السلام عليكم ورحمة الله وبركاته.....

ابدخل على الموضوع علئ طول

انا وصديقتي كل وحده فينا متزوجه وبيننا كل حب و ود الي يشفوفنا يقول كأننا اخوات
صديقات من يوم حنا صغار

صديقات بمعنى الصداقه نعز بعض ما تنقطع اتصالاتنا ابدا عن بعض اما بالجوال او ازورها
وهدايا
وضحك وفله مع بعض ووووو.......


والى الان..
ولكن !!!!!!!

حسبي الله على الي فرقنا.... الله لايوفقها الله لايوفقها...
ارجوكم لاتطنشون قصتي
عطوني حل ارجوكم!!!!!!!!!!!!!!!

ثم فتره
انقطعت صديقتي عني لامكالمه لااتصال لارساله
واذا دقيت

اما تعطيني مشغول او انها ماترد ابدا....

انا خفت عليها وقلت اكيد فيها شيء

المهم
واستمريت لمدة شهر اؤ اكثر

وهي على هالحال
ماترد

ثم استمريت بالاتصال .... وهي تطنش...
ثم بعد فتره من ازعاجي لها

ردت وصوتها متغير علي كأني عدوتها مو صديقتها الي تعتبرني اختها...

قلت لها
حررراااااام عليك وينك ماتردين...
قالت
أكيد تعرفين السببب!!!!!!
انا قلت وش ماني فاهمه....

قالت
لاتستهبلين وحده موصله كلامك الي ماتوقعت انك تقؤلينه عني
قلت من
انا
مستحيل اتكلم عنك
انتي صديقتي لا اختي

قالت اقول
حبيبتي
الي وصلت لي حالفه بالله انك قلتي كلالالالام عني قوي

والله ماتوقعت منك ابد والفتره الي انقطعت احاول استوعب من اصدق انتي او الي قالت لي!!!!!!

انا حلفت اني
ماتكلمت الا كل خير عنها

ثم انا عصبت وقلت
من الي قالت لك ؟؟؟؟؟

قالت اسمحي لي
هي حلفتني مااقول لك

حاولت
ثم حاوللت
لكن مافي رد
منها
ثم سكرت
والى الان
مافي اتصال

الا نادرآ
واكلمها ترد وما تسؤلف
وبعض الاحيان ماترد

انا مقهوره
وين صداقتنا
وانا متأكده ان وحده من الي انا حطتهم ببالي يا اخت زوجي او الثانيه الي هي بنت عمي

لانهم هم الي دائما يتكلمون عني ويفترون دائما ويحلفون كذب والثنين هاذولي صديقات بس
كلامهم حش ونفاق......

وانا متاكده انها وحده منهم.....واكيد هالمره قالت كلالالالام قوي قوي قوي..

لان صديقتي مره شايله مره

فاطلب منكم

لو انتي مكاني وش تسوين؟؟؟؟؟؟

او انت لو صديقك سوء كذا وش تسوي؟؟؟؟

عطوني حل
كيف اكسب ثقة صديقتي وارجع انا وياها مثل اول .......
ارجوكم

اريد استرد الثقه ابيها تثق فيني تحبني نرجع مثل اول ارجوكم ارجوكم...

لاتهملوني

انا مقهوره مقهوره مقهوره هاذي قصتي مع اعز صديقاتي

اتمنى من كل الي يقرأ قصتي
يرد
اتمنئ تتخيلون لو انتم مكاني وش تسوون..
الان انتظر ردودكم....

لاتفشلوني

ارجوكم....الله يرزق و يحفظ كل من ترد ويرحمها ويغفر لها....


تحياتي لكم..

انتظركم..

السلام عليكم همس ..

انتي وضحت موقفك لها واذا تحبك جد وبينكم عشرة عمر راح تعرف
اخلاقك وتراجع نفسها وترد لك

ادعي ربي إنه يبين براءتك ...
ولا تشيلين هم دام انتي صادقه
وانتبهي مو كل الناس تثقين فيهم وتقربينهم لك
والله يصلح مابينكم...

