__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

عندي لك طريقه جربيها وحتدعي لي بس بدها قلب قوي..
اذا قال لك مابدي أروح عالروضه فيقيه من عابكره الصبح وخليه يشتغل معك بالبيت جيب هاد خد هاد وين الشغله الفلانيه أشغليه مزبوط عم تفهمي علي واذا تملل قولي اذا بضل هاد شغلك واذا بتفوت عالروضه بعفيك وصدقيني حيبوس اجريك كرمال يروح ومايضل.. هاي جربناها على صبيه ومشي الحال..جربي بلكي بتزبط معك..اي استفسار بأمرك..الله معك

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

السلام عليكم ...

اولا ...هل انتي ام عاملة ام ربة منزل ؟؟؟

فان كنتي ربة منزل .. فرأيي انتظري للسنة القادمة ...فانتي اولى به وهو اولى بك ...

اما ان كنتي عاملة .. فساخبرك بطريقتي مع اطفالي ..لكن لازم تقوي قلبك ..

اول يوم روحي معه ... طبعا سيلتصق بك ... ابقي معه حوالي الساعة داخل الفصل ... ثم اخرجي واجلسي على كرسي امام الفصل ....مع التوضيح له لفظيا انك ستبقين معه طوال اليوم ولن تذهبي للبيت ... قد يبكي ويريد البقاء معك خارج الفصل ...فهنا على المعلمة لم الفصل في الداخل ..وعليك التزام الحزم والبقاء خارجا بدون ضعف ..

ثم وقت الوجبة اجلسي معه واثني عليه وعلى بقائه لوحده مع الأصدقاء والمعلمة بدونك وتكلمي معه عن اصدقائه ..

ضروري لما يخرج من الفصل تكوني اول شي يشوفه لتثبتي له مصداقيتك ..

عندما يعود للفصل بعد الوجبة اكدي له مرة اخرى انك بانتظاره امام الفصل ...ولا تدخلي معه ابدا ..

استمري على هذا الحال ان اردتي من يوم واحد الى اسبوع لا يزيد ..حسب ظروفك الوظيفية ..

عندما تقررين انك اكتفيتي من هذه المرحلة التي يجب ان لا تزيد عن اسبوع ولا تقل عن يوم واحد انتقلي للمرحلة الثانية... فادخلي معه واوصليه الى الفصل وقولي له انك ستحضرين لأخذه الظهر ... قد يبكي ..قوي قلبك ..قبليه ..وسلميه للمعلمة واذهبي ..لا تتردي ..

ما اخذت السالفة مع ابني الا ثلاثة ايام وهو يروح لحاله من غيري ....يوم واحد من المرحلة الأولى ...ويومين من المرحلة الثانية .....رغم انه كان من اسوأ الأطفال في اليوم الأول ...

فالأمر يعتمد عليك كليا وعلى قوة قلبك ..

دمت في حفظ الرحمن ,,,

اهلين saapna81 المشكله اني انا باشتغل واذا ابني شافني بالبيت بطير من الفرحه السنه اللي فاتت كان كل يوم يصحى مع اخته ويقعد يبكي ليه هي بتروح الروضه وانا لا

والحين مابده اناحابه يروح اكتر شي عشان يشغل يومه ويتعلم يمسك القلم ويكتب لانه معي كتيييير عنيد ومابرضى يمسك قلم واذا بعدين بدي ادخله حكومي خايفه يغلبني لانهم بالحكومي باخدوها جد اكتر من الخاص

مشكورة حبيبتي (((بس اذا اتعبني رح اجرب اخد يوم اجازة واعمل فيه هالحركه)))

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

رسيل انا باشتغل وعندي شغاله لكن انا حابه يتعلم ويهدى (((( ابني حركته جدا كتيره))) وفي نفس الوقت يتعلم المشاركه لانه اناني بشكل فظيع وعنيد يمكن مع الروضه يهدى ويقدر يتعلم يكون عشري

انا كنت حاطه ببالي اعمل هالحركه من الاول بس خايفه اذا اخدته غصب يكره الروضه بزياده

مبارح حكيت معه تاني ورشيته حكيتله اذا بتروح معي رح اوديك على الملاهي واجيبلك غزل البنات قام حكالي بروح يوم >>>بدي اجربه واجرب طريقتك في هاليوم ححاول معه لاخر الاسبوع اذا اقتنع انه يكمل بكون ريحني اما اذا تعبني يمكن اقعده مع اني مش حابه اسيبه مع اخوه لانه لحاله محتاج حدا يهتم بطلباته فالشغاله رح تنجن اذا مسكتها الاثنين خاصه انه ابني الصغير لحاله متعب التعامل معه بده حدا شايله طول اليوم والا بضله يبكي

الله يوفقك حبيبتي تسلمي ...

