السلام عليكم ورحمه الله

مشكلتي باختصاران زوجي دايمايقولي لاتدخلين على ايميلي لأن هذه من خصوصياتي وهويفتح ايميلي ويقرأاللي فيه.قلت له مافي بين الزوجين اسراروخصوصيات وهو ملتزم ولله الحمدبصراحه ماعمري شكيت لكن كلمته اثارت فيني الفضول.ومره دخلت على ايميله وجته رساله من احداصحابه وفيهاصوره شابين منزلين بناطيلهم لكن لابسين فانيله طويله وهذه موضه اسمهامطيحني لوسمعتوفيها.بصراحه تضايقت لماشفت الصوره وارسلتها على ايميلي ويعلم الله لم اكن اقصدمن وراها الا كل خير وارسلتها لمن احب عشان مايعلمون اخوانهم اوعيالهم الموضه الغريبه هذه.زوجي تضايق لمادخلت على ايميله واللي زادالطينه بله الصوره هذه يقولي في رسائل تجيني مبغاك تشوفينهاولاارسلهالك وانتي ترسلينهالك.وامطرني بوابل من السب والشتائم واسبوع كامل حياتنا بين مدوجزر.ويعلم الله حالتي النفسيه تزدادسوء.لأني مدمنه نت.وفجأه يحرمني منه وغيرالرقم السري ويقول بيطلعه من البيت.وانااعتذرت منه .ولكنه لم يقبل اعتذاري,مع العلم ماني مقصره معاه اي شئ يطلبه اسويه له.وانا اللي خلاني اتعلق في النت لأنه بعيدعني مايسولف معي اغلب سوالفه توجيهات وانتقادات وعلى الصامت مايكلمني الااذاكلمته وحياته اكل ونوم وانترنت والاعنداصحابه اوعنداهله ولافي الدوام واحنايدخل علينا حتى كلمه سلام عليكم مايقوله سواءكان راضي ولازعلان.مع اني ارسله رسايل حلوه وادلعه ياحبيبي وياقلبي وانا والله ماقدحسيت انه مهتم فيني اوسوى لي شئ يدل انه يحبني.ولمااطلبه فلوس دايم يقول ماعندي الامتى وهوماعنده لكن اذابغى شئ لنفسه تطلع الفلوس.حتي جوالي كنسل الرقم لأنه فاتوره وبيطلعلي بطاقه.ويسوي اشياءكثيره مايستشيرني فيها.واذاجيت اروح لأحدتحقيق وليش لحدماتنسدنقسي على الطلعه.ووووووووووووووو.
ماراح اخلص وانا اذكرصفات زوجي.ومع ذلك صابره ومتحمله وماقدابديت تذمري.وماصفي لي الا النت هذااتسلى فيه وبيحرمني منه والله كل ماتذكر احس بضيق عجيب واقول ليتني ماتزوجت وش فايده الزواج اللي زي كذا.والله اني مقهوره قولولي وش اسوي وماخليه يحرمني منه.

تكفون بالله قولولي كيف اقنعه.لأن مافي بيت مايخلى من الانترنت.واخواته صغاروعندهم لابتوب لحالهم وتلفزيون بدش في غرفه نومهم.وانااستفيدمن النت وخصوصا من موقع الكليه واتعلم طبخات جديده واتعلم اشياءجديده عن الأطفال.