__________________
ربي لا تكلني الى نفسي طرفة عين

قولي لها انا مابيعك برخيص مثل ماهان عليك
صدقتي كلام العذال وبعتيني
قولي لاترجعين لي بس من حقي اظهر برائتي
اجمعي بيني وبين اللي تكلمت وانا مستعده اواجهها وساعتها شوفي مين فينا الصادق
والله يرجعكم لبعض مثل اول واحسن

اختي مريت بنفس ظروفك مع شويه اختلاف


في الاخير اقتنعت انه ما على الدنيا عتب كل ما فيها اماني


كثير ناس كذه اللي يزعل بدون ماعرف واللي يطلع سبب تافه


لكن انا وضحت اللي لازم يوضح وبس

بصراحه بعد ما فارقت ابوي الله يرحمه


صرت دايما اقول انحرق قلبي مرة وحده وعلى بابتي لكن ما راح ينحرق مرة ثانيه لان اصلن مافي احد اغلى منه


والحين حتى لمن اتصاحب دايما احط في بالي انه راح يجي يوم وتنتهي العلاقه لاي سبب

لكن الاهم اني ما راح ازعل

__________________
يارب ...والباقي وحدك تعلمه

طيب
برئيكم
كيف ووش اقؤل لها لاجل تقتنع

وكيف استرد ثقتي عندها

واتمنئ اني اقنعها
او اني اتاكد او اعرف من الي قالت هلكلالالالام

وشكلها قالت كلالالالام قؤي
لانها هي رؤحي

اختي
زخات المطر
الف الف شكر لردك
والله يرزقك ويحقق امالك
ولكن
هي صديقتي لدرجه ماتتوقعينها
وانا متاكده الي قالت
انها
قالت كلااااااااااااااااااام قؤي

ولكن
انا ابي بس اثبت اني بريه كيف؟؟؟؟

اشكرك
الله يرزقك ويرحمنا جميع

انا مقهوره
هم حققؤا مرادهم
ويافرحتهم الان بعد ماتفرقنا ولكن

انا حاطه ان فرحتهم مابتتم ابدا ولازم افضحهم او اقهرهم
واصلن
هاذي مو اؤل مره يفترؤن يااااااما سؤؤا هوايل وبلاؤي مع نا من جماعتنا ولكن واجهتهم وتفشلؤا ولكن هالمره تمكنوا ؤحلفوا صديقتي

وتمنيت ان صديقتي تعلمني من هم لكن رفضت والعذر
انهم حلفؤني

انا حاطه شيء بباللي

وهو اني ماأيئس ابدا ...

عجبني كلامك

لكن هي تقؤل محلفينها
واتمنئ وراح اقؤل لها برساااااله...
واشؤف...

اشكرك من اعماق قلبي..
الله يؤفقك...

لقد وضح الله في كتابه العزيز كيفية التصرف في مثل هذه الحالات وهذا ما يجب ان توضحيه لصديقتك حتى لا تظلمك فالظلم ظلمات يوم القيامة
وهنا جزء من مقال عسى الله ان ينفعنا به


