

كنت دايم اردد قوله تعالى : (فان مع العسر يسرا .. ان مع العسر يسرا ) واتفكر بالاية لانه فعلا كنت في موقف عسير والحمد لله تيسر ..

جت اجازت الكرسمس وخلصت ولا حس ولا خبر .. سافرنا ويوم رجعنا قعدت اقلب الكاشف اشوف ارقام المتصلين علينا ما لقيت رقمهم ..( حتى من كثر تعلقي فيه حفظت رقم بيتهم ) ..

ومر شهر ثاني وانا اعذر لهم يمكن صار لهم ظرف يمكن ما جا من الخارج .. لكن استمرت الحاله لين صار الموضوع له 5 شهور .. ولا صار شي .. صار كنه فقاعة صابون ونفقعت ... ضاق صدري .. احبطت ليالي تمر علي وسادتي تنعصر من الدموع .. اتعوذ من ابليس واقوم اصلي ركعتين ادعوا ربي انه يخفف عني يفرج همي .. لكن همي زاد هم لمتى وانا على هالحال ؟؟؟ متى تنفرج ...

عندي احساس قوي انه بيجي ... بس ما ابي اعلق نفسي بوهم ... والله تعبت وتعبت نفسيتي ... دعيت ولا زلت ادعوا ربي انه يفرج همي ... الحين اغلب بنات اقاربي اللي اصغر مني واللي اكبر تزوجوا وانا لين الحين ما فرحت ... والناس يزيدون همي هم .. متى تتزوجين؟؟ وراك تأخرتي ما تزوجتي؟؟ غريبة يا ...فلانة... ورا ما تزوجتي ؟؟ والله صار عندي فوبيا من هالاسئلة .. اكون كل العزيمة وانا متوترة اخاف احد يسألني هالسؤال ..

مرت الايام وبديت انساه وسليت عنه شوي .. لكن خالتي تعرف بامر خطبتي ... وذاك اليوم على بالها بتنصحني قالت وش صار على موضوعك؟ قلت ما صار شي .. قالت ليش ؟؟ قلت النصيب يا خالتي .. قالت لا وش ذا الكلام مو معناته انه يبي يسافر تردينه وقعدت تنصحني وانا العبرة صايدة حلقي ما ابي ابكي قدامها ولا ادري وش اسوي ؟؟

رجعت لي همومي .. قعدت كل ذيك الليلة في غرفتي ابكي على حظي ... والى الان ما جفت دموعي .. وش اسوي بعمري .. ودي اتزوج وودي اجيب اطفال وودي اعيش حياة مستقرة وسعيدة ... لكن يبقى السؤال متى ؟؟؟؟؟؟؟

... اللهم لا اسألك رد القضاء ولكن اللطف فيه ...

الله يعوضني خير .. اللهم ااجرني في مصيبتي واخلفني خيرا منها ..

وفقني لما تحب وترضى ..

ادعوا لي اني اتزوج قريب ... واعيش حياتي مثل غيري ... واسد حلوق اللي يقولون ليش ما تزوجتي لين الحين

قولوا آمين ... الله يرزقني الزوج الصالح وجميع المسلمات يا حي يا قيوم

اسفة على الاطالة ولكن حبيت افضفض وما لقيت انسب من هالمكان .. يخفف عني همومي

تقبلوا تحياتي ولا تنسوني من صالح دعاءكم في ظهر الغيب

معقوله فيه ناس كذا يختي على الاقل من باب الادب اذا ماودهم بذا العرس يزهمون ويقولون خلاص

مهنا نصيب

يالغلا صدقيني ما تدرين وين الخيره فيه

انتي بس وكلي امرك لله وهو كفيل بك سبحانه

استغلي شهر رمضان بالدعاء

الله يرزقك الي يستاهلك ويعوضك كل الخير يارب

اختك بالله جينز

__________________

علشان كذا انا حاسه انهم بيكلمون لانهم ما انهوا الموضوع

لكن لا زلت ادعو وادعو .. ولم اسأم من الدعاء

شكرا اختي على ردك وتقبل منا دعواتنا انه قريب مجيب

ربنا يهون عليكى اختى
ويرزقك الزوج الصالح فى هذا الشهر الكريم
يارب ويعوضك خير يارب العالمين

__________________
ربى لا تذرنى فردا وانت خير الواثين
ادعوا لى بالذيه الصالحه

اعجبني هذا الرد

اختي اذا كان مكتوب لك بيرجع واذا لا قد يكون خيره

الله يعوضك ويرزقك ويرزقني وباقي أخواتي

__________________
ياودود ياودود ياودود ياذا العرش المجيد يافعالأ لما يريد اسألك بعزك الذي لايرام وبملكك الذي لايضام وبنور وجهك الذي ملأ اركان عرشك أن تفرج همي وتهدي زوجي .

اشكرك فتاة الاسلام .. الله يتقبل منا منكم

اسعدني مرورك اختي زهرة ... كلماتك رائعة .. بثت في التفاؤل .. اشكرك ثم اشكرك

الله يرزقك واخواتك ما تتمنون


اشكرك ليالي على الرد .. فعلا اذا كان فيه خير بيرجع .. لكن سئمت من الانتظار

مليت لين متى وانا على هذا الحال .. لكن ما اقول الا الله يفرجها علينا قريب وتصير صحية المنتدى الصيف الجاي كل البنات يتزوجون ... وما يصير فيه عوانس ابد

نصيحتي الشخصيه واظبي على قراءة سورة البقرة ولا تخبري اي احد من قريب او بعيد عن خطبتك هذه المره

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

شكرا على نصيحتك اختي نايت .. انا الحين لي اسبوع وانا اقرى سورة البقرة ومحافظة على اذكاري ..

انا ما قلت لاحد عن خطبتي لكن خالتي تدري لانها هي اللي دلتهم علينا ..

الله يجزاكم خير وويوفقكم ويرزقكم والله فرحتوني برددودكم اللي تدل على انكم مثل الاخوة

الله يرزقك الزوج الصالح انتي وبنات امة محمد اجمعين
وكل اشي قصمة ونصيب
وتوكلي على الله إلي احن من الام على ولدها .