زوجي قال لي كنت اقدر أحصل بنت أجمل منك
السلام عليكم ورحمة الله وبركاته
أخواني وأخواتي أشكركم جميعا أشكر كل من في هذا المنتدى على ما قدم سواء من نصيحة او دعاء
أتمنى من الرجال يجاوبوبي يمكن لانهم افهم لتفكير زوجي كونهم رجال وايضا اخواتي احتاج لكم
زوجي والحمدلله انسان كريم ما قصر معي ابدا والحمدلله وطيب جدااااااا وحبوب وهو عصبي جداااااااا وايضا مضحك جداااااااااا
واللي في قلبة على لسانه سواء من تعليق او سب او شتم او احاسيس اي شي عادي يقول اللي في قلبه
المهم كنت قاعدة معاه وسواليف وكنا نتكلم عن العرس وعن الخطوبة وبعدين قالي انا كنت اقدر احصل بنت أحلى وأبيض منك وايضا موظفة لكن ما توقعت اني احصل بنت بهذي الاخلاق والادب
بصراااااااااحة فرحت عاللي قاله عني مؤدبة وخلوقة لكن ماتوقعت اني بنظرة لست جميلة
مع اني الحمدلله على قدر من الجمال والكل يشهد بس تضايقت من اللي قاله عني مو حلوة واهتزت ثقتي بنفسي وانوثني وحتى وانا اكتب فيني الم من اللي قاله
حسسني اني ما اشبعت رغبتة من ناحية الجمال والحمدلله رب العالمين على كل النعم
هويكبرني 10 سنوات ويقولي اني حلوة على ذوق الناس اللي كبرك مو كبرة هو وبالنسبة التوظيف انا هذي السنة تخرجت وانتظر اتوظف
ياناس ما ابغي مواساة ابغي الصراحة
ياناس فهموني يعني هو يحبني ولا لأ؟
انا احبة واحترمة واقدره .
ونحن متزوجون من 4 سنوات
عفواً تم تعديل العنوان ليتضح المضمون/الاشراف
التعديل الأخير تم بواسطة ماريا ; 24-08-2009 الساعة 11:38 AM
23-08-2009, 06:00 AM
ضوابط المشاركة
العرض الشجري