جرحت زوجي و طعنته في رجولته ماذا افعل ؟
السلام عليكم و رحمة الله
اخواني اخواتي انا جديدة على ها المنتدى
و عندي مشكلة كبيرة مع زوجي الغالي
تزوجت زوجي عن قصة حب جميلة و توجت بالزواج
بأول سنة كنا اكثر من سعداء
كنت دائما اسعد زوجي و دائما كان راضي عني
بالسنة الثانية مشاعرنا صارت تبرد شوي شوي
مرة سألت زوجي عن السبب
قلي انو لازمنا نجيب اولاد و غريبة انه الى الآن ما جبنا ولد
كان بيلمح لي اني ما بجيب ولاد
فقلتلو خلينا نروح للطبيب
عارض بشدة
بس بعد شهرين من الالحاح مني و من والدتو وافق
فحت روحي و قال الطبيب ان كل شي فيني سليم
بعد ما فحص زوجي قال انو ما بيجيب ولاد و العيب منو
زوجي جاه انهيار
و صار يكره يشوف اطفال و انا وعدت زوجي و حلفتلو انو مهما صار ما راح اتركووو
رحنا اطباء كثير بس مافي فايدة
عدت شهور ورا شهور
و صار على زواجنا 5 سنين
صار زوجي شكاك
صار يشك اني اخونو
حتى ما بيروح العمل اسبوع و انا اشوفه بالحديقة يراقب مين فايت و مين داخل
و اخر قبل اسبوع فات للبيت معصب
و طلعت عندو حتى اسألو شو في ؟؟
قلي وينه وينه ؟؟ قلت له ميييين
قلي يلي مخبيتيه و صار يدور يدور انا صرخت بوجووو
و قلتلو انو ملييييييييييييت من تصرفاتو و ما اسمحلو يتهمني بشرفي
دفعني و قلي كلو من تربية امك الـ .... يلي ما عرفت تربيكي
؟؟؟؟؟؟
انا انصدمت و قمت و قلتلو مو كفاية اني صابرة عليك ما بتجيب ولاد و ما راح صير ام طول حياتي بسببك كمان عم تكبر راسك علي
هو انصدم و دموعو نزلت مثل الشلال
و انهار و سكر الباب وراااااااه
ها الاسبوع ما بيكلمني
حتى اكل ما عم ياكل
و انا ندمانة على الشي يلي قلتو
رغم يلي بيساويه ، انا بحبو كثير بمووووت فيه و مستحيل عيش من دونو
بيضل حبيبي و قلبي و زوجي الحبيب
و انا خايفة على صحتو كثير لانو صار ما عم ياكل
و ساعات بكون نايمة و بيسمعو بيبكي و بيتقطع قلبي
بس كرامتي ما بتسمحلي احاكيه
لو بيحاكيني هو الاول راح صالحو و سامحو
بس لايمتا ؟؟؟؟؟؟
يا ريت تساعدووووني
و بتمنى ما كون طولت عليكم بالحكي
التعديل الأخير تم بواسطة cutiepie ; 21-03-2009 الساعة 06:47 PM
21-03-2009, 06:45 PM
ضوابط المشاركة
العرض الشجري