السلام عليكم ورحمه الله وبركاته
اسعد الله اوقاتكم بكل خير
اسفه على ازعاجكم بمواضيعي كل شوي
بس والله اني لقيت عندكم النصح اللي مالقيته عند احد وفعلا فادني في مشاكل كثيره
اخواني واخواتي مشكلتي كالعاده مع خطيبي
انا صراحه احس اني طفشت ومو عارفه ايش اسوي لدرجه احيانا كثيره من كثر ماابكي واتضايق احس اني استعجلت اني انخطبت وفكرت بالارتباط
مادري ايش اقول يمكن المشكله تافه بنظر البعض بس من كثر ماانا متضايقه مالقيت مخرج غيركم خصوصا اننا على وشك دخول الامتحانات والنفسيه لحالها معدومه
لذلك رجاء اسمعوني وافيدوني
مشكلتي هذه المره بحكيها لكم بالتفصيل وسامحوني على الاطاله
اللي قراء مشكلتي السابقه عارف وضع خطيبي من انه انسان ساكن لحاله وبصراحه هو انسان عصامي كون نفسه بنفسه ومعتمد على حاله
مشكله خطيبي انه يقول لي احيانا كثيره احس بالوحده مع اني معاه على طول صح هو ببلد وانا بلد لكن دائما احاول اهتم فيه وباي مشكله عنده ومااحاول يمر يوم دون اظهر اهتمامي له ودائما اقوله ان شاء الله بعوضك سنوات الوحده بعد الزواج
حتى هو دائما يقول لي انتي لما تكوني عندي راح تكون حياتي غير
المهم المشكله هي
خطيبي العزيز وزوجي المستقبلي ساكن طبعا بسكن عزاب المهم كان دائما يحكيني عن انه في قطه عايشه معاهم بنفس العماره وكانت دائما القطه هذه متعوده على البشر وكان هو كل فتره يشتري لها شيء وياكلها وانا كنت افرح بهذا الشيء لانه رائفه ورحمته بالحيوانات حلوه والرسول صلى الله عليه وسلم قال بكل كبد رطبه اجر لكن انا كنت دائما اختلف معاه حول نقطه دائما كنت اقوله لاتدخلها معاك البيت وهو يقولي ليش هي شكلها متعوده على البشر وعادي تسليني
وانا اقول له لا لانه يمكن تكون تحمل امراض خصوص انها الله يكرمكم متربيه بالشوارع يعني برضوا مانظمن
وكان احيانا يقول لي طيب ويقوم يطلعها بره بس يوم الثلاثاء هذا اتصل علي وكان يكلمني وانا بكلمه سمعت صوت القطه عالي قلت له هي عندك شكلها كانها بالغرفه قال لا قلت الا قال لا قلت طيب قول والله مو بالغرفه قال من غير حلفان هي بره سكت وقلت له شكلها بالغرفه قال اقولك شيء هي عندي من اربع شهور ماشافت الشارع وكمان جابت اربع قطط صغيره وانا اشريت لها بيت وصرت اربيها هي وعيالها انا مره انصدمت وانقهرت منه قلت له يعني انت من اربع شهور تكذب علي وكل مااقولك طلعها كنت بس تكذب علي وانت مربيها كيف تربيها هذه من الشارع راح رد علي قالي هي متعوده على البشر قلت ايوه بس برضوا ممكن تحمل امراض يقولي لا هي مو شكلها مريض احاول افهم فيه اقوله انه القطط مايبين عليها المرض الا بالمراحل المتقدمه وممكن لاسمح الله تحمل مرض الثعلبه وممكن تحمل مرض السعار وممكن تحمل بكتريا وفطريات مو راضي يفهم ويقولي انتي ماتفهي انا لاني احس بالوحده وعلى الاقل اسمع صوت بالبيت اقوله طيب بس على الاقل جيب وحده نظيفه مو من الشارع يقول لي لا هي نظيفه وانا ماكنت ابغى اقول لكي من اول علشان عارف انك راح تسوي كذا قلت له يعني انت عارف فكره ووجه نظري وخوفي عليك ومع كذا سويت اللي تبغى قالي طيب ايش تبغي وايش نهايه الموضوع قلت له طلعها برى البيت مارضي وحلف مايطلعها قهرني مره حسيته انه ماهمه خوفي عليه ولا همه نصحي له ولا كلامي ورمى كلامي وراء ظهره قلت وانت دائما كذا تخبي علي وتخليني اكتشف الاشياء بالصدفه قال انا اللي قلت لك قلت ايوه ماقلت الا لما اكتشفت انها موجوده بالغرفه على كذا انا اسوي الاشياء اللي انت ماترضاها ولا اقولك واخليك مثلك تكتشف بالصدفه قالي ايوه سوي هذا الشي قلت له بسوي قالي طيب سوي قلت له ايوه راح عصب وقالي خلاص مع السلامه قلت له طيب مع السلامه وقفلت وانا جدا متضايقه منه انا فاهمه انه حاس بالوحده وماعندي اعتراض يربي حيوانات احنا بعائلتنا نربي حيوانات لكن نظيفه مو من الشارع الله يكرمكم وقهرني انه خبى علي واستغفلني له اربع شهور وانا الحين طول يوم الاربعاء مااتصلت عليه ولا كلمته مثل العاده والعاده لما يصير بينا خصام هو عمره مايتصل ويعتذر انا دائما اتصل حتى لو كان هو الغلطان لانه مااحب يطول بينا الزعل لانه الرسول صلى الله عليه وسلم نهى انه يطول الخصام اكثر من ثلاث ايام فانا عاده اخلي يوم يمر واتصل اراضي حتى لو هو غلطان مع اني انقهر منه لانه عمره مايتصل يعتذر ابدا حتى لو كان غلطان ودائما يطلعني اني انا ماافهمه وادور على مشكله معه لما اتصل اعتذر له والحين هو طول الاربعاء مااتصل ولا ليه الثلاثاء وحتى هذه اللحظه لارسائل ولا اتصال وانا مادري ايش اسوي هل اتصل واعتذر منه مع اني ماااشوف نفسي غلطانه ابدا ولا اطنشه واتركه نفسيتي مره تعبانه ماقدرت اذاكر شيء من الكتاب وعندي الاسبوع الجاي امتحانات نهائيه ابغى نصيحتكم رجاء افيدوني
احترامي لكم
وميض الخيال