يعطيك العافيه..

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

مهم جدا انك ما تحطين في بالك انه ما راح يمشي ..ولازم تكملي معاه وتخليه يروح ..

اسبوع مو وقت كافي للحكم ...

وطبيعي اسبوع ما راح يرتاح بس انتي جمدي قلبك ..

احكمي بعد شهر على الأقل ...معليش تحملي لمصلحتكم انتم الاثنين...

شكرا الك رسيل ان شاء الله رح احاول الثلاث اسابيع قبل العيد ان شاء الله يوافق و تتسهل لانه كتير رح يريحني اذا فات الروضه خاصه انه كل ولاد خواني وخواتي ياللي بعمره رح يدخلوها السنه مابدي اياه يتأخر عنهم الله يستر

تحياتي الك و الف شكر

الله يوفقك ويسر امرك

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

انا مرت علي نفس مشكلتك مع بنتي الصغيرة لانه هي كانت متعلقة بي كثير و ما كانت ترضى اي احد يا انا يا ابوها لدرجة انه كل ما كانت تشوف حد عندي بالبيت تضل تبكي فلما صارت3 سنبن قلت لازم اوديها على المدرسه علشان تتعود على الناس مع اني كنت عارفة انها رح تغلبني شوي و بالفعل اللي حسبته صار اول يوم وديتها على المدرسة صارت تبكي و تصرخ و تمسك فيي بدها تروح معي لكن كمان المعلمة تبعتها حكت انه الاحسن اني احطها و على طول اروح ما استنى معاها ضلت على هالحال فترة اسبوع او اكتر و انا كنت احزن عليها وقررت انه ادا الوضع بيضل هيك رح اليها بالبيت للسنة اللي وراها بس المعلمة حكتلي اصبري شوي و قوي قلبك و الان ماشاء الله عليها بس اروح اجيبها بتحكيلي خليني كمان شوي ما بدي اروح الا لما اخلص لعب علشان هيك نصيحتي الك انه اصبري عليه شوي و اعطيه وقت لانه اشي مش سهل على نفسية الطفل انه يروح على المدرسة خاصة ادا كان لحله ما في حد من اخوانه او حد بيعرفه معه و موفقين ان شاء الله

ام حسام <<< ياهلا فيك معك حق

انا اليومين اللي فاتوا كنت ماخده اجازة عشان ابني جنني اول يومين قعدة معه بالفصل حتى يتطمن لكن كل ماابعد شوي يبدا يبكي مبارح اتفقت مع المدرسه اني اتسحب واطلع وهي بتلهي عني وبس طلعت يالله ماشفت شو عمل قام يبكي ويخبط بالباب ويصرخ والولاد شافوا صاروا يبكوا (((( شفت الاحراج))) المهم اني قويت قلبي ورحت غرفه المدرسات قعدة معهم وبعد ساعه سمعت صوته بتقولي المدرسه انه بكى بعدين هدي وقعد مارضي يلعب مع الولاد شوي راحت اعطتوا معجون صار يلعب لحاله بعدين حكت قوموا نروح غرفة الفيديو رجع يبكي بالطريق للغرفه المهم انه لمحني لانه الغرفه لازقه بغرفة المعلمات واجا يجري ماتسبيني ماما خليني معك المهم رحت معه للغرفه وقعدة شوي وطول الوقت ماسك عبايتي تقولي رح اجري منه <<< المهم اتفقت مع المدرسه انه اليوم اوديه اسلمه الها واروح شغلي لكن تجري الرياح بما لاتشتهي السفن <<< قام الصبح يبكي مابدي رووووووووووووووضه ويصرخ وحاله تقولي صارتله حاله نفسيه و بس اكلمه لااااااااااا مابدي اياها ماتودينييييي المهم اني انا مش حاكيه لابوه قصة بكاه لانه عارفه زوجي اذا عرف انه ببكي ومابده ر ح يحكيلي ماتوديه وفعلا هدا اللي صار قلي ماتوديه انت بتعذبيه ؟؟؟؟ خلص ماتوديه

حاولت اقنعه انه بس كم محاوله لكنه رفض قلي خلص دام انه مابده يروح ماتوديه <<< اصلا زوجي هو اللي مدلعه عشان هيك طالع جبان بس يبكي بعمله ياللي بده اياه

على العموم رح ارجع اليوم احاول اقنع زوجي اوديه بكره على الروضه اذا مااقتنع رح اضطر اقعده بالبيت

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..