السلام عليكم

انا وحده متزوجه من 3 سنين و عمري 23 و زوجي 27 سنه

مشكلتي اني ما اعرف اعبر عن رايي و عن اللي في نفسي و خاصه مع زوجي

زوجي من النوع المتسلط و شخصيته قويه و انا العكس شخصيتي واااااااايد ضعيفه و خاصة مع زوجي

ما اقدر اعبر عن اراءي معاه ..ما اقدر افرض اللي انا ابيه ...زوجي متحكم بكل شي في حياتي

متدخل في كل صغيره و كبيره حتى في الاشياء الشخصيه

يفرض علي كل شي حتى اللي انا ما ابيه و ما اقدر اقوله لا

في بداية زواجي كنت اعتقد ان اللي اسويه عدل و ان الزوجه المفروض تسمع كلام زوجها

و ما حسيت اني غلطانه الا الحين

بعطيكم مثال: في بداية زواجنا عزمتني وحده من قريباته (بس انا كنت في بداية حملي و كنت تعبانه و ما كان عندي شي حلو ألبسه كل اللي عندي ملابس عاديه ما تصلح للسهرات) و هي شكلها ما كانت تبي تعزمني بس اضطرت تعزمني.. المهم انا قلت ما بروح بس زوجي قال لا عيب لازم تروحين قلت له تعبانه قال معليه عشان خاطري (ما قدرت ارفض و رحت عشانه)

بعد اسبوع كانت امي مسويه عزيمه بمناسبة نجاح اخوي بالثانويه و لما قلت حق زوجي ما خلاني اروح (و سمعت كلامه)

الحين انا ابي حد منكم يساعدني و يعطيني طريقة تخليني اقوي شخصيتي خاصة مع زوجي لاني خلااااص شوي و بنتحر من المللل اللي عايشه فيه
يعني من اول ما تزوجت لحد الحين و انا ما اسوي شي على كيفي كل شي هو متدخل فيه

و الحين يقولي بعد الولاده ما تروحين بيت ابوج..بتكونين الاربعين في بيتج (و انا متضايقه من هالشي لان الاربعين بيكون في رمضان و بيتي وااااايد بعيد عن بيت ابوي يعني محد يقدر يجيني كل يوم خاصة في رمضان)

و الله تعبت مب عارفه شاسوي و شاقول حق زوجي عشان اقنعه بدون ما تصير مشاكل
(انا اتكلم معاه بهدوء و اختار الاوقات المناسبه بس زوجي ما يعطيني فرصه اتكلم على طوووول يقول لا قبل ما يسمعني و لما اقوله اسمعني لين ما اكمل كلامي يقول اوكي كملي كلامج بس اخر شي الجواب لا)

و الله ما ادري العيب فيني و لا فيه

ارجو مساعدتي

1- شلون اقوله لا و ارفض اراءه بدون ما ابين له اني اعانده؟

2- شلون امشي كلامي و اقنعه باللي انا ابيه؟

__________________

غزيزتي لازم يكون عندك كيانك الخاص زوجك من النوع الي يعتقد ان رجولته في كونه هو من يقرر في كل شيء... لكن الزواج مبني على التفاهم على المساواة.... لازم تعبري على رايك... و الان بعد 3 سنوات ما تقدري تتغيري فجاة معه مارايح يتقبل و هنا سوف تبدا المشاكل...
يقال ان السنة الاولى هي الاساس في الزواج... مالازم كل شيء يكون بنعم خاصة اي شيء مو مقتنعة بيه... انت مو ضعيفة الشخصية بس بين انك تحبيه م ما تحبي المشاكل...
زوجك عنده 27 سنة يعني لسات ما نضج او ممكن يكون هدا الشيء راجع لتربيته و تاثيره باصدقاءه...
انا مخطوبة مو متزوجة بس انصحك تتحاوري معه ولما يقولك بلا ما تكملي لا لا. بيني زعلك اتدللي شوي عليه قومي بواجباتك من اكل و... و ما تحدثيه نامي بهدوء يعني ما تزوديها بس ما تكتمي زعلك جواتك و ترضي زوجك و كان شيء ما يحدث لانه احيانا السكوت يعني الاستسلام و الرضخ و هدا سيشجعه عى ان يكمل عناده... حاولي اولا طلب اي شيء بالتودد و بطريقة تجدبه مثلا حبيبي ان كنت تحبني بصحيح خليني اىوح عند بابا و حاولي اغراءه... و ان لم تنفع معه هده الطريقة عليك بالدفاع عن دورك في اتخاد القرار لكن دون خصومات....
ان شاء الله اكون خففت عليك

عزيزتي لما طال غيابك
نرجو منك العودة سريعا