قال الله تعالى :﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ﴿6﴾


النبأ : هو الخبر, فإذا جاءنا فاسق بنبأ ماذا نفعل؟
قال سبحانه: ﴿ فَتَبَيَّنُوا ﴾ بين الله وجوب التبيُّن من الأخبار حال ورودها من الفاسق وذلك لأن الأحوال إما قبول الخبر, أو رد الخبر, أو التثبت فيه ، هذه هي الأحوال الثلاثة بالنسبة للإنسان إذا جاءته أخبار , هذا تأديب من الله لعباده إذا جاءهم خبر من الفاسق بأن لا يتسرعوا ولكن يتسرعوا في ماذا ؟ يتبادر إلى ذهن كثير من الناس أن لا يتسرعوا في قبوله , نقول ليس هذا فقط بل لا يتسرعوا في قبوله ولا في رده أيضاً يعني لا تصدق ولا تكذب لأنك إن صدقت فقد يكون الخبر كاذباً وإن رددت فقد يكون الخبر صادقاً , فانظر إلى تأديب الله لعباده . وفي قراءة أخرى: ﴿ إِنْ جَاءَكُمْ فَاسِقٌ بِنَبَأٍ فَتَثَبَّتوا﴾ والمعنى واحد أي تثبتوا من الخبر . ولكن لماذا نتثبت في خبره قال سبحانه : ﴿ أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ﴿6﴾ أي أمرناكم أن تتثبتوا في خبر الفاسق حتى لا تصيبوا قوماً وأنتم تجهلون أحوالهم فيقع ما يقع نتيجة هذا التسرع فتصبحوا في حسرة وندامة على تعجلكم في هذا الأمر.
فحينئذ هذا الأدب لابد أن يلتزم به الإنسان وألاّ يتسرع في قبول الأخبار , وإذا نظرنا إلى أحوال الناس اليوم وجدنا الكثير منهم يطير بالخبر من أي إنسان فتراه يقول فيه كذا وكذا فيأخذ الخبر على محمل الجد وعلى أنه صدق ثم يزداد الأمر سوءاً إذا قـام الإنسان بنشر خبـر الفاسـق , فقد تندم إذا عملت بخبـر الفاسـق . انتهى المقال





والان لنأتي لتحليل موقف صديقتك
صديقتك وصلها الخبر وهي في حيرة من امرها بين مصدق ومكذب والشيطان هنا يلعب براسها وكهجوم مضاد انصحك مبدئيا بأ لا تتصلي بها حتى لا تحدث مشادات كلامية وتغلط فيك ويزيد الامر سؤ ،وانما اكتفي بارسال مسج به الاية السابقة وخليها تراجع نفسها وتصرفها اذا كان يرضى الله ام لا.
لا تحاولي معرفة صاحب الخبر لان هذا لن يفيد الا في اتساع المشكلة واكيد مو هذا هدفك وانما هدفك استرجاع صديقتك واتبات برائتك اما الفاعل فاحتسبي الاجر واتركيه
عليك ان تجتهدي في معرفة الخبر لتردي اما بتأكيد الخبر او انكاره ، وانا لا اتهمك هنا وانما اقصد بتأكيد الخبر ، انه لربما نقل الخبر بطريقة غير صحيحة ولم ينقل حرفيا وهنا وجب عليك توضيح قصدك وتفسير كلامك وابعاد التأويلات التي نقلت
خاطبي فيها الوازع الديني وما امرنا به الله في هذه الحالة وحركي عواطفها وبيني لها المك لتصديقها لمن اراد الفتنة وتكذيبها لرفيقة عمرها وظنها السوء بك
قال تعالى : {يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ }الحجرات12

لا تقطعيها ولا تيأسي وبعد هذه المرحلة تكون تهيئت نفسيا للنقاش في الموضوع وهنا انصحك بأن تكون هذه المرحلة وجها لوجه وليست في الهاتف
وان شاء الله خير




أسأل الله أن يوفقكم ويجمع شملكم عاجل غير اجل وان يقيناواياكم شر الفتن إنه سميع مجيب

__________________

ارجوكم

اقترحوا علي
وباذن الله اجد لديكم الحل ؟؟؟؟؟؟؟؟؟؟؟؟


الله يرزقكم لاتحطموني وتخلؤني أيئس من الفرج والحل..
يعني معقؤله مامريتو بكذا

انا فقط
سؤالي كيف استرد ثقتي بها ...
هل الاتصال ؤالاهتمام ينفع

اخاف تفهم اني ابي اثبت برئتي وابعد عني التهمه اني تكلمت فيها..